«Төлемдер және төлем жүйелері туралы» Қазақстан Республикасы Заңының 25-бабының 11-тармағына сәйкес, жалпыға ортақ пайдаланылатын телекоммуникациялар желісі жоқ жерлерде орналасқандарды қоспағанда, дара кәсіпкерлер және (немесе) заңды тұлғалар қызметтiң жекелеген түрлерiн жүзеге асыру үшiн төлем карточкаларын пайдалана отырып төлемдердi қабылдауға және (немесе) лезде төлем жүйесiн пайдалана отырып төлемдердi қабылдауға арналған жабдықты (құрылғыны) өз қызметiн жүзеге асыратын жерлерде орнатуды және пайдалануды қамтамасыз етуге мiндеттi.
Қазақстан Республикасы Үкіметінің 2021 жылғы 1 шілдедегі № 457 қаулысымен салық төлеушілер POS терминалды пайдалануға міндетті қызмет түрлері айқындалған.
Бұл ретте, талап өз өндiрiсiнiң ауыл шаруашылығы өнiмдерiн, өз өндiрiсiнiң акваөсiру (балық шаруашылығы) өнiмдерiн көтерме және бөлшек саудада сату саласында қызметiн жүзеге асыратын дара кәсiпкерлерге және (немесе) заңды тұлғаларға қолданылмайды; жалпыға ортақ телекоммуникациялар желісі жоқ жерлерде орналасқан стационарлық емес сауда объектілері арқылы жүзеге асырылатын қызмет.
Сонымен қатар, «Әкімшілік құқық бұзушылық туралы» Қазақстан Республикасы Кодексінің 194-бабының 1-тармағына сәйкес дара кәсіпкердің немесе оларды қабылдауға міндетті заңды тұлғаның төлем карточкаларын пайдалана отырып төлемдерді және (немесе) аударымдарды қабылдаудан бас тартуы. Қазақстан Республикасының аумағында сауда қызметін (жұмыстарды орындау, қызметтер көрсету) жүзеге асыру кезінде - ескерту жасауға әкеп соғады.
Бейімбет Майлин ауданы бойынша МКБ