Ескерткіш датасы – 1950 ж.
Орналасқан жері: Қостанай қ., Жеңіс саябағы
Иван Фомич Павлов 1922 жылы Қостанай ауданындағы Борис-Романовка ауылында туған. 1942 жылы И.Павлов Чкалов атындағы әскери-авиациялық училищені аяқтады. Ұлы Отан соғысы жылдары И.Павлов жауынгерлік тапсырмамен 250 рет әуеге көтерілген.
І дәрежелі «Отан соғысы» орденінің кавалері, екі рет Қызыл Ту орденінің иегері И.Павлов 1944 жылғы 4 ақпанда Кеңес Одағының Батыры атағына ие болды.
1945 жылғы 23 ақпанда КСРО Жоғары Кеңесі Президиумы коммунист И.Павловты екінші «Алтын жұлдыз» медалімен марапаттады.
Соғыс аяқталғаннан кейін Иван Павлов М.В. Фрунзе атындағы Әскери академияға оқуға жолданды, оны 1949 жылы табысты аяқтады.
1950 жылғы 12 қазанда И. Павлов қызметтік міндеттерін орындау барысында мерт болды.
Қола мүсін тік бұрыш пішінді мәрмәр тастан жасалған тұғырға орнатылған. И.Ф.Павлов ҰОС уақытындағы ұшқыш киімінде бейнеленген. Тұғырының алдыңғы жағында мемориалды жазба бар: «Кеңес Одағының Екі мәрте батыры, гвардия майоры Павлов Иван Фомич (1922 – 1950 жж.)». Тұғырдың негізінде тікбұрыш пішінді граниттен жасалған плита.
Қабір басындағы плитаның көлемі - 0,6 м х 2м х 5 м. Тұғырының биіктігі – 1,5 м., мүсіннің биіктігі – 1 м. Материалы – қола, мәрмәр, гранит.
Ескерткіштің авторы белгісіз.