Бірінші кезең
2021 жылғы 1 қаңтардан бастап (1 кезең) активтер мен міндеттемелер туралы декларацияны (бұдан әрі – декларация) декларация табыс етілген жылдың 1 қаңтарына болып табылатын мынадай жеке тұлғалар ұсынады:
жауапты мемлекеттік лауазымды атқаратын адамдар және олардың жұбайлары;
мемлекеттік функцияларды орындауға уәкілеттік берілген адамдар мен олардың жұбайлары; мемлекеттік функцияларды орындауға уәкілеттік берілген адамдарға теңестірілген адамдар және олардың жұбайлары;
"Қазақстан Республикасындағы сайлау туралы" Қазақстан Республикасының Конституциялық Заңына және "сыбайлас жемқорлыққа қарсы іс-қимыл туралы", "Қазақстан Республикасындағы банктер және банк қызметі туралы", "сақтандыру қызметі туралы", "Бағалы қағаздар рыногы туралы"Қазақстан Республикасының заңдарына сәйкес декларацияны ұсыну жөніндегі міндет жүктелген адамдар.
Екінші кезең
2023 жылғы 1 қаңтардан бастап мемлекеттік мекемелердің қызметкерлері мен олардың жұбайлары, сондай-ақ квазимемлекеттік сектор субъектілерінің қызметкерлері мен олардың жұбайлары үшін декларациялау.
Үшінші кезең
2024 жылғы 1 қаңтардан бастап заңды тұлғалардың басшылары мен құрылтайшыларын және олардың жұбайларын, жеке кәсіпкерлер мен олардың жұбайларын декларациялау.
Төртінші кезең
2025 жылғы 1 қаңтардан бастап азаматтардың қалған санаттарын декларациялау.
Қостанай қаласы бойынша мемлекеттік кірістер басқармасы