«Мерейлі отбасы» Ұлттық байқауының ТҰЖЫРЫМДАМАСЫ

 

  «Мерейлі отбасы» Ұлттық байқауының

 ТҰЖЫРЫМДАМАСЫ

 

Кіріспе

«Мерейлі отбасы» ұлттық конкурсы (бұдан әрі – Конкурс) адамгершілік құндылықтарды жаңғырту, отбасы мен некенің оң имиджін тәрбиелеу және отбасының мәртебесін көтеруге бағытталған.

Конкурс 15 мамырдан кешіктірмей жарияланады.

Байқау туралы ақпарат бұқаралық ақпарат құралдарында, сондай-ақ МАМ, ЖАО және т.б. әлеуметтік желілердегі ресми аккаунттарында жарияланады.

 Конкурс Қазақстан Республикасы Үкіметінің 2021 жылғы 6 мамырдағы № 306 және 2022 жылғы 16 қарашадағы № 904 өзгерістермен 2014 жылғы 5 наурыздағы № 181 қаулысымен бекітілген «Мерейлі отбасы» ұлттық конкурсын өткізу қағидаларына (бұдан әрі - Қағидалар) сәйкес өткізіледі.

 

Конкурстың мақсаты:

1) Отбасы институтын, имандылықты, руханиятты нығайту, жауапты некенің маңыздылығын мойындау;

2) Ата-ананың бала тәрбиесіндегі жауапкершілігін арттыру;

3) Отбасылық құндылықтарды, кәмелетке толған балалардың мүгедектер пен қарт ата-аналарына қамқорлық көрсетуін кеңінен насихаттау;

4) Қазақ отбасының жағымды имиджін насихаттау.

 

«Мерейлі отбасы» ұлттық конкурсының форматын жаңарту және жетілдіру үшін, әрі байқауды заман талабына сай, заманауи, қолжетімді ету үшін бірқатар жаңа идеяларды ұсынамыз.

 

Өтінімдерді қабылдау басталғанға дейін конкурсты өткізу тәртібіне келесідей ұсыныстар енгізілсін:

 

  1. Өңірлік телеарналарда, аудан (қала) әкімдігі аппаратының ресми сайттары мен интернет-ресурстарда, әлеуметтік желілерде «Мерейлі отбасы» ұлттық Конкурсын жариялау бойынша ақпараттық имидждік жұмыстар жүргізу («Мерейлі отбасы – 2025» арнайы айдарын ашу) – қаңтардан бастап.
  2. 2025 жылғы 20 ақпаннан бастап тақырыптық апталықтарды өткізу, оның барысында әрбір отбасы отбасылық өмірдің түрлі аспектілеріне қатысты байқаудың белгілі кезеңдерін өтеді:

- Отбасылық дәстүр апталығы: отбасылар өздерінің ерекше салт дәстүрі мен әдет-ғұрпын көрсетеді, видео түсіреді немесе осы дәстүрлердің отбасы үшін маңызы туралы эссе жазады.

- Денсаулық және спорт апталығы: отбасылар спорттық іс-шараларға қатысып, белсенді өмір салты мен дұрыс тамақтану тақырыбында жобалар жасайды.

- Шығармашылық және өнер апталығы: отбасылар өздерінің бірлескен шығармашылық жобаларын, хоббиін, атап айтсақ отбасылық сурет, қолөнер көрмесі немесе фото көрмесін көрсетеді

- Экология апталығы: отбасылар табиғатқа қалай қамқорлық жасайтынын, экологиялық жобаларды жүзеге асыратынын немесе қоршаған ортаны қорғау шараларына қатысатынын көрсете алады.

- Патриоттық тәрбие апталығы: Азаматтардың, әсіресе жастардың бойында өз еліне деген мақтаныш сезімін, тарихқа, мәдениетке, салт-дәстүрге деген құрмет сезімін қалыптастыруға бағытталған іс-шаралар.

Тақырыптық апталар отбасылық құндылықтар мен түрлі саладағы жетістіктерді анықтауға ықпал етеді.

  1. 2025 жылғы 20 сәуірден 10 мамырға дейін тақырыптық апталардың қорытындысы бойынша алдын ала іріктеу жүргізу қажет.
  2. Конкурсқа ауыл немесе ауылдық округтен кемінде бір отбасы, аудан орталығынан кемінде екі отбасы, қаладағы шағын ауданнан кемінде бір отбасы қатысуы тиіс.
  3. Конкурсқа қатысу үшін отбасыларды іріктеу процесіне ақсақалдар кеңесі, қоғамдық кеңес, сондай-ақ әкелер мен аналар кеңестері тартылсын.

Өткізу мерзімі: 2025 жылғы 20 қаңтардан 15 мамырға дейін.

  1. 2025 жылғы 15 мамырдан бастап 2025 жылғы 15 маусымға дейін Қағидалардың қосымшасына сәйкес нысан бойынша конкурсқа қатысуға өтінімдерді аудандық (қалалық) комиссияға қағаз немесе электрондық нұсқада қабылдауды жүргізу.

 

Күтілетін нәтижелер:

  • Қоғамның әлеуметтік құрылымының негізгі элементі ретінде отбасы институтын нығайту.
  • Бала тәрбиесі және отбасындағы жалпы өмір сүру деңгейін арттыру
  • Отбасындағы жанжалдар деңгейін төмендету, отбасыдағы психологиялық ахуалды жақсарту.
  • Отбасының қоғамдағы белсенділігін ынталандыру.
  • Отбасы құндылықтары мен ата-ананың жақсы тәжірибесі туралы қоғамның хабардарлығын арттыру.

 

 

 

 

 

 

 

 

 

 

 

 

 

КОНЦЕПЦИЯ Национального конкурса «Мерейлі отбасы»
Дата публикации
04 марта 2025