Аудан шекарасы шегінде жер қатынастарын реттеу саласындағы аудандық атқарушы органның құзыретіне:

1) Жер кодексінің 13, 16, 18 және 19-баптарында көзделген жағдайларды қоспағанда, жер учаскелерін жеке меншікке және жер пайдалануға беру;

1-1) пайдалы қазбаларды геологиялық зерттеуге және барлауға байланысты жер қойнауын пайдалану мақсаттары үшін жария Сервитуттарды белгілеу болып табылады;

1-2) жер комиссиясының құрамын қалыптастыру, комиссия туралы ережені әзірлеу және тиісті жергілікті өкілді органға бекітуге жіберу;

2) осы Кодекстің 13, 16 және 18-баптарында көзделген жағдайларды қоспағанда, жер учаскелерін алып қою, оның ішінде мемлекет мұқтажы үшін алып қою;

2-1) ауыл шаруашылығы мақсатындағы жердің пайдаланылуы мен қорғалуына мемлекеттік бақылауды жүзеге асыру;

2-2) осы Кодекстің 92 және 93-баптарына сәйкес заңды күшіне енген сот шешімінің негізінде жер учаскелері мәжбүрлеп алып қойылған тұлғалар туралы орталық уәкілетті органға ақпарат беру;

3) Алып тасталды-ҚР 03.07.13 № 124-V Заңымен (ескі қараңыз). ред.)

4) ауылдық атқарушы органдардың қарамағына берілген ауыл шаруашылығы алқаптарын қоса алғанда, елді мекендер аумағының жер-шаруашылық орналастыру жобаларын тиісті өкілді органның бекітуі үшін әзірлеу және олардың орындалуын қамтамасыз ету;

4-1) осы Кодекстің 49-2-бабына сәйкес жерді резервте қалдыру;

5) осы Кодекстің 71-бабының 2-тармағына сәйкес іздестіру жұмыстарын жүргізу үшін жер учаскесін пайдалануға рұқсат беру;

5-1) осы Кодекстің 69-бабына сәйкес қауымдық сервитуттар белгілеу болып табылады;

5-2) елді мекендер аумақтарын жер-шаруашылық орналастырудың бекітілген жобаларын халық үшін қолжетімді орындардағы арнайы ақпараттық стендтерде орналастыру;

6) арнайы жер қорын құру;

7) Алып тасталды-ҚР 10.01.06 № 116-III Заңымен (2006 жылғы 1 қаңтардан бастап қолданысқа енгізілді) (ескі қараңыз). ред.)

8) жерді аймақтарға бөлу жобаларын (схемаларын) ауданның өкілді органына бекітуге ұсыну;

8-1) аудандық маңызы бар қала, кент, ауыл, ауылдық округ әкімдерімен және жергілікті өзін-өзі басқару органдарымен бірлесіп жайылымдарды басқару және оларды пайдалану жөніндегі жоспарды әзірлеу, ауданның жергілікті өкілді органына бекітуге енгізу;

8-2) жайылымдарды басқару және оларды пайдалану жөніндегі Жоспарды іске асыруды қамтамасыз ету және ауданның жергілікті өкілді органына оның іске асырылу қорытындылары туралы жыл сайынғы есепті ұсыну;

8-3) осы Кодекстің 94-бабы 2-тармағының үшінші бөлігіне сәйкес жер учаскесіне құқық ауыртпалығын белгілеуге және тоқтатуға Мемлекеттік корпорацияға нұсқама жіберу;

9) Алып тасталды-ҚР 13.06.13 № 102-V Заңымен (ескі қараңыз). ред.)

10) жергілікті мемлекеттік басқару мүддесінде Қазақстан Республикасының заңнамасымен жергілікті атқарушы органдарға жүктелетін өзге де өкілеттіктерді жүзеге асыру.