"Агроөнеркәсіптік кешенді және ауылдық аумақтарды дамытуды мемлекеттік реттеу туралы" Қазақстан Республикасы Заңының 6-бабы 1-тармағының 18) тармақшасына, "Мемлекеттік көрсетілетін қызметтер туралы" Қазақстан Республикасы Заңының 10-бабының 1) тармақшасына сәйкес БҰЙЫРАМЫН:
Ескерту. Кіріспе жаңа редакцияда-ҚР Ауыл шаруашылығы министрінің 17.01.2023 № 13 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
1. Қоса беріліп отырған тракторлар мен олардың базасында дайындалған өздігінен жүретін шассилер мен механизмдерді, монтаждалған арнайы жабдығы бар тіркемелерді қоса алғанда, олардың тіркемелерін, өздігінен жүретін ауыл шаруашылығы, мелиоративтік және жол-құрылыс машиналары мен механизмдерін, өтімділігі жоғары арнайы машиналарды жыл сайынғы мемлекеттік техникалық байқау қағидалары бекітілсін.
2. Қазақстан Республикасы Ауыл шаруашылығы министрлігінің Өсімдік шаруашылығы өнімдерін өндіру және қайта өңдеу және фитосанитариялық қауіпсіздік департаменті заңнамада белгіленген тәртіппен мыналарды қамтамасыз етсін:
1) Осы бұйрықтың Қазақстан Республикасының Әділет министрлігінде мемлекеттік тіркелуі;
2) Осы бұйрық Қазақстан Республикасының Әділет министрлігінде мемлекеттік тіркелгеннен кейін күнтізбелік он күн ішінде оның көшірмесін мерзімді баспасөз басылымдарына және "Әділет"ақпараттық-құқықтық жүйесіне ресми жариялауға жіберуді;
3) осы бұйрықты Қазақстан Республикасы Ауыл шаруашылығы министрлігінің интернет-ресурсында орналастыру.
3. Осы бұйрықтың орындалуын бақылау жетекшілік ететін Қазақстан Республикасының Ауыл шаруашылығы вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі.
Ауыл шаруашылығы министрі
Қазақстан Республикасының
А. Мамытбеков
"Келісілді"
Инвестициялар және даму министрі
Қазақстан Республикасының
_________ Ә. Исекешев
2015 жылғы 19 маусым
"Келісілді"
Ұлттық экономика министрі
Қазақстан Республикасының
__________ Е. Досаев
2015 жылғы 12 маусым
"Келісілді"
Ішкі істер министрі
Қазақстан Республикасының
__________ Қ. Қасымов
2015 жылғы 8 мамыр
Бекітілген
бұйрықпен
Ауыл шаруашылығы министрі
Қазақстан Республикасының
2015 жылғы 30 наурыздағы № 4-3 / 269
Тракторларды және олардың базасында дайындалған өздігінен жүретін шассилер мен механизмдерді, монтаждалған арнайы жабдығы бар тіркемелерді қоса алғанда, олардың тіркемелерін, өздігінен жүретін ауыл шаруашылығы, мелиоративтік және жол-құрылыс машиналары мен механизмдерін, жүріп өту мүмкіндігі жоғары арнайы машиналарды жыл сайынғы мемлекеттік техникалық байқау қағидалары
Ескерту. Ереже жаңа редакцияда-ҚР Ауыл шаруашылығы министрінің 2020.05.04 № 153 (алғашқы ресми жарияланған күнінен кейін күнтізбелік 10 (он) күн өткен соң қолданысқа енгізіледі) бұйрығымен.
1 тарау. Жалпы ережелер
1. Осы тракторларды және олардың базасында дайындалған өздігінен жүретін шассилер мен механизмдерді, монтаждалған арнайы жабдығы бар тіркемелерді қоса алғанда, олардың тіркемелерін, өздігінен жүретін ауыл шаруашылығы, мелиоративтік және жол-құрылыс машиналары мен механизмдерін, жүріп өту мүмкіндігі жоғары арнайы машиналарды (бұдан әрі – Қағидалар) "агроөнеркәсіптік кешенді және ауылдық аумақтарды дамытуды мемлекеттік реттеу туралы" Қазақстан Республикасы Заңының 6-бабы 1-тармағының 18) тармақшасына, "Мемлекеттік көрсетілетін қызметтер туралы" Қазақстан Республикасы Заңының 10-бабының 1) тармақшасына (бұдан әрі – Тракторлар мен олардың базасында дайындалған өздігінен жүретін шассилер мен механизмдерді, монтаждалған арнайы жабдығы бар тіркемелерді қоса алғанда, олардың тіркемелерін, өздігінен жүретін ауыл шаруашылығы, мелиоративтік және жол-құрылыс машиналары мен механизмдерін, өтімділігі жоғары арнайы машиналарды (бұдан әрі – машиналар) жыл сайынғы мемлекеттік техникалық байқаудан өткізу тәртібін айқындайды.
Ескерту. 1-тармақ жаңа редакцияда-ҚР Ауыл шаруашылығы министрінің 17.01.2023 № 13 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
2. Осы Қағидаларда мынадай ұғымдар пайдаланылады:
1) иесі-машинаны меншік, шаруашылық жүргізу, жедел басқару құқығында не өзге де заңды негізде иеленетін жеке немесе заңды тұлға (бұдан әрі-иесі (көрсетілетін қызметті алушы));
2)алынып тасталды-ҚР Ауыл шаруашылығы министрінің 17.01.2023 № 13 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен;
3) тіркеу құжаты-машинаға жол жүрісіне және пайдалануға қатысуға рұқсатын растайтын ресми құжат болып табылатын техникалық паспорт;
4) "электрондық үкіметтің" ақпараттық-коммуникациялық инфрақұрылымының операторы (бұдан әрі – оператор) - өзіне бекітілген" Электрондық үкіметтің "ақпараттық-коммуникациялық инфрақұрылымының жұмыс істеуін қамтамасыз ету жүктелген"Ақпараттандыру туралы" Қазақстан Республикасы Заңының 6-бабының 2) тармақшасына сәйкес Қазақстан Республикасының Үкіметі айқындайтын заңды тұлға;
5) электрондық цифрлық қолтаңба (бұдан әрі – ЭЦҚ) – электрондық цифрлық қолтаңба құралдарымен жасалған және электрондық құжаттың дұрыстығын, оның тиесілігін және мазмұнының өзгермейтіндігін растайтын электрондық цифрлық нышандар жиынтығы.
Ескерту. 2-тармаққа өзгерту енгізілді-ҚР Ауыл шаруашылығы министрінің 17.01.2023 № 13 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
3. Осы Қағидалардың 19 – тармағында айқындалған машиналарды қоспағанда, иелеріне (көрсетілетін қызметті алушыларға) тиесілі және облыстың, республикалық маңызы бар қаланың, астананың, ауданның және облыстық маңызы бар қаланың жергілікті атқарушы органында (бұдан әрі-жергілікті атқарушы орган (көрсетілетін қызметті беруші)) Мемлекеттік (уақытша) тіркеуде тұрған машиналар жылына бір рет мемлекеттік техникалық қарап-тексеруге жатады.
4. Машиналарды мемлекеттік техникалық байқау техникалық жай-күйін бағалау, олардың санын, тіркеу деректерінің тиесілігін нақтылау, техникалық пайдалану және қауіпсіздік техникасы қағидаларын өрескел бұзушылықтардың жолын кесу жөніндегі іс-шараларды жүзеге асыру (дайындаушы зауыт техниканың осы түріне қоса беретін құжаттамамен регламенттелетін) және ақаулықтардың алдын алу мақсатында жүргізіледі.
5. Осы Қағидалардың мақсаттарын жүзеге асыру үшін тіркеу пункттері деп жергілікті атқарушы орган (көрсетілетін қызметті беруші) түсініледі.
2 тарау. Машиналарды мемлекеттік техникалық байқаудан өткізу тәртібі
6. Машиналарды жыл сайынғы мемлекеттік техникалық байқауды жергілікті атқарушы орган (көрсетілетін қызметті беруші) жүргізеді.
7. Машиналарды жыл сайынғы мемлекеттік техникалық байқаудан өткізуді ұйымдастыру үшін жергілікті атқарушы органның (көрсетілетін қызметті берушінің) инженер-инспекторы машиналарды техникалық байқаудан өткізу орны, күні және уақыты туралы мәліметтер қамтылатын көктемгі егіс және жинау жұмыстарын ескере отырып, машиналарды техникалық байқаудан өткізу кестесін (бұдан әрі – кесте) жасайды.
Кестені ауыл шаруашылығы саласындағы функцияларды жүзеге асыратын жергілікті атқарушы органның (көрсетілетін қызметті берушінің) құрылымдық бөлімшесінің басшысы бекітеді.
8. Жергілікті атқарушы органның (көрсетілетін қызметті берушінің) Инженер-инспекторы машиналарды техникалық қарап-тексеру басталғанға дейін күнтізбелік 30 (отыз) күннен кешіктірмей иелеріне (көрсетілетін қызметті алушыларға) мерзімді баспасөз басылымдарында хабарландыру жариялау арқылы машиналарды техникалық қарап-тексеруге ұсыну кестесі, шарттары мен тәртібі туралы хабарлайды.
9. Көктемгі егіс және егін жинау жұмыстарын жүзеге асыратын машиналарды техникалық байқау кестеге сәйкес машиналардың орналасқан жері бойынша тікелей осындай жұмыстар басталар алдында жүргізіледі.
10. Машиналарды жыл сайынғы мемлекеттік техникалық байқаудан өткізу үшін иесі (көрсетілетін қызметті алушы) жергілікті атқарушы органның (көрсетілетін қызметті берушінің) кеңсесі арқылы қағаз түрінде не "электрондық үкімет" веб-порталы (бұдан әрі – портал) арқылы электрондық түрде осы Қағидаларға 1-қосымшаға сәйкес нысан бойынша өтініш береді.
Ескерту. 10-тармақ жаңа редакцияда-ҚР Ауыл шаруашылығы министрінің 17.01.2023 № 13 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
11. Жергілікті атқарушы органның (көрсетілетін қызметті берушінің) кеңсе маманы құжаттарды келіп түскен сәттен бастап 30 (отыз) минут ішінде тіркеуді жүзеге асырады және жергілікті атқарушы органның (көрсетілетін қызметті берушінің) жауапты инженер-инспекторы тағайындалатын жергілікті атқарушы органның (көрсетілетін қызметті берушінің) басшысына жібереді.
Жұмыс уақыты аяқталғаннан кейін, Қазақстан Республикасының Еңбек кодексіне сәйкес демалыс және мереке күндері құжаттар келіп түскен жағдайда құжаттарды тіркеу және Мемлекеттік қызмет көрсету нәтижесін беру одан кейінгі жақын жұмыс күні жүзеге асырылады.
Ескерту. 11-тармақ жаңа редакцияда-ҚР Ауыл шаруашылығы министрінің 17.01.2023 № 13 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
12. Жергілікті атқарушы органның (көрсетілетін қызметті берушінің) жауапты инженер-инспекторы құжаттар келіп түскен күні оларды "Е-лицензиялау "мемлекеттік деректер базасы" ақпараттық жүйесінде (бұдан әрі – "Е-лицензиялау" МДБ АЖ) тіркейді, мемлекеттік қызметті алу үшін иесі (көрсетілетін қызметті алушы) ұсынған құжаттардың толықтығы мен дұрыстығын тексереді және (немесе) олардағы деректер (мәліметтер).