2023 жылғы 01 қаңтардағы жағдай бойынша «Жетім балалар мен ата-анасының қамқорлығынсыз қалған балаларға арналған ұйымдар тәрбиеленушілерінің осы санаттағы балалардың жалпы санынан үлесі» облыстық көрсеткіш 18,1% құрайды.
Жетім балалар мен ата-анасының қамқорлығынсыз қалған балаларға арналған білім беру ұйымдары тәрбиеленушілерінің санын азайту қорғаншылық пен қамқоршылық жөніндегі функцияларды жүзеге асыратын органдардың осы санаттағы балаларды отбасына қабылдауға тілек білдірген үміткерлер арасында ақпараттық-насихаттау жұмыстарын жүргізуі, сондай-ақ жетім балалар мен ата-анасының қамқорлығынсыз қалған балаларға арналған білім беру ұйымдарының Отбасын қолдау қызметі, Балаларды қабылдайтын ата-аналар мектептерінің қызметі арқылы жүзеге асырылады.
Бұл көрсеткіштің төмендеуі жетім балалар мен ата-анасының қамқорлығынсыз қалған балаларға арналған білім беру ұйымдарында тәрбиеленіп жатқан жетім балалар мен ата-анасының қамқорлығынсыз қалған балаларды және осы санаттағы жаңадан анықталған балаларды Қазақстан Республикасы азаматтарының отбасыларына қорғаншылыққа (қамқоршылыққа), патронаттық тәрбиеге, асырап алуға беру бойынша жүргізілген жұмыстардың нәтижесі болып табылады.