Экономика және қаржы бөлімі туралы ереже

БЕКІТІЛГЕН

Қостанай қаласы әкімдігі

Денсаулық сақтау басқармасының 2025 жылғы 26 мамырдағы

№ 70-л/с бұйрығымен

 

 

Қостанай облысы әкімдігі Денсаулық сақтау басқармасының

экономика және қаржы бөлімі туралы

ЕРЕЖЕ

 

1. Жалпы ережелер

 

1. Экономика және қаржы бөлімі (бұдан әрі – Бөлім) «Қостанай облысы әкімдігінің Денсаулық сақтау басқармасы» мемлекеттік мекемесінің (бұдан әрі - Денсаулық сақтау басқармасы) құрылымдық бөлімшесі болып табылады және тікелей басшының орынбасарына (лауазым индексі № 01-0-4) бағынады.
2. Бөлім өз қызметінде Қазақстан Республикасының Конституциясын, Қазақстан Республикасының заңдарын, Қазақстан Республикасының Президенті мен Үкіметінің актілерін, өзге де нормативтік құқықтық актілерді, «Қостанай облысы әкімдігінің Денсаулық сақтау басқармасы» мемлекеттік мекемесі туралы ережені, басшының және басшы орынбасарының бұйрықтарын, жазбаша және ауызша нұсқауларын басшылыққа алады.
3. Бөлімнің құрылымын, штат санын Денсаулық сақтау басқармасының басшысы бекітеді.

 

2.Бөлімнің негізгі тапсырмалары,

функциялары, құқықтары мен міндеттері

 

4. Тапсырмалары:

Қостанай облысының Денсаулық сақтау бойынша бюджет жобасын қалыптастыру;

Мемлекеттік тапсырыстың және мекемелердің мазмұнында орындалуын талдау;

Еңбек және жалақы, денсаулық сақтау жүйесіндегі қаржыландыру мәселелері бойынша заңнамалық актілердің өзгерістеріне мониторинг жүргізу және оларды ведомстволық бағынысты мекемелер мен кәсіпорындарға түсіндіру;

Облыстың мемлекеттік емдеу-профилактикалық ұйымдарының есебін және есептілігін ұтымды ұйымдастыруды қамтамасыз ету;

Облыстың мемлекеттік емдеу-профилактикалық ұйымдарын уақтылы және дұрыс қаржыландыруды ұйымдастыру.

5. Функциялары:

Денсаулық сақтау саласындағы мемлекеттік саясатты іске асыруға қатысу;

Қазақстан Республикасының Денсаулық сақтау саласындағы заңнамасының орындалуын қамтамасыз ету;

Бөлімнің құзыретіне жататын мәселелер бойынша Басқармаға ведомстволық бағынысты денсаулық сақтау субъектілерінің қызметіне мониторинг пен бақылауды ұйымдастыру және жүзеге асыру;

Фармацевтикалық қызметтерді сатып алуға қатысу;

Медициналық бұйымдарды, сондай-ақ мемлекеттік денсаулық сақтау ұйымдарына ағымдағы жөндеу жүргізуге көрсетілетін қызметтерді сатып алуды ұйымдастыруға қатысу;

Халықтың санитариялық-эпидемиологиялық саламаттылығы саласындағы нормативтік құқықтық актілердің талаптарына сәйкес мемлекеттік медициналық ұйымдарды күтіп-ұстауды және пайдалануды қамтамасыз ету;

Гигиеналық оқытуды ұйымдастыруға, саламатты өмір салтын және дұрыс тамақтануды насихаттауға және қалыптастыруға қатысу;

Әлеуметтік маңызы бар аурулардың және айналасындағыларға қауіп төндіретін аурулардың таралуы туралы халықты ақпараттандыру жөніндегі жұмысты ұйымдастыруға қатысу;

Тергеу изоляторлары мен қылмыстық-атқару (пенитенциарлық) жүйесінің мекемелерінде ұсталатын адамдарға медициналық көмектің қосымша көлемі шеңберінде бюджет қаражаты есебінен көрсетілетін медициналық қызметтерге тарифтерді әзірлеу және бекіту;

Бөлімнің құзыретіне жататын мәселелер бойынша статистикалық әдіснаманың талаптарын сақтай отырып, тиісті әкімшілік-аумақтық бірлік шегінде денсаулық сақтау саласындағы ведомстволық статистикалық байқауларды жүзеге асыру;

Денсаулық сақтау жүйесін дамытудың мемлекеттік бағдарламаларын орындау бойынша, сондай-ақ Бөлімнің құзыреті шеңберінде денсаулық сақтаудың негізгі сандық және сапалық көрсеткіштері бойынша тоқсан сайынғы есепті дайындауға қатысу;

Денсаулық сақтау инфрақұрылымын дамытудың өңірлік перспективалық жоспарын әзірлеуге қатысу;

«Ашық бюджеттер» порталында ақпаратты орналастыру және өзектендіру;

Бөлімнің құзыретіне жататын мәселелер бойынша бұйрықтардың, жоспарлы және жоспардан тыс бақылау ақпараттарының, есептердің, хаттардың жобаларын дайындау;

Қолданыстағы мемлекеттік бағдарламалардың орындалуы бойынша ақпарат дайындау;

6. Құқықтары мен міндеттері:

Есептілікті уақтылы ұсыну;

Бөлімнің құзыретіне жататын мәселелер бойынша Денсаулық сақтау басқармасының атынан заңда белгіленген тәртіппен өкілдік ету;

Басқарма басшылығының олардың қызметіне қатысты шешімдерінің жобаларымен танысу;

Жұмыстың тиімділігі мен сапасын арттыру үшін Басқарманың тиісті мәселелер бойынша қызметін жақсарту, еңбек жағдайларын жақсарту және бөлімді материалдық-техникалық қамтамасыз ету бойынша басшылықтың қарауына ұсыныстар енгізу;

Еңбек және орындаушылық тәртіпті сақтау;

Өз құзыреті шегінде құжаттарға қол қою және бұрыштама қою;

Бөлімнің құзыретіне кіретін мәселелер бойынша нормативтік құжаттардың жобаларын (бұйрықтар және басқа құжаттар) дайындау;

Басқарманың жұмысы үшін құрылатын тұрақты (уақытша) комиссиялардың мүшелері болу;

Бөлімнің құзыретіне жататын мәселелер бойынша кеңестер мен семинарлар өткізу;

Жұмыс берушінің қаражаты есебінен біліктілікті арттыру;

Басқарманың ведомстволық бағынысты ұйымдарының басшыларымен өзара іс-қимылды жүзеге асыру, өзінің лауазымдық міндеттерін орындау үшін қажетті ақпарат пен құжаттарды алу;

Ведомстволық бағынысты ұйымдардың қызметкерлерінен Бөлімге жүктелген міндеттерді орындау үшін қажетті ақпарат пен құжаттарды сұрату;

Бөлімнің құзыретіне кіретін жедел мәселелерді шешу үшін бөгде мекемелермен және ұйымдармен өзара қарым-қатынасқа түсу;

Облыстың ұйымдарында, мекемелерінде, сондай-ақ орталық уәкілетті органдарда түсіндірме және консультациялық көмек алуға жүгіну;

Бөлімнің құзыретіне кіретін мәселелер бойынша Денсаулық сақтау басқармасының және ведомстволық бағынысты ұйымдардың қызметкерлеріне, құрылымдық бөлімшелеріне түсініктемелер, ұсыныстар беру;

Облыстың ведомстволық бағынысты мекемелері мен кәсіпорындарына практикалық және әдіснамалық көмек көрсету;

Қазақстан Республикасының заңнамасына сәйкес өзге де функцияларды жүзеге асыру.

 

3. Бөлімнің қызметін ұйымдастыру

 

7. Бөлім өз қызметінде Қазақстан Республикасының Конституциясын, Қазақстан Республикасының заңнамалық актілерін, Қазақстан Республикасының Президенті мен Үкіметінің актілерін, өзге де нормативтік құқықтық актілерді, «Қостанай облысы әкімдігінің Денсаулық сақтау басқармасы» мемлекеттік мекемесі туралы ережені, басшының және басшы орынбасарының бұйрықтарын, жазбаша және ауызша нұсқауларын басшылыққа алады.
8. Бөлімді Қазақстан Республикасының заңнамасында белгіленген тәртіппен қызметке тағайындалатын және қызметтен босатылатын басшы басқарады.
9. Бөлім басшысы бөлімнің қызметіне жалпы басшылықты жүзеге асырады және Бөлімге жүктелген міндеттердің орындалуына және өз функцияларын жүзеге асыруға дербес жауапты болады.
10. Бөлім басшысы:

1) Бөлім құрамына кіретін Бөлім мамандарының міндеттері мен өкілеттіктерін айқындайды;

2) өзге де өкілеттіктерді жүзеге асырады.

11. Бөлімнің құзыретіне кіретін мәселелер бойынша Денсаулық сақтау басқармасының атынан басқа мемлекеттік органдар мен ұйымдарға жіберілетін құжаттарға басшы және/немесе басшының жетекшілік ететін орынбасары қол қояды.
12. Бөлім өз қызметі барысында Денсаулық сақтау басқармасының барлық құрылымдық бөлімшелерімен, сондай-ақ Денсаулық сақтау басқармасына ведомстволық бағынысты ұйымдармен ынтымақтасады.

 

 

 

Дата публикации

14 июля 2025