2007 жылғы 12 қаңтардағы «Жеке және заңды тұлғалардың өтініштерін қарау тәртібі туралы» N 221 Қазақстан Республикасы Заңының «Өтініштерді қарау нәтижелері бойынша қабылданған шешімдерге шағым жасау» 12 бабына сәйкес: Лауазымды адамдардың әрекетіне (әрекетсіздігіне), сондай-ақ субъектінің шешімдеріне шағым жоғары тұрған лауазымды адамға немесе субъектіге бағыныстылық тәртібімен жеке немесе заңды тұлғаға тиісті субъектінің немесе лауазымды адамның іс-әрекет жасағаны не шешім қабылдағаны туралы белгілі болған кезден бастап үш айдан кешіктірілмей беріледі. Шағым беру үшін өткізіп алынған мерзім субъект немесе лауазымды тұлға үшін шағымды қараудан бас тартуға негіз болып табылмайды. Мерзімді өткізіп алу себептері шағымды мәні бойынша қарау кезінде анықталады және шағымды қанағаттандырудан бас тартуға негіздердің бірі болып табылуы мүмкін. Жоғары тұрған лауазымды тұлға немесе субъект болмаған не өтініш беруші қабылданған шешіммен келіспеген жағдайда өтініш тікелей сотқа беріледі.
Лауазымды адамдардың әрекетіне (әрекетсіздігіне), сондай-ақ мемлекеттік органдардың актілеріне (шешімдеріне) шағым беру және оны қарау тәртібі "Әкімшілік рәсімдер туралы"Қазақстан Республикасының Заңында белгіленеді.