Сарыкөл ауданы әкімдігі жанындағы Аналар кеңесі туралы ЕРЕЖЕ

БЕКІТЕМІН

Сарыкөл ауданының әкімі ______________А. Балғарин

  2020 жылғы «___»_________

 

 

Сарыкөл ауданы әкімдігі жанындағы Аналар кеңесі туралы

ЕРЕЖЕ

 


  1. Жалпы ережелер

 

  1. Аналар кеңесі (бұдан әрі - Кеңес) консультативтік-кеңестік орган болып табылады.
  2. Кеңес өз қызметін жүзеге асыруда Қазақстан Республикасының Конституциясын, «Қазақстан халқы Ассамблеясы туралы» Заңын, Қазақстан Республикасының басқа да заңдарын, Қазақстан Республикасы Президентінің және Қазақстан Республикасы Үкіметінің актілерін, өзге нормативтік құқықтық актілерді және осы Ережені басшылыққа алады.
  3. Кеңес құрамы Қазақстан халқы Қостанай облыстық Ассамблеясының, мемлекеттік органдардың, қоғамдық бірлестіктердің, үкіметтік емес ұйымдардың, басқа да ұйымдардың өкілдері және қоғам қайраткерлері қатарынан қалыптасады.

 

  1. Кеңес мақсаты

 

Аналар кеңесінің мақсаты қазақстандағы отбасылық қатынастарды нығайту, отбасылық дәстүрлер мен құндылықтарды насихаттау, тұлғаның рухани-адамгершілік қасиеттерін дамыту, қоғамдағы бейбітшілік пен келісімді қамтамасыз ету.

 

  1. Кеңестік міндеттері мен қызметтері

 

  1. Кеңестің негізгі міндеттері отбасы мен ана институттарын нығайту арқылы Қазақстан халқы Ассамблеясының қоғамдық келісім мен ұлттық бірлікті қамтамасыз етуге бағытталған қызметін іске асыруға қолдау таныту, сондай-ақ отбасылық құндылықтарды насихаттау жөніндегі шараларды жүзеге асыру.
  2. Кеңес қызметтері: 

1) дені сау және жан-жақты, жан дүниесі бай ұрпақ тәрбиелеу мақсатында ата-аналардың жауапкершілігін арттыру үшін жағдай жасау.

2) жалғызбасты және көпбалалы аналардың әлеуметтік мәселелерін шешуде кеңес беру;

3) отбасылық құндылықтарды, ата-аналардың жетістігін насихаттауға, қоғамдағы отбасы рөлін арттыруға, жанұя берекесін сақтауға бағытталған            іс-шараларды іске асыруға қатысу;

4) жастар арасындағы бейәлеуметтік мінез-құлықтың алдын алу;             аға буынға мейірбандықпен, құрметпен қарау сезімін тәрбиелеу, әлеуметтік отбасылық құндылықтар мен репродуктивті ұстанымдарды қалыптастыру;

5) қазақстандық патриотизмге, толеранттылыққа  тәрбиелеу, Қазақстан халқының азаматтық және рухани-мәдени бірегейлігін қалыптастыруға бағытталған жұмыс ұйымдастыру;

6) ұлтаралық келісімді, толеранттылыққа негізделген өзара қарым-қатынасты нығайту,  ұрпақтар сабақтастығын сақтау, ұлттық салт-дәстүр, әдет-ғұрыптарды, отбасылық құндылықтарды насихаттау; 

7) Қазақстан халқы Ассамблеясының, азаматтық қоғам институттарының және басқа да ұйымдардың отбасы мен ана рөлін насихаттауға бағытталған қоғамдық бастамаларын, әлеуметтік маңызға ие жобаларына қолдау танытып,  дамыту;

8) Кеңестің негізгі міндеттері мен қызметтерін іске асыру мақсатында мемлекеттік органдармен және азаматтық қоғам институттарымен өзара әрекеттестік орнату; 

9) отбасы және ана институттарының мәртебесін нығайту бойынша Қазақстан халқы Қостанай облыстық Ассамблеясы, мемлекеттік органдар мен басқа да ұйымдарына ұсыныстар дайындау.

 

  1. Кеңес өкілеттіктері

 

  1. Кеңес өз құзыреті шегінде:

1) жүктелген міндеттерді орындау үшін мемлекеттік органдардан қажетті ақпаратты, құжаттар мен материалдарды сұратуға;

2) Кеңес отырыстарында Кеңес құзыретіне енетін мәселелер бойынша мемлекеттік органдар мен өзге де ұйымдардың өкілдерін тыңдауға;

3) өз құзыретіне енетін мәселелер бойынша шешім қабылдауға құқылы. Кеңес шешімдері ұсыным ретінде танылады.

 

  1. Кеңес қызметінің ұйымдастырылуы

 

  1. Кеңес отырыстары қажеттілігіне қарай, бірақ тоқсан сайын кемінде бір рет өткізіледі.
  2. Кеңес отырыстары Кеңес мүшелерінің жалпы санының үштен екісі қатысқан жағдайда заңды болып есептеледі.
  3. Кеңес шешімдері отырысқа қатысып отырған кеңес мүшелерінің жалпы санының көпшілік даусымен қабылданады. Кеңес мүшелерінің дауыстары тең болған жағдайда төрағалық етушінің дауысы шешуші болып табылады.
  4. Кеңес отырыстарына Кеңес мүшесі болып табылмайтын лауазымды тұлғалар, сондай-ақ қоғамдық ұйымдардың, Қазақстан халқы облыстық Ассамблеясының және бұқаралық ақпарат құралдарының өкілдері шақырылуы мүмкін.
  5. Кеңес төрағасын, сондай-ақ кеңес хатшысын Сарыкөл ауданының әкімі тағайындайды.

Кеңес төрағасы:

  • Кеңес қызметін басқарады және оның отырыстарына төрағалық етеді;
  • Күн тәртібін айқындайды және Кеңес отырыстарының хаттамасына қол қояды.
  • Жылына бір рет (қажеттілігіне қарай) Сарыкөл ауданы әкімінің келісімі бойынша қеңес құрамы бойынша түзетулер енгізуге құқылы.
  1. Төраға болмаған жағдайда оның міндеттерін төрағаның өзі тағайындаған орынбасар атқарады.
  2. Кеңес хатшысы:

1)      Кеңес мүшелеріне отырыстың өтетін мерзімі  мен орны туралы хабарлайды;

2)      Кеңес отырыстарына материалдар дайындауды ұйымдастырады;

3)      Кеңес отырыстарының хаттамасын рәсімдейді;

4)      Кеңес  мүшелерінің  қабылданған шешімдерді орындау бойынша атқарған жұмысы туралы дайын  есепті Кеңес төрағасына ұсынады;

5)      Кеңес төрағасының тапсырмасы бойынша  өзге де қызметтерді жүзеге асырады. Кеңес хатшысы Медиация кеңесінің мүшесі болып табылмайды.

Кеңес хатшысы оның мүшесі болып табылмайды.

  1. Кеңестің жұмыс органы «Сарыкөл ауданы әкімдігінің ішкі саясат бөлімі» ММ болып табылады, ол Кеңестің жұмыс органының өкілеттігін Облыстың Қазақстан халқы Ассамблеясының қызметін қамтамасыз ететін басқа ұйымға бере алады.

Кеңестің жұмыс органы:

1) Кеңес қызметін ақпараттық-сараптамалық тұрғыдан қамтамасыз етеді;

2) Кеңес құзыретіне қатысты мәселелер бойынша мемлекеттік органдармен, лауазымды тұлғалармен және ұйымдармен қызметтік хат алмасуды жүргізеді;

3) Кеңес қызметін қамтамасыз ету үшін қажетті өзге де өкілеттіліктерді жүзеге асырады.

 

 

 

 

Сарыкөл ауданы әкімдігі жанындағы Аналар кеңесі туралы ЕРЕЖЕ
Дата публикации
20 августа 2020