Бүгінгі таңда Қазақстан Республикасында көптеген ЖШС және ЖК пандемияға байланысты қалыптасқан қиын жағдайдан жол іздейді. Оңалту рәсімін қолдану жағдайдан шығудың бір жолы болып табылады.
"Оңалту және банкроттық туралы" Қазақстан Республикасының Заңына (бұдан әрі-заң) сәйкес дәрменсіз (төлемге қабілетсіз) кәсіпорындарға қатысты банкроттық рәсімінен басқа, оңалту рәсімі де көзделген.
Оңалту рәсімі-сот тәртібімен қолданылатын рәсім, оның шеңберінде борышкерге төлем қабілеттілігін қалпына келтіруге бағытталған қайта ұйымдастыру, ұйымдастыру-шаруашылық, басқару, инвестициялық, техникалық, қаржы-экономикалық, құқықтық және Қазақстан Республикасының заңнамасына қайшы келмейтін өзге де шаралар қолданылады.
Оңалтуды қолдану кезінде кәсіпорынның бюджет алдындағы, сондай-ақ өзге кредиторлар алдындағы борыштары бекітілген кестеге сәйкес өтелетін болады.
Оңалту рәсімінен өту уақытында кәсіпорынды басқару құқығы оңалтуды басқарушыға жүктеледі.
Бұл ретте заңда борышкердің мүлкі мен істерін басқару құқығы мүліктің меншік иесінде сақталуы мүмкін екендігі де көзделген.
Қосымша ақпарат алу үшін Қарасу ауданы бойынша Мемлекеттік кірістер басқармасының "салықтық бақылау және өндіріп алу" бөліміне 8-714-52-22-1-71 нөмірі бойынша хабарласа аласыз.
Қарасу бойынша МКБ