«Чек талап ет - жүлде ұтып ал» акциясы

Қостанай қаласы бойынша мемлекеттік кірістер басқармасы хабарлайды:

Кассалық тәртіпті сақтау деңгейін арттыру және көлеңкелі экономиканы төмендету жөніндегі мемлекеттік саясатты іске асыру шеңберінде мынадай акциялар өткізу туралы хабарлайды:

1. «Чек талап ет - жүлде ұтып ал» акциясы барысында әрбір азамат сатып алу немесе ақылы қызметтерді алу кезінде ақшалай және басқа да бағалы сыйлықтардың иегері болу мүмкіндігіне ие болады. Акция еліміздің барлық аумағында 2025 жылғы 3 сәуірден бастап 2025 жылғы 31 желтоқсанға дейін өткізіледі.
2. «Бәйге» жаңа акциясы. Аталған акция шеңберінде белгіленген кезеңде фискалдық чектердің ең көп санын тіркеген жеке тұлғалар 100 000 теңге көлемінде сыйақы алады. Акция 2025 жылдың 1 мамырынан бастап 2025 жылдың 31 желтоқсанына дейін бүкіл ел бойынша өткізіледі.

Әрбір тоқсанның қорытындысы бойынша оператор фискалдық чектердің неғұрлым көп санын сканерлейтін әрбір өңірден бір жеңімпаздан (барлығы 20 жеңімпазды - әр облыстан және республикалық маңызы бар қаладан бір-бірден) анықтайды. Жеңімпаздарға 100 000 теңге көлемінде сыйлық төленеді.

Акция тоқсан сайын өткізіледі:

• 1-кезең: 1 мамырдан екінші тоқсанның соңына дейін;
• 2-кезең: үшінші тоқсанда;
• 3-кезең: төртінші тоқсанда.

Көрсетілген акцияларға қатысу үшін «Amian» мобильдік қосымшасында тауарлар, жұмыстар мен қызметтер төлемі үшін чектерді тіркеу қажет.

Қостанай  қаласы бойынша мемлекеттік кірістер басқармасы