Қостанай қаласы бойынша Мемлекеттік кірістер басқармасына Брифинг 2024 жылғы 22 тамызда Қостанай қаласы бойынша Мемлекеттік кірістер басқармасы басшысының орынбасары Ақылбекова Жанат Ілиясқызы жеке тұлғаларды жалпыға бірдей декларациялау және банкроттық шеңберінде брифинг өткізді.
Жанат Ілиясқызы жалпыға бірдей декларациялаудың төрт кезеңі туралы айтып берді, жалпыға бірдей декларациялау бойынша декларацияларды ұсыну мерзімдерінің жақындағанын, 2024 жылы декларацияны қандай тұлғалар ұсынуы қажет екенін, декларацияға қандай мәліметтер енгізетінін және ұсыну тәсілдерін еске салды.
Жеке тұлғалардың банкроттығы мәселесі бойынша Жанат Ілиясқызы заңда үш рәсім қарастырылғанын түсіндірді: соттан тыс банкроттық, сот банкроттығы және төлем қабілеттілігін қалпына келтіру. Соттан тыс банкроттыққа өтініш беру шарттарын егжей-тегжейлі түсіндірді. 2024 жылғы 19 маусымда "жеке тұлғалардың төлем қабілеттілігін қалпына келтіру және банкроттық туралы" заңға өтініш беру кезінде рәсімдерді оңайлату бойынша түзетулерге қол қойылғанын атап өтті.
Брифинг қорытындысы бойынша Жанат Ілиясқызы азаматтарды жалпыға бірдей декларациялау бойынша декларацияларды уақтылы ұсынуға шақырды.
Қостанай қаласы бойынша мемлекеттік кірістер басқармасы