2020 жылғы 1 қаңтардан бастап міндетті медициналық әлеуметтік сақтандыру жүйесі (ММӘСЖ) жұмыс істей бастады – бұл халықтың денсаулығын сақтау саласындағы мүдделерді әлеуметтік қорғаудың мемлекеттік жүйесі.
Медициналық әлеуметтік сақтандыру қорына аударымдар және (немесе) жарналар жасалған адамдардың міндетті медициналық әлеуметтік сақтандыру жүйесіндегі медициналық көмекке құқығы бар.
Жұмыс берушілер міндетті әлеуметтік медициналық сақтандыру аударымдары мен жарналары бойынша берешек бөлігінде әлеуметтік міндеттемелерді орындамаған жағдайда, медициналық қызметтерді алу қажет болған жағдайларда ұйым қызметкерлері тарапынан әлеуметтік наразылықтың алғышарттары туындауы мүмкін.
Жоғарыда айтылғанның негізінде міндетті медициналық әлеуметтік сақтандыру аударымдары мен жарналарын өз уақытылы жасауыңыз қажет.