2022 жылғы 24 сәуірде Қарасу ауданы Жалғысқан ауылы әкімінің сайлауы өтті.
Қарасу аудандық сайлау комиссиясы «Қазақстан Республикасындағы сайлау туралы» Қазақстан Республикасы Конституциялық Заңының 14-бабы 9) тармақшасына, 44-бабы 2-тармағына, 45-бабына, 113-10-бабына сәйкес, Қарасу ауданы Жалғысқан ауылының әкімін сайлау нәтижелері туралы учаскелік сайлау комиссияның хаттамасы негізінде Жалғысқан ауылы әкімінің сайлау қорытындыларын белгіледі:
Сайлау округі бойынша сайлаушылар тізіміне 402 азамат енгізілді, оның ішінде 312 дауыс берді. Жарамсыз бюллетеньдер саны – 5, «Бәріне қарсымын» деген жолда белгі қойылған – 8.
Әрбір кандидат үшін берілген дауыстар саны:
Жайлебаев Е.М. – 154; Смаилов Т.Т. – 7; Тәжібаев Т.К. – 138.
Жалғысқан ауылының әкімі болып Жайлебаев Ербол Маратұлы сайланды, 1985 жылы туған, уақытша жұмыссыз, Қостанай қаласында тұрады, өзін-өзі ұсыну жолымен ұсынылды.
Қарасу аудандық сайлау комиссиясы