Сарыкөл ауданы әкімдігінің жанындағы медиация кеңесі туралы ЕРЕЖЕ

БЕКІТЕМІН

Сарыкөл ауданының әкімі ______________А. Балғарин

  2020 жылғы «___» ________

 

Сарыкөл ауданы әкімдігінің жанындағы медиация кеңесі туралы

ЕРЕЖЕ

 

 

1. Жалпы ережелер

 

1. Сарыкөл ауданы әкімдігінің жанындағы медиация кеңесі (бұдан әрі - Кеңес) консультативтік-кеңестік орган болып табылады.
2. Медиация кеңесі өз қызметінде Қазақстан Республикасының Конституциясын, заңдарын, Қазақстан Республикасының Президенті мен Үкіметінің актілерін, өзге де нормативтік құқықтық актілерді, сондай-ақ осы Ережені басшылыққа алады.
3. Кеңес құрамы судьялардың (келісімімен), адвокаттардың, мемлекеттік органдардың, қоғамдық медиация ұйымдарының, ҚХОА медиация кабинеттерінің және басқа да ұйымдардың өкілдері қатарынан қалыптасады
4. Кеңес құрамы Сарыкөл ауданы әкімінің келісімімен бекітіледі.
5. Кеңес төрағасын кеңес мүшелері отырыс барысында сайлайды. Кеңес төрағалығына танымал қоғам қайраткері немесе Сарыкөл ауданы әкімінің келісімі бойынша белсенді қоғамдық-саяси ұстанымға ие тұлға сайлана алады.

 

2. Кеңес міндеттері мен қызметтері

 

7. Медиация кеңесінің басты мақсаты - Қазақстан Республикасындағы қоғамдық келісімді қамтамасыз ету мақсатында медиация институтын дамыту.

Медиация қызметінің негізгі міндеттері:

1) қоғамдық келісім саласындағы медиация бойынша стратегиялар әзірлеу;

2) Қоғамдық келісім саласындағы медиация жөніндегі қызметті үйлестіру және жүйелеу;

3) Сарыкөл ауданы әкімдігінің медиация бойынша ақпараттық және әдістемелік қамтамасыз ету;

4) этносаралық қатынастар саласында медиация бойынша отандық және шетелдік тәжірибені зерделеу, медиация бойынша тәжірибені жетілдіру;

5) этносаралық қатынастар саласында медиация бойынша әдістемелік материалдар әзірлеу;

6) этносаралық қатынастар саласындағы медиация бойынша отандық және халықаралық ұйымдармен ынтымақтастықты дамыту.

 

3. Кеңес өкілеттіктері

 

8. Кеңес өз құзыреті шегінде:

1) жүктелген міндеттерді орындау үшін мемлекеттік органдардан қажетті ақпаратты, құжаттар мен материалдарды сұратуға;

2) Кеңес отырыстарында Кеңес құзыретіне енетін мәселелер бойынша мемлекеттік органдар мен өзге де ұйымдардың өкілдерін тыңдауға;

3) Кеңес құзыретіне жатқызылған нақты мәселелер бойынша ұсыныстарды тұжырымдау мақсатында жұмыс топтарын және комиссиялар құруға;

4) өз құзыретіне енетін мәселелер бойынша шешім қабылдауға;

5) медиацияны нормативтік-құқықтық реттеу бойынша ұсыныстар жасауға құқылы.

 

4. Кеңес қызметін ұйымдастыру

 

9. Кеңес отырыстары қажеттілігіне қарай, бірақ тоқсан сайын кемінде бір рет өткізіледі.
10. Кеңес отырыстары Кеңес мүшелерінің жалпы санының көпшілігі қатысқан кезде заңды болады.
11. Кеңес шешімдері отырысқа қатысып отырған кеңес мүшелерінің жалпы санының көпшілік даусымен қабылданады. Кеңес мүшелерінің дауыстары тең болған жағдайда төрағалық етушінің дауысы шешуші болып табылады.
12. Кеңес отырыстарына Кеңес мүшесі болып табылмайтын лауазымды тұлғалар, сондай-ақ қоғамдық медиация ұйымдарының, этномәдени бірлестіктердің, Қазақстан халқы Ассамблеясының және бұқаралық ақпарат құралдарының өкілдері шақырылуы мүмкін.
13. Кеңес төрағасы:

• Кеңес қызметін басқарады және оның отырыстарына төрағалық етеді;
• Күн тәртібін айқындайды және Кеңес отырыстарының хаттамасына қол қояды.
• Жылына бір рет (қажеттілігіне қарай) Сарыкөл ауданы әкімінің келісімі бойынша қеңес құрамы бойынша түзетулер енгізуге құқылы.

14. Төраға болмаған жағдайда оның міндеттерін төрағаның өзі тағайындаған орынбасар атқарады.
15. Кеңес хатшысы:

1)      Кеңес мүшелеріне отырыстың өтетін мерзімі  мен орны туралы хабарлайды;

2)      Кеңес отырыстарына материалдар дайындауды ұйымдастырады;

3)      Кеңес отырыстарының хаттамасын рәсімдейді;

4)      Кеңес  мүшелерінің  қабылданған шешімдерді орындау бойынша атқарған жұмысы туралы дайын  есепті Кеңес төрағасына ұсынады;

5)      Кеңес төрағасының тапсырмасы бойынша  өзге де қызметтерді жүзеге асырады. Кеңес хатшысы Медиация кеңесінің мүшесі болып табылмайды.

Кеңес хатшысы оның мүшесі болып табылмайды.

16. «Сарыкөл ауданы әкімдігінің ішкі саясат бөлімі» ММ Кеңесінің жұмыс органы болып табылады.

Кеңестің жұмыс органы:

1) Кеңес  қызметін ақпараттық-сараптамалық тұрғыдан қамтамасыз етеді;

2) Кеңес құзыретіне қатысты мәселелер бойынша мемлекеттік органдармен, лауазымды тұлғалармен және ұйымдармен қызметтік хат алмасуды жүргізеді;

3) Кеңес қызметін қамтамасыз ету үшін қажетті өзге де өкілеттіліктерді жүзеге асырады.

 

Дата публикации

20 августа 2020