«Сыбайлас жемқорлыққа қарсы іс-қимыл туралы» Қазақстан Республикасы Заңының 8-бабының 5-тармағына, Қазақстан Республикасы мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 19 қазандағы № 12 бұйрығымен бекітілген сыбайлас жемқорлық тәуекелдеріне ішкі талдау жүргізудің үлгілік қағидаларына сәйкес:
- «Белинский ауылдық округі әкімінің аппараты» мемлекеттік мекемесінде келесі бағыттар бойынша сыбайлас жемқорлық тәуекелдеріне ішкі талдау жүргізу:
мемлекеттік мекеменің қызметіне қатысты нормативтік құқықтық актілерде сыбайлас жемқорлық тәуекелдерін анықтау;
мемлекеттік мекеменің ұйымдастырушылық-басқарушылық қызметінде сыбайлас жемқорлық тәуекелдерін анықтау.
- Осы өкімнің 1-қосымшасына сәйкес мемлекеттік мекеменің сыбайлас жемқорлық тәуекелдеріне ішкі талдау жүргізу жөніндегі жұмыс тобы құрылсын.
- Сыбайлас жемқорлық тәуекелдеріне ішкі талдау 2024 жылғы 1 мамыр мен 31 мамыр аралығында жүргізілсін.
- Мемлекеттік мекеменің 2023 жылғы маусым – желтоқсан және 2024 жылғы қаңтар - сәуірдегі жұмыс кезеңі сыбайлас жемқорлық тәуекелдерін ішкі талдаумен қамтылсын.
- Ішкі талдау қорытындысы бойынша аудан әкімі аппаратының заң бөліміне анықталған сыбайлас жемқорлық тәуекелдері туралы ақпараты және оларды жою бойынша ұсынымдары бар талдамалық анықтама ұсынылсын.
- Сыбайлас жемқорлық тәуекелдеріне ішкі талдау жүргізуге басшылықты, үйлестіруді және жауапкершілікті және жұмыс нәтижелерін өзіме қалдырамын.
Н. Кошеров