Міндетті әлеуметтік медициналық сақтандыру жүйесі (ММС) - Халықты әлеуметтік қорғаудың мемлекеттік жүйесі болып табылады. ММС Қазақстанның барлық сақтандырылған азаматтарына жынысына, жасына, әлеуметтік жағдайына, тұрғылықты жеріне және табысына қарамастан медициналық және дәрілік көмекке тең қолжетімділікке кепілдік береді. Міндетті әлеуметтік медициналық сақтандыру ( ММС) - ауру, жарақат, туу және жүктілік, мүгедектік және қарттық жағдайында халықтың денсаулығын әлеуметтік қорғау нысаны. Көптеген дамыған елдер артық қажеттіліктері бар аз қамтылған адамдарға ресурстарды қайта бөлуге мүмкіндік беретін ММС жүйесін таңдады.