Әулие Никольский шіркеуі

Әулие Никольский шіркеуі Ұзынкөл ауданы Пресногорьков ауылында орналасқан.

Солтүстік Қазақстан аумағында сақталған XIX ғасырдың басындағы шіркеулердің бірі. Ағаш дуалмен қоршалған жазғы және қысқы екі бөліктен тұрады. Шіркеу қабырғасының жанында көп зират бар, атап айтқанда, Омбы облыстық басқармасының бастығы, дивизия командирі Василий Иванович де Сент-Лоранның зираты орналасқан.

1920-шы жылдары шіркеуді талан-таражға салды. Дегенмен тәуелсіздік алған соң, 1991 жылдан бастап шіркеуге ішінара жөндеу жұмыстары жүргізіліп, қайта жұмыс істей бастады. 2005 жылдың жазында шіркеу қайта қалпына келтіріліп, келушілерге есігін айқара ашты.

Ю.Ф.Ермолаевтың естелігінен (1926 ж.т.): «Никольский шіркеуі орталық алаңда тұрды. Үлкен және кіші шіркеу мұнарасы бар тамаша сәулеттік ғимарат. Үлкен мұнарасының төрт жағынан қоңыраулар ілініп тұратын. Солтүстік жағынан – ең үлкені (ол шіркеу қоршауында ұзақ жатты, онда 1678 жылы құйылған деген жазу болатын), шығыс жағында – екі кішірек және батыс жағынан – кішкентай сегіз қоңырау.

Екінші мұнара біріншісінен аласа және шіркеудің шығыс бөлігінде орналасқан.