«Тобыл кенті әкімінің аппараты» мемлекеттік мекемесі
сыбайлас жемқорлық тәуекелдеріне ішкі талдау нәтижелері бойынша аналитикалық анықтама
Қазақстан Республикасының 2015 жылғы 18 қарашадағы «Сыбайлас жемқорлыққа қарсы іс-қимыл туралы» Заңының 8-бабына, Қазақстан Республикасы Мемлекеттік қызмет істері агенттігі Төрағасының 2016 жылғы 19 қазандағы № 12 бұйрығымен бекітілген Сыбайлас жемқорлық тәуекелдеріне ішкі талдау жүргізудің үлгілік қағидаларына, сондай-ақ мемлекеттік органдар, ұйымдар және квазимемлекеттік сектор субъектілерінің қызметіндегі сыбайлас жемқорлық тәуекелдеріне ішкі талдау жөніндегі әдістемелік ұсынымдарды орындау үшін.
Талданатын кезең: 2021 жылдың 8 айына.
Әкімдіктің ұйымдастыру-басқару қызметіне ішкі талдау келесі критерийлер бойынша жүргізілді:
1) персоналды басқару;
2) мүдделер қақтығысын реттеу;
3) мемлекеттік қызметтер көрсету;
4) рұқсат беру функцияларын іске асыру;
5) бақылау функцияларын іске асыру;
6) жеке және заңды тұлғалардың өтініштерін қарау сапасы;
7) тауарларды, жұмыстарды, көрсетілетін қызметтерді мемлекеттік сатып алуды ұйымдастыру және өткізу;
8) қызметтік әдепті және сыбайлас жемқорлыққа қарсы заңнама нормаларын сақтау.
«Тобыл кенті әкімінің аппараты» ММ штат саны 10 бірлікті құрайды. 2021 жылғы 31 тамыздағы жағдай бойынша әкім аппаратында 8 адам жұмыс істейді, бос жұмыс орындары - 2.
Көрсетілген кезеңде өз еркімен жұмыстан шығарылды - 1. Қабылданған мемлекеттік қызметшілер, барлығы - 0.
Сыбайлас жемқорлыққа қарсы заңнаманы орындау мақсатында «Тобыл кенті әкімінің аппараты» ММ барлық мемлекеттік қызметшілері сыбайлас жемқорлыққа қарсы шектеулер қабылдады, мемлекеттік қызметшілер мемлекеттік қызметшілердің қызметтік әдеп қағидаларымен таныстырылды, мемлекеттік қызметшілер мен олардың жұбайларының қаржылық бақылау шараларын жүзеге асыру мақсатында мемлекеттік кірістер органдарына декларацияларын уақтылы ұсынды.
2021 жылдың 1 қаңтарынан 31 тамыз аралығындағы кезеңде 23 мемлекеттік қызмет көрсетілді, оның ішінде сауда-саттықты өткізуді талап етпейтін мемлекет меншігіндегі жер учаскелеріне құқықтарды алу – 20; жер учаскесінің нысаналы мақсатын өзгертуге шешім беру – 3; елді мекен шегінде объект салу үшін учаске беру - 0. Көрсетілген кезеңде мемлекеттік қызмет бойынша 1 сыбайлас жемқорлық тәуекелі - сауда-саттық жүргізуді талап етпейтін мемлекет меншігіндегі жер учаскелеріне құқықтарды сатып алу қарастырылды. Алайда сыбайлас жемқорлық құқық бұзушылықтар анықталған жоқ.
4, 5. Қазақстан Республикасының заңнамасына сәйкес «Тобыл кенті әкімінің аппараты» ММ бақылау-қадағалау, рұқсат беру функцияларын жүзеге асырмайды.
Ай сайын жеке және заңды тұлғалардың өтініштерін қарау нәтижелеріне мониторинг жүргізіледі. Өтініштерге жауаптар уақтылы және нәтижелі қаралады.
2021 жылдың 1 қаңтарынан 31 тамыз аралығындағы кезеңде азаматтардың 16 өтініші қабылданып, қаралды, оның ішінде жеке тұлғалардан – 16, заңды тұлғалардан – 0. Қанағаттандырылғаны - 4, түсіндірілгені - 11, құзыреті бойынша жіберілгені - 1, тоқтатылғаны – 0, есепті кезеңнің соңындағы қалдық – 1. Көрсетілген кезеңде 1 сыбайлас жемқорлық тәуекелі - жер учаскелерді рәсімдеу бойынша азаматтардың өтініштері саласында қарастырылды. Алайда сыбайлас жемқорлық құқық бұзушылықтар анықталған жоқ.
Қолданыстағы Қазақстан Республикасының «Мемлекеттік сатып алу туралы» Заңына сәйкес 2021 жылдың 1 қаңтарынан 31 тамыз аралығы кезеңде «Тобыл кенті әкімінің аппараты» ММ жалпы сомасы 68 814 273 теңгеге 132 мемлекеттік сатып алу өткізілді:
1) баға ұсыныстарын сұрату тәсілімен 8 937 064 теңге сомасына, мемлекеттік сатып алу, бұзушылықсыз;
2) мемлекеттік сатып алу бойынша ашық конкурс тәсілімен 26 397 000 теңге сомасына, шарт 2021 жылғы 30 маусымға дейін қолданылады.
3) 33 480 210 теңге сомасына мемлекеттік сатып алу бойынша тікелей шарт жасасу жолымен бір көзден алу тәсілімен 125 сатып алу жасалды, бұзушылықсыз. Мемлекеттік сатып алуға қатысушылармен өзара іс-қимылға байланысты 1 сыбайлас жемқорлық тәуекелі көзделді. Алайда, сыбайлас жемқорлық құқық бұзушылықтар анықталған жоқ.
«Тобыл кенті әкімінің аппараты» ММ-де мемлекеттік қызметшілерге қойылатын талаптар, мемлекеттік қызметші мәртебесімен байланысты шектеулер, Әдеп кодексінің және сыбайлас жемқорлыққа қарсы заңнаманың талаптары сақталады. Талдау жүргізу кезінде Әдеп кодексінің және сыбайлас жемқорлыққа қарсы заңнаманың нормаларын сақтауымен байланысты тәуекелдердің туындау жағдайлары анықталған жоқ. Көрсетілген кезеңде сыбайлас жемқорлық фактілері жоқ, Сыбайлас жемқорлық құқық бұзушылықтары үшін тартылған қызметкерлер жоқ.