Қазіргі таңда Қазақстан Республикасындағы тіл саясатын іске асырудың 2020-2025 жылдарға арналған мемлекеттік бағдарламасы ҚР Үкіметінің қаулысымен бекітілді (2019 жылғы 31 желтоқсан № 1045).
Облыста тілдерді оқыту инфрақұрылымы жасалған. Бүгінгі күні облыс бойынша заманауи оқытудың әдістемелік және техникалық құралдарымен қамтылған 20 тілдерді оқыту орталығы бар (ҚР - 91). Соңғы үш жылда мемлекеттік тілді 18 мыңнан астам адам(2019 ж.-6709),ағылшын тілін 5 мыңнан астам адам (2019 ж.-1763), ана тілдерін 437 адам оқыды (2019 ж.- 192), соның ішінде 70 ауылдық округта қазақ тілін – 1767 адам, ағылшын тілін – 114 адам оқыған.
(2020 ж. қазақ тілін – 6603 адам, ағылшын тілін - 1872 адам, ана тілдерін – 204 адам оқуда), соның ішінде 69 ауылдық округта қазақ тілін – 1638 адам, ағылшын тілін – 120 адам оқуда).
Үш жылдың ішінде жергілікті атқарушы органдардың 6370 мемлекеттік қызметшісі «Қазтестке» қатысты. Тестілеуге экономика және бюджетті жоспарлау басқармасы, қаржы және денсаулық сақтау басқармаларының 80%-дан астам қызметкерлері қатысып, белсенділік танытты. Нәтижесінде тестке қатысқан мемлекеттік қызметшілер В1 деңгейін меңгергендерін растады (2019 ж. 38%, жоспар 35%).
Тілдерді оқыту орталықтарында 159 адам жұмыс істейді. Тіл мамандарының біліктілігін арттыруға бағытталған 220 семинарлар ұйымдастырылды (2019 ж. – 93).
Сонымен қатар мемлекеттік қызмет істері департаменті мен «Азаматтарға арналған Үкімет» мемлекеттік корпорациясымен жасалған меморандумға сәйкес 3 ақпаннан бастап әр жұма сайын, тілдерді оқыту орталықтарының базасында «Цифрлық Қазақстан» бағдарламасы шеңберінде тегін курстар ұйымдастырылды. Аталған оқыту курстарында 730-ға жуық азаматтар цифрлік біліктілігін дамытты.