Алдын-ала біліктілік таңдаумен конкурс тәсілімен мемлекеттік сатып алуды жүзеге асыруға қатысты
Отандық тауар өндірушілерді дамытуға және қолдауға жәрдем көрсету мақсатында қолданыстағы заңнамаға бірқатар өзгерістер енгізілді, ол индустриялық сертификатты қолдану бөлігінде отандық кәсіпорындар үшін белгілі бір артықшылықтар береді.
Мәселен, а.ж. 1 шілдеден бастап «Мемлекеттік сатып алу алдын ала біліктілік іріктеуі арқылы конкурс тәсілімен жүзеге асырылатын тауарлардың, жұмыстардың, көрсетілетін қызметтердің тізбесін бекіту туралы» Қазақстан Республикасы Премьер-Министрінің Бірінші орынбасарының бұйрығы (бұдан әрі – Бұйрық) қолданысқа енгізіледі, ол жеңіл өнеркәсіп тауарларын, құрылыс-монтаж жұмыстарын, жобалау жөніндегі жұмыстарды, жиһаз өнімдерін мемлекеттік сатып алуды, сондай-ақ бағдарламалық қамтамасыз ету санаттарына және электрондық өнеркәсіп өнімдеріне қатысты тауарларды реттейді.
Жоғарыда көрсетілген бұйрық шеңберінде индустриялық сертификаттың болуын конкурсқа қатысуға рұқсат берудің міндетті шарттарының бірі енгізу жоспарлануда.
Осыған байланысты ағымдағы жылдың 1 шілдесінен бастап жоғарыда көрсетілген мемлекеттік сатып алуды өткізу кезінде жоғарыда көрсетілген бұйрықтың күшін назарға алу, сондай-ақ индустриялық сертификат алу қажеттігі туралы әлеуетті өнім берушілердің назарына жеткізу қажет (ресми интернет-ресурстарда орналастыру).
Біліктілікті алдын ала іріктеумен жүргізілетін конкурс тәсілімен мемлекеттік сатып алу жүзеге асырылатын тауарлардың, жұмыстардың, көрсетілетін қызметтердің тізбесін бекіту туралы
Қазақстан Республикасы Премьер-Министрінің Бірінші орынбасары - Қазақстан Республикасы Қаржы министрінің 2019 жылғы 31 мамырдағы № 521 бұйрығы
«Мемлекеттік сатып алу туралы» Қазақстан Республикасының 2015 жылғы 4 желтоқсандағы Заңы 31-бабының 1-тармағына сәйкес БҰЙЫРАМЫН:
1. Қоса беріліп отырған Біліктілікті алдын ала іріктеумен жүргізілетін конкурс тәсілімен мемлекеттік сатып алу жүзеге асырылатын тауарлардың, жұмыстардың, көрсетілетін қызметтердің тізбесі (бұдан әрі - Тізбе) бекітілсін.
2. «Мемлекеттік сатып алу алдын ала біліктілік іріктеуі арқылы конкурс тәсілімен жүзеге асырылатын тауарлардың, жұмыстардың, көрсетілетін қызметтердің тізбесін бекіту және «Мемлекеттік сатып алу саласында тізілімдерді қалыптастырудың және жүргізудің қағидаларын бекіту туралы» Қазақстан Республикасы Қаржы министрінің 2015 жылғы 28 желтоқсандағы № 694 бұйрығына өзгерістер мен толықтырулар енгізу туралы» Қазақстан Республикасы Қаржы министрінің 2016 жылғы 29 ақпандағы № 91 бұйрығының (Нормативтік құқықтық актілерді мемлекеттік тіркеу тізілімінде № 13553 болып тіркелген, 2016 жылғы 31 наурызда Қазақстан Республикасы «Әділет» ақпараттық-құқықтық жүйесінде жарияланған) 1-тармағының күші жойылды деп танылсын.
3. Қазақстан Республикасы Қаржы министрлігінің Мемлекеттік сатып алу заңнамасы департаменті заңнамада белгіленген тәртіппен:
1) осы бұйрықтың Қазақстан Республикасы Әдiлет министрлiгiнде мемлекеттік тіркелуін;
2) осы бұйрық мемлекеттік тіркелген күннен бастап күнтізбелік он күн ішінде оны қазақ және орыс тілдерінде ресми жариялау және Қазақстан Республикасы нормативтік құқықтық актілерінің эталондық бақылау банкіне енгізу үшін Қазақстан Республикасы Әділет министрлігінің «Қазақстан Республикасының Заңнама және құқықтық ақпарат институты» шаруашылық жүргізу құқығындағы республикалық мемлекеттік кәсіпорнына жіберілуін;
3) осы бұйрықтың Қазақстан Республикасы Қаржы министрлігінің интернет-ресурсында орналастырылуын;
4) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде Қазақстан Республикасы Қаржы министрлігінің Заң қызметі департаментіне осы тармақтың 1), 2) және 3) тармақшаларында көзделген іс-шаралардың орындалуы туралы мәліметтердің ұсынылуын қамтамасыз етсін.
4. Осы бұйрық ресми жариялануы тиіс және 2020 жылғы 1 қаңтардан бастап қолданысқа енгізілетін Тізбенің 4, 5-тармақтарын қоспағанда, 2019 жылғы 1 шілдеден бастап қолданысқа енгізіледі.
Қазақстан Республикасы
Премьер-Министрінің бірінші орынбасары -
Қазақстан Республикасының Қаржы министрі
Ә. Смайылов
Бірінші Орынбасары -
Қазақстан РеспубликасыҚазақстан
Республикасы Премьер-Министрінің
Қаржы министрінің 2019 жылғы 31 мамырдағы
№ 521 бұйрығымен бекітілген
Біліктілікті алдын ала іріктеумен жүргізілетін конкурс тәсілімен мемлекеттік сатып алужүзеге асырылатын тауарлардың, жұмыстардың, көрсетілетін қызметтердің тізбесі
|
№ |
Атауы |
|
1. |
Құрылыс - монтаждау жұмыстары |
|
2. |
ЖиҺаз өнімі |
|
3. |
Жеңіл өнеркәсіп тауарлары |
4, 5-тармақтары 2020 ж. 1 қаңтардан бастап қолданысқа енгізіледі
|
4. |
Сенімді бағдарламалық қамтамасыз ету және электрондық өнеркәсіп өнімі тізіліміне енгізілген бағдарламалық қамтамасыз ету және электрондық өнеркәсіп өнімдері санаттарына жататын тауарлар (ақпараттандыру объектілерінің сыныптауышына сәйкес) |
|
5. |
«Электронды үкіметтің» ақпараттандыру объектілерін құру және дамыту жөніндегі қызметтер |