Меню
«Қостанай қаласы әкiмдігінің мәдениет және тiлдердi дамыту бөлiмi» мемлекеттiк мекемесі мәдениет, демалыс, тілдерді дамыту саласындағы басшылықты жүзеге асыратын Қазақстан Республикасының мемлекеттік органы болып табылады.
Қостанай қаласының мәдениет мекемелері желісінің құрамына «Мирас» қалалық Мәдениет сарайы, Қостанай-2 шағын ауданы және Дружба тұрғын алабындағы мәдени – демалыс орталықтары, Н. Островский атындағы кітапхана, А.Пушкин атындағы қалалық балалар кітапханасы және 10 кітапхана филиалдары кіреді.
«Мирас» ҚМС 27 шығармашылық ұжым жұмыс істейді, 5 – «Халықтық» атағы бар: «Ивушка» хоры, «Ақ Дариға» қазақ әндері хоры, муниципалды үрмелі оркестр, «Костанайские зори» хоры, муниципалды эстрадалық-джаз оркестрі.
Қала кітапханаларының кітап қоры 306842 дананы, оның ішінде мемлекеттік тілде 76245 дананы құрайды.
Барлық кітапханалар компьютермен қамтылған және Интернет-ресурстарға қол жеткізе алады.
Мекеме қызметінің бір бағыты қаланың тарихи-мәдени мұрасын сақтау және зерделеу бойынша жұмыс болып табылады.
Қазақстан Республикасының аумағындағы тарих және мәдениет ескерткіштері, кімнің меншігінде болуына қарамастан, мемлекеттік есепке алынуға жатады.
Қазіргі таңда Қостанай қаласында 49 ескерткіш: оның ішінде (3 Республикалық маңызы бар ескерткіш, 46 жергілікті маңызы бар ескерткіштер), 78 тарих және мәдениет объектілері және 108 мемориалдық тақтабар.