2020 жылғы  12 ай ішінде  мемлекеттік қызмет көрсету мәселелері бойынша Бейімбет Майлин ауданы әкімдігінің мемлекеттік органдарының қызметі туралы есеп

1. Жалпы ережелер

1) Қызмет беруші туралы мәлімет

«Мемлекеттік көрсетілетін қызметтер туралы» 2013 жылғы 15 сәуірдегі Қазақстан Республикасының Заңына сәйкес мемлекеттік көрсетілетін қызмет - көрсетілетін қызметті алушылардың өтініші бойынша немесе өтінішінсіз жеке тәртіппен жүзеге асырылатын және олардың құқықтарын, бостандықтары мен заңды мүдделерін іске асыруға, оларға тиісті материалдық немесе материалдық емес игіліктер беруге бағытталған жекелеген мемлекеттік функцияларды іске асыру нысандарының бірі. Қазақстан Республикасы Үкіметінің 2013 жылғы 18 қыркүйектегі № 983 қаулысымен бекітілген мемлекеттік көрсетілетін қызметтер Тізіліміне сәйкес Бейімбет Майлин ауданы әкімдігінің атқарушы органдары мемлекеттік көрсетілетін қызметтердің 81 түрін ұсынады.

Бейімбет Майлин ауданында мемлекеттік қызметтерді Асенкритов ауылдық округі, Белинский ауылдық округі, Калинин ауылдық округі, Майский ауылдық округі, Набережный ауылдық округі, Новоильинов ауылдық округі, Павлов ауылдық округі, Тобыл кенті, Әйет ауылдық округі әкімі аппараттары және Бейімбет Майлин ауданы әкімдігінің 8 мемлекеттік мекемесі көрсетеді (тұрғын үй-коммуналдық шаруашылығы, жолаушылар көлігі және автомобиль жолдарының бөлімі, білім  бөлімі, жұмыспен қамту және әлеуметтік бағдарламалар бөлімі, ауыл шаруашылығы бөлімі, сәулет, құрылыс және қала құрылысы бөлімі, жер қатынастары бөлімі, дене шынықтыру және спорт бөлімі, экономика және қаржы бөлімі).

2) Мемлекеттік қызметтер туралы ақпарат:

Мемлекеттік қызметтер саны

- 81

тегін және (немесе) ақылы негізде көрсетілетін мемлекеттік қызметтердің саны

–67 тегін;
–8 ақылы;
-6                         ақылы/тегін

«Азаматтарға арналған үкімет» мемлекеттік корпорациясы арқылы көрсетілетін мемлекеттік қызметтердің саны

-11

қағаз нысанда көрсетілетін мемлекеттік қызметтер саны

- 26

мемлекеттік көрсетілетін қызметтердің бекітілген стандарттарының саны

–81стандарт,

3) Неғұрлым талап етілетін мемлекеттік көрсетілетін қызметтер туралы ақпарат:

2020 жылдың 12 айында аудан әкімдігінің мемлекеттік органдарымен және олардың ведомстволық бағынысты ұйымдарымен барлығы 40498 мемлекеттік қызмет көрсетілді, оның ішінде:

- мемлекеттік органда-1139 мемлекеттік қызмет немесе жалпы санынан 2.8%

- ХҚКО арқылы-1757 мемлекеттік қызмет немесе жалпы көлемнің 4.4 %

- «электрондық үкімет» порталы арқылы

- 37602 мемлекеттік қызмет немесе 92.8%.

Көрсетілетін қызметті беруші мемлекеттік органдар бөлінісінде мынадай деректер алынды:

Біздің өңіріміздің тиімділігін бағалауға әсер ететін мемлекеттік қызметтер көрсету саласындағы негізгі проблемалық мәселелер жергілікті жерлердегі мамандардың кәсібилігінің жеткіліксіздігі, сондай-ақ Халыққа қызмет көрсету орталықтары мен «электрондық үкімет» порталы арқылы көрсетілген баламалы қызметтерге халық арасында сұраныстың төмен үлесі болып табылады.

Барынша сұранысқа ие қызмет болып табылатын:

«Тракторларды және олардың базасында жасалған өздігінен жүретін шассилер мен механизмдерді, өздігінен жүретін ауыл шаруашылығы, мелиоративтік және жол-құрылыс машиналары мен механизмдерін, сондай-ақ жүріп өту мүмкіндігі жоғары арнайы машиналарды жүргізу құқығына куәліктер беру»

«Азаматтық хал актілерін тіркеу туралы қайталама куәліктер немесе анықтамалар беру»

«Жұмыс іздеп жүрген адамдарға және жұмыссыздарға жәрдем көрсету»

«Жер учаскелерін қалыптастыру жөніндегі жерге орналастыру жобаларын бекіту»

Әлеуметтік көмек тағайындау «мұқтаж азаматтардың жекелеген санаттарына жергілікті өкілетті органдардың шешімдері бойынша»-
 

2. Қызмет алушылармен жұмыс

1) Мемлекеттік қызметтер көрсету тәртібі туралы ақпаратқа қол жеткізу көздері мен орындары туралы мәліметтер:

Халықтың мемлекеттік қызметтерге тең қолжетімділігін қамтамасыз ету мақсатында Бейімбет Майлин ауданы әкімдігінің ресми интернет-ресурсында «Мемлекеттік көрсетілетін қызметтер туралы» Қазақстан Республикасының Заңына сілтемелер, жеке және заңды тұлғаларға көрсетілетін мемлекеттік қызметтер тізілімі, әкімдіктің мемлекеттік мекемелері көрсететін мемлекеттік қызметтер тізбесі, Мемлекеттік көрсетілетін қызметтер қағидалары, Мемлекеттік қызметтерді көрсету тәртібі туралы ақпарат алуға болатын аудан әкімі аппаратының қызмет көрсетуші мемлекеттік органдарының Байланыс телефондары орналастырылған.

Аудан әкімдігінің мемлекеттік мекемелерінде нормативтік құқықтық актілермен стендтер ресімделді, Мемлекеттік қызметтерді көрсетуге жауапты лауазымды тұлғалар айқындалды.

Қызметтерді алу процесін жеңілдету мақсатында аудан әкімдігінің ғимаратында мемлекеттік қызметтерді өз бетінше алу үшін өзіне-өзі қызмет көрсету бұрышы бар фронт-офис орналасқан, «Азаматтарға арналған үкімет» мемлекеттік корпорациясы» коммерциялық емес акционерлік қоғамының Қостанай облысы бойынша аудандық филиалында «ConnectionPoint» өзіне-өзі қызмет көрсету секторы жұмыс істейді, онда әрбір көрсетілетін қызметті алушы электрондық қызметті өз бетінше немесе ХҚО қызметкерінің көмегімен ала алады. Сонымен қатар, «электрондық үкімет» порталының мүмкіндігін ауылдық округтердің тұрғындары әрбір ауылдық округте және Мемлекеттік қызмет көрсететін мемлекеттік мекемелерде орнатылған «өзіне-өзі қызмет көрсету бұрыштарының» көмегімен бағалай алады. Ауданда барлығы 11 «өзіне-өзі қызмет көрсету бұрыштары» орнатылған. "Өзіне-өзі қызмет көрсету бұрыштары қызмет алушыларды «электрондық үкімет» порталымен жұмыс істеу дағдыларына үйрету арқылы олардың ақпараттық құзыреттілігін арттыруға мүмкіндік береді.

2) Мемлекеттік көрсетілетін қызметтер стандарттарының жобаларын жария талқылау туралы ақпарат

«Мемлекеттік көрсетілетін қызметтер туралы» 2013 жылғы 15 сәуірдегі Қазақстан Республикасы Заңының 11-бабына сәйкес мемлекеттік көрсетілетін қызметтер стандарттарының жобаларына жария талқылаулар өткізу облыстардың, республикалық маңызы бар қалалардың, астананың, аудандардың, облыстық маңызы бар қалалардың жергілікті атқарушы органдарының, қаладағы аудандар, аудандық маңызы бар қалалар, кенттер, ауылдар, ауылдық округтер әкімдерінің құзыретіне кірмейді.

3) Мемлекеттік қызмет көрсету процесінің ашықтығын қамтамасыз етуге бағытталған іс-шаралар (түсіндіру жұмыстары, семинарлар, кездесулер, сұхбат және т. б.)

Мемлекеттік қызметтер көрсетудегі тағы бір маңызды сәт көрсетілетін қызметті алушыларға мемлекеттік қызметтер көрсету тәртібі туралы қолжетімді нысанда толық және анық ақпарат беру, сондай-ақ мемлекеттік қызметтер көрсету процесіне тартылған мамандар үшін оқыту семинарларын өткізу болып табылады. 2020 жылы 22999 халықты жалпы қамтумен түсіндіру сипатындағы 76 іс-шара (жиындар, кеңестер, «дөңгелек үстелдер», БАҚ-тағы мақалалар) өткізілді.

3. Мемлекеттік қызметтер көрсету үдерістерін жетілдіру жөніндегі қызмет.

1) Мемлекеттік қызметтер көрсету үдерістерін оңтайландыру және автоматтандыру нәтижелері

Мемлекеттік қызметтер көрсету процестерін оңтайландыру және автоматтандыру нәтижелері оларды көрсету сапасына оң әсерін тигізеді. Мемлекеттік қызметтер көрсету рәсімі оңайлатылады, мемлекеттік қызметтер көрсету процесінде мерзімдер мен әкімшілік кедергілер қысқартылады.

2) Мемлекеттік қызметтер көрсету саласындағы қызметкерлердің біліктілігін арттыруға бағытталған іс-шаралар

Мемлекеттік қызмет көрсететін мамандардың кәсіби біліктілігін арттыру мақсатында құқықтық жалпы оқыту бойынша сабақтар өткізіледі, онда өзекті тақырыптар қаралады, мамандар семинарларға қатысады.

Аудан әкімдігі мемлекеттік қызметшілерінің біліктілігін арттыру Қостанай облысы әкімдігінің «мемлекеттік қызметшілерді қайта даярлаудың және олардың біліктілігін арттырудың өңірлік орталығы» КМҚК мемлекеттік қызметшілерінің біліктілігін арттырудың жоспар-кестесі негізінде жүзеге асырылады

4. Мемлекеттік қызмет көрсету сапасын бақылау

1) Мемлекеттік қызметтер көрсету мәселелері бойынша көрсетілетін қызметті алушылардың шағымдары туралы ақпарат.

Есепті кезеңде аудан әкімі аппаратының қызмет көрсетуші мемлекеттік органдарына мемлекеттік қызмет көрсету мәселелері бойынша қызмет алушылардан шағымдар түскен жоқ және қаралған жоқ.

2020 жылы ақпараттық жүйелерден түсіру бойынша Мемлекеттік қызмет көрсету мерзімдерін бұзудың 1 дерегі  анықталды. Анықталған деректер үшін аудан әкімі аппаратының басшысы әкімшілік жауапкершілікке тартылды.

2) Мемлекеттік қызмет көрсету сапасын ішкі бақылау нәтижелері.

2020 жылға арналған мемлекеттік қызмет көрсету сапасын ішкі мемлекеттік бақылаудың бекітілген іс-шаралар Жоспарына сәйкес, аудан әкімдігі мемлекеттік қызмет көрсетуші органдарында ішкі бақылаудың 21 бақылау іс - шарасы өткізілді.

3) Мемлекеттік қызметтер көрсету сапасын бағалау және бақылау жөніндегі уәкілетті орган жүргізген мемлекеттік қызметтер көрсету сапасын бақылау нәтижелері.

Мемлекеттік қызмет көрсету сапасын бағалау және бақылау жөніндегі уәкілетті орган 2020 жылы білім бөлімі мен жер қатынастары бөлімінде мемлекеттік қызмет көрсету сапасына профилактикалық бақылау жүргізді. Анықталған бұзушылықтарды түзету үшін актілер шығарылды.

4) Мемлекеттік қызметтер көрсету сапасына қоғамдық мониторинг нәтижелері.

2020 жылы мемлекеттік қызмет көрсету сапасына қоғамдық мониторинг жүргізілді

«Үміт-2050» қоғамдық бірлестігінің қорытындысы бойынша, Бейімбет Майлин ауданының жергілікті атқарушы органдарының қызмет көрсету нәтижесіне қанағаттануы оң болды.

5. Мемлекеттік қызметтер көрсетудің одан әрі тиімділігінің перспективалары және сапасына көрсетілетін қызметті алушылардың қанағаттануын арттыру

Мемлекеттік қызметтердің сапасын жақсартудың негізгі бағыттары қызметтерді автоматтандыру, қызмет көрсететін мамандардың кәсіби деңгейін арттыру болып табылады. Түсіндіру сипатындағы іс-шаралардың, халыққа арналған оқыту семинарларының, цифрлық сауаттылық курстарының маңызы зор. Жалпы, мемлекеттік қызметтер көрсету саласында мемлекеттік корпорация және «электрондық үкімет порталы» арқылы көрсетілген қызметтер санының өсуі бойынша, оның ішінде ақпараттық жүйелер арқылы лицензиялар мен рұқсат құжаттарын беру бойынша оң үрдіс байқалады. Мемлекеттік қызметтерді тұтынушы ретінде халықтың сұрау салуларына толығымен бағдарлана отырып, көрсетілетін мемлекеттік қызметтердің сапасын арттыруға бағытталған жұмыс жалғастырылатын болады.