Қарасу аудандық аумақтық сайлау комиссиясының
ХАБАРЛАМАСЫ
Қарасу ауданы Жалғысқан ауылының әкімінің сайлауы 2023 жылғы 11 маусымда өтті.
«Қазақстан Республикасындағы сайлау туралы» Қазақстан Республикасы Конституциялық Заңының 14-бабы 9) тармақшасына, 44-бабы 2-тармағына, 45-бабына, 113-10-бабына сәйкес, учаскелік сайлау комиссиясының Қарасу ауданы Жалғысқан ауылы әкімінің сайлау нәтижелері туралы хаттамаларының негізінде Жалғысқан ауылы әкімінің сайлау қорытындыларын Қарасу аудандық сайлау комиссиясы белгіледі:
Сайлау округі бойынша сайлаушылар тізіміне 393 азамат енгізілді, оның 295 дауыс берді. Жарамсыз бюллетеньдер саны – 5, «Бәріне қарсымын» жолында белгісі бар - 29.
Әр кандидат үшін берілген дауыстар саны:
Лебухова И.С. – 182; Маличенко А.Г. – 45; Мұхамедова Д.Т. – 34.
«АМАNAT» партиясы» ҚБ ұсынған Жалғысқан ауылында тұратын Ирина Сергеевна Лебухова 1995 жылы туған Жалғысқан ауылының әкімі болып сайланды.
«Қазақстан Республикасындағы сайлау туралы» Қазақстан Республикасы Конституциялық Заңының 45-бабына сәйкес 2023 жылғы 13 маусымдағы шешімімен 2023 жылғы 11 маусымда сайланған Қарасу ауданы Жалғысқан ауылының әкімін Қарасу аудандық сайлау комиссиясы тіркеді.
Қарасу аудандық аумақтық сайлау комиссиясы