Балалар мен жасөспірімдерге арналған үйірмелерді жан басына шаққандағы нормативтік қаржыландыру бағдарламасы Қазақстанда 2021 жылдың сәуір айынан бастап 4 жастан 18 жасқа дейінгі балаларды үйірмелер мен секцияларда тегін сабақтармен барынша қамту үшін ұйымдастырылды.
Шығармашылық үйірмеге қатысу үшін электронды кезекке тұру керек, онда оларды кейіннен бөлу үшін бос орындардың болуы туралы мәліметтер қалыптасады. Кезек үйірменің әр түріне бөлек қалыптасады. Өтінішті баланың заңды өкілі бере алады. Белгілі бір үйірмені немесе секцияны таңдау қажет.
Мемлекеттік спорттық, шығармашылық және білім беру тапсырыстары шеңберінде ел ауқымында бір балаға спорт секцияларының немесе шығармашылық үйірмелердің қызметтеріне кезекте баланың заңды өкілінің бірден көп емес өтінішінің болуына жол беріледі.
Мемлекеттік шығармашылық тапсырысты қаржыландыру 2026 жылы 1,3 млрд. теңгені құрады. Мақұлданған өнім берушілер саны-92. Шығармашылық үйірмелер 30 бағыт бойынша жұмыс істейді, соның ішінде ерекше білім беру қажеттіліктері бар балаларды қамтиды. 05.01.2026 ж. жағдай бойынша шығармашылық үйірмелермен 5433 бала қамтылды.
Жан басына шаққандағы нормативтік қаржыландыру бағдарламасы бойынша шығармашылық үйірмелер облыстың барлық қалалары мен аудандарында жұмыс істейді.
Ең танымал үйірмелер: «Ұлттық (Халықтық) би», «кескіндеме, сурет салу», «Домбыра», «Заманауи (эстрадалық) би», «Эстрадалық вокал».