2020 жылғы 12 мамырдан бастап БКМ фискалдық чектерін бермеу фактілерін анықтау бойынша «Қоғамдық бақылау – чек талап ет» акциясы басталды.
Қоғамдық бақылау – түбіртекті талап ет» акциясына кез-келген үміткер қатыса алады. Барлық жолданған өтініштер мемлекеттік кірістер органдарында қаралады.
App Store немесе Play market-тен «Wipon» мобилді қосымшасын тегін жүктеп алып, фискалды чекті бермеу бұзушылық фактілері туралы хабарлауға болады. Фискалды чекті бермеу фактісі расталған жағдайда телефонның теңгеріміне (1000 теңге) сыйақы алуға болады.
2019 жылы азаматтардың хабарлауы бойынша акция жүргізу барысында 940 дерек расталды, оларға 940 мың теңге сомасында сыйақы төленді.
Біз Қазақстан Республикасының барлық азаматтарын азаматтық ұстанымымызды білдіруге, заңды бұзуға мүлдем төзбеушілік танытуға және «Қоғамдық бақылау – чек талап ет» акциясына белсенді қатысуға шақырамыз.
Қостанай қаласы бойынша мемлекеттік кірістер басқармасы