Қостанай облысы әкімдігі білім басқармасының қаржыландыру және қаржылық есептілік бөлімінің ережесі

«БЕКІТЕМІН»

«Қостанай облысы әкімдігінің білім басқармасы» ММ басшысы    

___________А. Ибраева

«___» _________ 2023 ж.

                                                                                                                   

 

Қостанай облысы әкімдігі білім басқармасының қаржыландыру және қаржылық есептілік бөлімінің ережесі

 

  1. Жалпы ережелер

 

  1. Қаржыландыру және қаржылық есептілік бөлімі (бұдан әрі – Бөлім) «Қостанай облысы әкімдігінің білім басқармасы» ММ құрылымдық бөлімшесі болып табылады.
  2. Өз жұмысында Қазақстан Республикасының Конституциясын, «Қазақстан Республикасының мемлекеттік қызметі туралы» 2015 жылғы 23 қарашадағы № 416, «Сыбайлас жемқорлыққа қарсы іс-қимыл туралы» 2016 жылғы 18 қарашадағы № 410 Заңдарын, Қазақстан Республикасы Президентінің «Қазақстан Республикасы мемлекеттік қызметшілерінің әдептілік нормалары мен мінез-құлық қағидаларын одан әрі жетілдіру жөніндегі шаралар туралы» 2015 жылғы 29 желтоқсандағы № 153 Жарлығын, Қазақстан Республикасы Үкіметінің «Мемлекеттік органның құрылымдық бөлімшесі туралы ережені әзірлеу және бекіту жөніндегі қағиданы бекіту туралы» 2011 жылғы 30 қыркүйектегі № 1125 қаулысын, Қазақстанның 2050 жылға дейінгі даму стратегиясын, бөлімнің функциялары мен міндеттеріне сәйкес салалардағы қатынастарды реттейтін Қазақстан Республикасының нормативтік құқықтық актілерін басшылыққа алады.
  3. Бөлімнің құрылымы, штат саны мемлекеттік органның уәкілетті лауазымды тұлғасымен штат санының лимиті шегінде Қазақстан Республикасының заңнамасында белгіленген тәртіппен бекітіледі.
  4. Бөлімнің негізгі құқықтары мен міндеттері
  5. Қаржыландыру бөлімінің міндеттері:

1) ұйымдардың қаржы-шаруашылық қызметінің дұрыс бухгалтерлік, салықтық есебін жүргізу;

2) ұйымдардың қаржы-шаруашылық қызметінің бухгалтерлік, салықтық есептілігін қалыптастыру және тапсыру;

3) өз құзыреті шегінде мемлекеттік салық және өзге де органдармен өзара іс-қимыл жасау;

4) өз құзыреті шегінде контрагенттермен және қаржы ұйымдарымен өзара іс-қимыл жасау;

5) төлемдерді заңнамада белгіленген тәртіппен қолма-қол ақшасыз нысанда жүзеге асыру;

6) өзекті заңнамалық және нормативтік құжаттардың мониторингі;

7) бухгалтерлік есептілікті және қаржылық операцияларды жүргізу мониторингі;

8) еңбекке ақы төлеуге, іссапар шығыстарына, жеткізушілермен есеп айырысуға және т. б. қатысты консультация беру және үйлестіру.

  1. Құқықтары мен міндеттері:

1) Жоғары тұрған мемлекеттік органдар мен лауазымды адамдарға, Басқарма басшылығына мемлекеттік қызметті жетілдіру, мекеме қызметінің тиімділігі жөнінде ұсыныстар енгізу;

2) Облыстық білім беру ұйымдарынан, аудандық және қалалық білім бөлімдерінен, білім басқармасы бөлімдерінен Бөлімге жүктелген міндеттер мен функцияларды жүзеге асыру үшін қажетті мәліметтерді, құжаттарды белгіленген тәртіппен алу;

3) Білім басқармасы басшылығының шешімдерінің жобаларымен, бөлімнің міндеттерін орындау үшін қажетті материалдармен танысуға;

4) Білім басқармасы басшысының қарауына білім беру ұйымдарының басшыларына тәртіптік жаза қолдану туралы ұсыныстар енгізу;

5) Өз құзыреті шегінде облыстық білім беру ұйымдарының, аудандық және қалалық білім бөлімдерінің басшылары мен қаржы қызметкерлері үшін жазбаша ұсынымдар шығару;

6) тиісті бюджет қаражаты есебінен қайта даярлауға (қайта біліктілікке) және біліктілікті арттыруға;

7) еңбекті, денсаулықты қорғауға, қауіпсіз және жоғары өнімді жұмыс үшін қажетті еңбек жағдайларына;

8) өз құзыреті шегінде құжаттарға қол қоюға және бұрыштама қоюға құқылы;

Бөлімнің құзыретіне кіретін мәселелер бойынша әртүрлі деңгейдегі комиссиялардың мүшесі болу;

9) бөлімнің міндеттері мен функцияларын іске асыру мақсатында облыстық атқарушы органдармен, ҚР Оқу-ағарту министрлігімен, ведомстволық бағынысты ұйымдардың басшыларымен өзара іс-қимылды жүзеге асыру.

10) ұйымдастыру техникасымен, қаржылық компьютерлік бағдарламалармен, кеңсе керек-жарақтарымен қамтамасыз ету.

 

  1. Бөлімнің қызметін ұйымдастыру

 

  1. Бөлім Қазақстан Республикасының Конституциясына, «Мемлекеттік қызмет туралы», «Сыбайлас жемқорлыққа қарсы іс-қимыл туралы» Қазақстан Республикасының заңдарына, Бөлімнің функциялары мен міндеттеріне сәйкес салалардағы қатынастарды реттейтін Қазақстан Республикасының нормативтік құқықтық актілеріне сәйкес оның негізгі міндеттері мен функцияларын іске асыру үшін қажетті өкілеттіктерге ие.
  2. Бөлімді Білім басқармасы басшысының бұйрығымен қызметке тағайындалатын және қызметтен босатылатын басшы басқарады. Тағайындау конкурстық негізде жүзеге асырылады.
  3. Бөлім басшысы бөлімге жалпы басшылықты жүзеге асырады және Бөлімге жүктелген міндеттер мен функциялардың орындалуына дербес жауапты болады.
  4. Бөлім басшысы Білім басқармасының басшылығына Бөлім қызметінің тиімділігі жөнінде ұсыныстар береді.
  5. Осы мақсаттарда басшы:

1) бөлім қызметкерлерінің міндеттері мен өкілеттіктерін айқындайды;

2) Қазақстан Республикасының заңдары мен актілеріне сәйкес өзге де өкілеттіктерді жүзеге асырады.

  1. Бөлім құзыретіне кіретін мәселелер бойынша Бөлімнен басқа мемлекеттік органдарға жіберілетін құжаттарға Білім басқармасының басшысы, Бөлімге жетекшілік ететін басшының орынбасары қол қояды.

_______________________________________

 

Дата публикации
04 января 2024