Мәслихаттың 2018 жылғы 23 мамырдағы № 265 «Азаматтардың жекелеген санаттарына амбулаториялық емделу кезінде тегін дәрілік заттарды, бейімделген емдік өнімдерді, медициналық мақсаттағы бұйымдарды қосымша беру туралы» шешіміне толықтырулар енгізу туралы

«Халық денсаулығы және денсаулық сақтау жүйесі туралы» 2009 жылғы 18 қыркүйектегі Қазақстан Республикасы Кодексінің 9-бабы 1-тармағының 5) тармақшасына сәйкес Қостанай облыстық мәслихаты ШЕШІМ ҚАБЫЛДАДЫ:

1. Қостанай облыстық мәслихатының «Азаматтардың жекелеген санаттарына амбулаториялық емделу кезінде тегін дәрілік заттарды, бейімделген емдік өнімдерді, медициналық мақсаттағы бұйымдарды қосымша беру туралы» 2018 жылғы 23 мамырдағы № 265 шешіміне (2018 жылғы 20 маусымда Қазақстан Республикасы нормативтік құқықтық актілерінің эталондық бақылау банкінде жарияланған, Нормативтік құқықтық актілерді мемлекеттік тіркеу тізілімінде № 7837 болып тіркелген) мынадай толықтырулар енгізілсін:

1-қосымша мынадай мазмұндағы 9 және 10-тармақтармен толықтырылсын (МН. ЧИСЛ):

«9. «Митотан» препараты, таблетка, онкологиямен ауыратын азаматтарға.

10. «Стирипентол» препараты, капсула, таблетка, Драве Синдромымен ауыратын азаматтарға.»;

2-қосымша мынадай мазмұндағы 3-тармақпен толықтырылсын:

«3. Энтеральдық қорек беруге тамақтануға арналған бейімделген емдік өнім, өңеш стенозымен ауыратын азаматтарға.»;

3-қосымша мынадай мазмұндағы 2-тармақпен толықтырылсын:

«1. Көмей стенозымен ауыратын азаматтарға арналған медициналық мақсаттағы бұйымдар:

аспираторлық катетер;

асқазандық сүңгі;

трахеостомаға арналған жылуалмастырғыш;

энтеральдық қорек беруге тамақтануға арналған шприц» .

2. Осы шешім алғашқы ресми жарияланған күнінен кейін күнтізбелік он күн өткен соң қолданысқа енгізіледі.

 

Сессия төрайымы                                                             

Қостанай облыстық

мәслихатының хатшысы                                                  С. Ещанов