«Қостанай облысының мектепке дейінгі ұйымдары тәрбиеленушілерінің жекелеген санаттарына тамақтандыру үшін шығындарды өтеу туралы» Қостанай облысы әкімдігінің 2023 жылғы 7 қыркүйектегі № 371 қаулысына
өзгеріс енгізу туралы
Қостанай облысының әкімдігі ҚАУЛЫ ЕТЕДІ:
- «Қостанай облысының мектепке дейінгі ұйымдары тәрбиеленушілерінің жекелеген санаттарына тамақтандыру үшін шығындарды өтеу туралы» Қостанай облысы әкімдігінің 2023 жылғы 7 қыркүйектегі № 371 қаулысына (Нормативтік құқықтық актілерді мемлекеттік тіркеу тізілімінде № 10055 болып тіркелген) келесі өзгеріс енгізілсін:
1-тармақ жаңа редакцияда жазылсын:
«1. Мемлекеттік білім беру тапсырысы орналастырылған мектепке дейінгі ұйымдарда тәрбиеленушілердің келесі жекелеген санаттарына тамақтандыру үшін шығындары толық көлемде өтелсін:
- жетім балаларға және ата-анасының қамқорлығынсыз қалған балаларға;
- мүгедектігі бар балаларға;
- атаулы әлеуметтік көмек алуға құқығы бар, соның ішінде көпбалалы отбасылардан шыққан балаларға, сондай-ақ жан басына шаққандағы орташа табысы ең төменгі күнкөріс деңгейінен төмен мемлекеттік атаулы әлеуметтік көмек алмайтын, соның ішінде көпбалалы отбасылардан шыққан балаларға.».
- «Қостанай облысы әкімдігінің білім басқармасы» мемлекеттік мекемесі Қазақстан Республикасының заңнамасында белгіленген тәртіппен:
- осы қаулының Қазақстан Республикасы Әділет министрлігінде мемлекеттік тіркелуін;
- осы қаулының ресми жарияланғанынан кейін оның Қостанай облысы әкімдігінің интернет-ресурсында орналастырылуын қамтамасыз етсін.
- Осы қаулының орындалуын бақылау Қостанай облысы әкімінің жетекшілік ететін орынбасарына жүктелсін.
- Осы қаулы оның алғашқы ресми жарияланған күнінен кейін қолданысқа енгізіледі және 2026 жылғы 1 қаңтардан бастап туындаған қатынастарға қолданылады.
Қостанай облысының әкімі Қ. Ақсақалов