«Салық және бюджетке төленетін басқа да міндетті төлемдер туралы «Қазақстан Республикасының Кодексін (Салық кодексі) қолданысқа енгізу туралы» Қазақстан Республикасының 2017 жылғы 25 желтоқсандағы № 121-VI ҚРЗ Заңының 45-1-бабы негізінде Қазақстанда жалпыға бірдей декларациялау 4 кезеңде енгізіледі.
1-кезең - 2021 жылғы 1 қаңтардан бастап:
- жауапты мемлекеттік лауазымды атқаратын адамдар мен олардың жұбайлары (зайыптары);
- мемлекеттік функцияларды орындауға уәкілеттік берілген адамдар мен олардың жұбайлары (зайыптары);
- мемлекеттік функцияларды орындауға уәкілеттік берілген адамдарға теңестірілген адамдар мен олардың жұбайлары (зайыптары);
- «Қазақстан Республикасындағы сайлау туралы» Қазақстан Республикасының Конституциялық Заңына және «Сыбайлас жемқорлыққа қарсы іс-қимыл туралы», «Қазақстан Республикасындағы банктер және банк қызметі туралы», «Сақтандыру қызметі туралы», «Бағалы қағаздар нарығы туралы» Қазақстан Республикасының заңдарына сәйкес декларацияны табыс ету міндеті жүктелген тұлғалар.
2-кезең - 2023 жылғы 1 қаңтардан бастап:
- мемлекеттік мекемелердің қызметкерлері (білім беру, денсаулық сақтау, мәдениет, спорт және т. б. салаларын қоса алғанда) және олардың жұбайлары; квазимемлекеттік сектор субъектілерінің жұмыскерлері мен олардың жұбайлары;
3-кезең - 2024 жылғы 1 қаңтардан бастап:
- заңды тұлғалардың басшылары, құрылтайшылары (қатысушылары) және олардың жұбайлары; дара кәсіпкерлер және олардың жұбайлары;
4-кезең-2025 жылғы 1 қаңтардан бастап:
- азаматтардың қалған санаттары.
Мемлекеттің басым міндеттерінің бірі салық салуды нақты және сауатты басқару болып табылады, себебі елдің салық саясатының тиімділігі осы процесті ұйымдастыру деңгейіне байланысты. Салықтарды өндіру - мемлекеттің ежелгі функциясы және қоғамның экономикалық және әлеуметтік даму жолындағы дамуының негізгі шарттарының бірі. Халықаралық тәжірибе көрсетіп отырғандай, көлеңкелі экономиканың мөлшерін азайту мақсатында жеке тұлғалардың кірістеріне салық салуды толық ауқымды әкімшілендіру міндетін шешудің маңызды шарты халықтың кірістері мен мүлкін жалпыға бірдей декларациялау болып табылады.
Декларациялау жүйесіне кірген кезде активтер мен міндеттемелер туралы декларация (250.00-нысан) табыс етіледі.
Кейіннен халық жыл сайын кірістері мен мүлкі туралы декларацияны (270.00-нысан) тапсыратын болады.
Активтер мен міндеттемелер туралы декларация тұрғылықты (болатын) жері бойынша ұсынылады:
1) қағаз жеткізгіште табыс етілген жағдайда – декларацияны табыс ету жөніндегі міндеттеме туындаған ағымдағы жылғы 15 шілдеден кешіктірмей табыс етіледі;
2) электрондық түрде табыс етілген жағдайда – декларацияны табыс ету жөніндегі міндеттеме туындаған ағымдағы жылғы 15 қыркүйектен кешіктірмей табыс етіледі.
Декларацияны табыс етудің осы мерзімдері:
Сайланбалы лауазымға кандидаттар болып табылатын адамдар, сондай-ақ олардың жұбайлары ретінде декларацияны табыс ететін адамдарға қолданылмайды, , мемлекеттік лауазымға не мемлекеттік немесе оларға теңестірілген функцияларды орындауға байланысты лауазымға КАНДИДАТТАР болып табылатын адамдарды, сондай-ақ олардың жұбайлары ұсыну мерзімі басталатын айдың бірінші күнгі мәліметтерді, банктің, сақтандыру (қайта сақтандыру) ұйымының, инвестициялық портфельді басқарушының ірі қатысушылары болуға тілек білдірген адамдар декларация табыс етілген айдың бірінші күніндегі мәліметтерді көрсетеді.
Электрондық түрде – «Салық төлеушінің кабинеті» Мемлекеттік кірістер комитетінің web-порталы арқылы (cabinet.salyk.kz), «электрондық үкімет» порталы (egov.kz), eSalyqazamat мобильді қосымшасы арқылы.
Қағаз жеткізгіште - мемлекеттік кірістер органдарына келу тәртібімен не пошта арқылы тапсырыс хатпен жіберіледі.
Қостанай қаласы бойынша мемлекеттік кірістер басқармасы