Қостанай облысы мәслихатының шешімінің жобасына салыстырмалы кесте

р/б№

Құрылымдық элемент

Бұрынғы редакция

Жаңа редакция

Енгізілетін өзгерістердің негіздемесі

1

2-ші тармақ

2. Жұмысқа жіберілген медицина және фармацевтика қызметкерлеріне облыстық бюджет қаражаты есебінен әлеуметтік қолдау көрсету мөлшері айқындалсын:

Қостанай облысының ауылдық жеріне және кенттеріне 5 000 000 (бес миллион) теңге мөлшерінде, Қостанай облысының        

     Амангелді және Жангелдин аудандарына жұмысқа жіберілгендерді қоспағанда;     

Қостанай облысының Амангелді және Жангелдин аудандарына 7 000 000 (жеті миллион) теңге мөлшерінде;

      Қостанай облысының аудандық және облыстық маңызы бар қалаларына 3 500 000 (үш миллион бес жүз мың) теңге мөлшерінде, Қостанай облысының Арқалық қаласына, жіберілгендерді қоспағанда;

     Қостанай облысының Арқалық қаласына 5 000 000 бес миллион) теңге мөлшерінде.

2. Жұмысқа жіберілген медицина және фармацевтика қызметкерлеріне облыстық бюджет қаражаты есебінен әлеуметтік қолдау көрсету мөлшері айқындалсын:

            Қостанай облысының ауылдық жеріне және кенттеріне 7 000 000 (жеті миллион) теңге мөлшерінде, Қостанай облысының Амангелді және Жангелдин аудандарына жұмысқа жіберілгендерді қоспағанда;

            Қостанай облысының Амангелді және Жангелдин аудандарына 8 500 000 (сегіз миллион бес жүз мың) теңге мөлшерінде;

            Қостанай облысының аудандық және облыстық маңызы бар қалаларына 5 000 000 (бес миллион) теңге мөлшерінде, Қостанай облысының Арқалық қаласына, Қостанай облысының Жітіқара ауданына және Қостанай ауданына жұмысқа жіберілгендерді қоспағанда;

            Қостанай облысының Арқалық қаласына, Қостанай облысының Жітіқара ауданына және Қостанай ауданына 7 000 000 (жеті миллион) теңге мөлшерінде.

Ауылдық жерлерге жұмыс істеуге жіберілген медицина және фармацевтика қызметкерлерін әлеуметтік қолдау сомасының ұлғаюы ауылдық жерлердегі жұмыстың тартымдылығын арттыру, сондай-ақ Қостанай облысындағы кадр тапшылығын төмендету қажеттілігіне байланысты.

2

Қосымшаның 2-ші тармағы

2. Әлеуметтік қолдау Қостанай облысының ауылдық жеріне және кенттеріне, аудандық және облыстық маңызы бар қалаларына жұмысқа уәкілетті орган жіберген және мемлекеттік бюджеттен қаржыландырылатын денсаулық сақтау ұйымдарымен (бұдан әрі – жұмыс беруші) еңбек шартын жасасқан, жоғары медициналық білімі, тиісті маман сертификаты бар медицина және фармацевтика қызметкерлеріне төленеді.

      Әлеуметтік қолдау шаралары осы Қағидалар шеңберінде бұрын алынған ақшалай қаражатты қайтару жөніндегі міндеттемелерді орындамаған және (немесе) осы Қағидаларға сәйкес әлеуметтік қолдауды төлеу үшін көзделген еңбек шартында белгіленген мерзім өткенге дейін еңбек қатынастары тоқтатылған медицина және фармацевтика қызметкерлеріне қолданылмайды.

2. Әлеуметтік қолдау Қостанай облысының ауылдық жеріне және кенттеріне, аудандық және облыстық маңызы бар қалаларына басқа өңірлерден келген және жұмысқа уәкілетті орган жіберген және мемлекеттік бюджеттен қаржыландырылатын денсаулық сақтау ұйымдарымен (бұдан әрі – жұмыс беруші) еңбек шартын жасасқан, жоғары медициналық білімі, тиісті маман сертификаты бар медицина және фармацевтика қызметкерлеріне төленеді.

   Әлеуметтік қолдау шаралары осы Қағидалар шеңберінде бұрын алынған ақшалай қаражатты қайтару жөніндегі міндеттемелерді орындамаған және (немесе) осы Қағидаларға сәйкес әлеуметтік қолдауды төлеу үшін көзделген еңбек шартында белгіленген мерзім өткенге дейін еңбек қатынастары тоқтатылған медицина және фармацевтика қызметкерлеріне қолданылмайды.

Әлеуметтік қолдау сомаларын алу тәртібін нақтылау, Қағидалардың біркелкі қолданылуын қамтамасыз ету, сондай-ақ медицина және фармацевтика қызметкерлеріне әлеуметтік қолдау көрсетудің ашық жағдайларын жасау мақсатында.

3

Қосымшаның 5-ші тармағы

5. Әлеуметтік қолдау Қостанай облысының ауылдық жеріне және кенттеріне, аудандық және облыстық маңызы бар қалаларына кемінде 7 (жеті) жыл мерзімге жіберілген қызметкерлерге бір жолғы көмек болып табылады және еңбек шартын жасасқаннан кейін қызметкердің жеке шотына аудару жолымен төленеді.

5. Әлеуметтік қолдау Қостанай облысының ауылдық жеріне және кенттеріне, аудандық және облыстық маңызы бар қалаларына кемінде 5 (бес) жыл мерзімге жіберілген қызметкерлерге бір жолғы көмек болып табылады және еңбек шартын жасасқаннан кейін қызметкердің жеке шотына аудару жолымен төленеді.

Өзгерістер бюджеттен алынған көшерақы қаражатты пысықтау мерзімдері бойынша медицина қызметкерлеріне қолайлы жағдай жасауға бағытталған.

4

Қосымшаның 6-шы тармағы

6. Қызметкермен еңбек шарты тоқтатылған жағдайда, осы Қағидалардың 5-тармағында белгіленген мерзім өткенге дейін, ұсынылған әлеуметтік қолдау қызметкерде сақталмайды және ерікті және (немесе) сот тәртібімен толық көлемде қайтарылуға жатады.

6. Осы Қағидалардың 5-тармағында белгіленген мерзім аяқталғанға дейін қызметкермен еңбек шарты тоқтатылған жағдайда, көрсетілген әлеуметтік қолдау қызметкер үшін сақталады және Қостанай облысының аумағында орналасқан медициналық ұйымдарда нақты жұмыс істеген уақытына сәйкес мөлшерде ерікті және (немесе) сот тәртібімен қайтарылады.

       Медициналық немесе фармацевтикалық қызметкерлерді Қостанай облысының аумағында орналасқан медициналық ұйымдар арасында кемінде 5 жыл міндетті түрде өтеу кезеңінде ауыстыру кезінде осы Қағидаларға сәйкес берілген әлеуметтік қолдау сомаларын тоқтату немесе қайтару үшін негіз болып табылмайды.

Өзгерістер облыстық бюджеттің мақсатты және тиімді пайдаланылуын қамтамасыз етуге және нақты жұмыс істеген уақытқа сәйкес түрде әлеуметтік қолдауды қайтарудың пропорционалды тетігін белгілеуге бағытталған.