«Қостанай облысы әкімдігінің білім басқармасы» ММ бюджетті жоспарлау және қаржыландыру бөлімі туралы ЕРЕЖЕ

 

                                                 «БЕКІТЕМІН»

«Қостанай облысы

                                                          әкімдігінің білім

  басқармасы» ММ басшысы

                                                                                     ______________З. Байменова

                                                                                  «» ______ 2022 ж.

 

 

«Қостанай облысы әкімдігінің білім басқармасы» ММ

бюджетті жоспарлау және қаржыландыру бөлімі туралы

ЕРЕЖЕ

 

  1. Жалпы ережелер

 

  1. Бюджетті жоспарлау және қаржыландыру бөлімі (бұдан әрі – бөлім) «Қостанай облысы әкімдігінің білім басқармасы» ММ құрылымдық бөлімшесі болып табылады.
  2. Құрылымдық бөлімше өз қызметінде Қазақстан Республикасының Конституциясын, «Қазақстан Республикасының Мемлекеттік қызметі туралы» 2015 жылғы 23 қарашадағы № 416, «Сыбайлас жемқорлыққа қарсы іс-қимыл туралы» 2016 жылғы 18 қарашадағы № 410 Қазақстан Республикасының Заңдарына, «Қазақстан Республикасы мемлекеттік қызметшілерінің әдептілік нормаларын және мінез-құлық қағидаларын одан әрі жетілдіру жөніндегі шаралар туралы» Қазақстан Республикасы Президентінің 2015 жылғы 29 желтоқсандағы № 153 Жарлығын, «Мемлекеттік органның құрылымдық бөлімшесі туралы ережені әзірлеу және бекіту жөніндегі қағиданы бекіту туралы» Қазақстан Республикасы Үкіметінің 2011 жылғы 30 қыркүйектегі № 1125 қаулысын, Қазақстанның 2050 жылға дейінгі даму стратегиясын, бөлім функциялары мен міндеттеріне тиісті салалардағы қатынастарды реттейтін Қазақстан Республикасының нормативтік құқықтық актілерін басшылыққа алады.
  3. Бөлімнің құрылымы, штат санын мемлекеттік органның уәкілетті лауазымды тұлғасы Қазақстан Республикасының заңнамасында белгіленген тәртіппен штат санының лимиті шегінде бекітеді.

 

  1. Бөлімнің негізгі мақсаты, құқықтары мен міндеттері
  2. Міндет: облыстық бюджеттік бағдарламаларды жоспарлау мен болжаудың бірыңғай әдістемесін іске асыру

Функциялар:

1) Бюджеттік бағдарламаларды әзірлеу және бекіту

2) Облыстық бюджет бойынша жиынтық бюджеттік өтінімді жасау

3) Мемлекеттік мекемелердің ақылы қызметтерді іске асырудан түсетін түсімдер мен ақша шығыстарының жоспарын құрастыру

4) Бюджеттік бағдарламаларды қаржыландыру жоспарларының жиынтығы

 

  1. Міндет: республикалық бюджеттен бөлінетін ағымдағы нысаналы трансферттер бойынша бюджеттік бағдарламаларды жоспарлау және болжаудың бірыңғай әдістемесін іске асыру

            Функциялар:

            1) Бюджеттік бағдарламаларды әзірлеу және бекіту

            2) республикалық бюджет бойынша бюджеттік өтінім құрастыру

            3) қаржыландыру жоспарларын әзірлеу

  1. Міндет: білім беру саласындағы мемлекеттік бағдарламаларды іске асыру, оларды іске асыру бойынша есептілік жүргізу.

            Функциялар:

            1) мемлекеттік бағдарламаларды орындау жөніндегі іс-шаралар жоспарын әзірлеуге қатысу: қаржыландыру бөлігінде білім беруді және ғылымды дамытудың мемлекеттік бағдарламасы, аумақтарды дамыту бағдарламасы;

            2) қаржыландыру бөлігінде облысты дамыту бағдарламасына (ОДБ) өзгерістер енгізу;

            3) білім беру саласындағы мемлекеттік бағдарламаларда көзделген ақша қаражатын игеру мониторингі (қаражатты игеру бойынша білім басқармасының бөлімдері ұсынған ақпаратты талдау).

  1. Міндет: мемлекеттік мекемелер мен кәсіпорындарды қаржыландыру:

            Функциялар:

            1) білім беру мекемелері бойынша міндеттемелер мен төлемдер бойынша қаржыландыру жоспарларын құрастыру

            2) Міндеттемелер мен төлемдер бойынша қаржыландыру жоспарларына өзгерістер енгізу үшін ай сайынғы жиынтық өтінімдер мен анықтамалар жасау

            3) Білім басқармасының ұйымдарын қаржыландыру бойынша ай сайынғы ұсынысты жасау

            4) мемлекеттік мекемелердің ақылы қызметтері бойынша бағаны есептеуді тексеру

            5) қазыналық кәсіпорындардың қызметтері бойынша бағалар есебін жасау

  1. Міндет: Білім басқармасы аппаратының қызметін қаржылай қамсыздандыру.

  Функциялар:

  • «Қостанай облысы әкімдігінің білім басқармасы» мемлекеттік мекемісінің бюджетін жоспарлау;
  1. Міндет:

білім беру ұйымдарын еңбекақы қорымен қамтамасыз ету мониторингі

  Функциялар:

  1) мемлекеттiк жалпы мiндеттi стандартын іске асыру кезінде оқу сағаттарының көлемін анықтау

  2) облыстық білім беру ұйымдарынан тарифтеу тізімдерін қабылдау

  3) облыстық білім беру ұйымдары бойынша штат кестесін келісу

  4) санаттар бойынша еңбекке ақы төлеу қорының есебін жасау

  5) жалақымен қамсыздандыру мониторингі

  1. Міндет: бюджетті жоспарлау мәселелеріне қатысты нормативтік құқықтық актілердің орындалуын қамтамасыз ету:

     Функциялар:

             1) ведомстволық бағынысты ұйымдарды есеп жүргізетін қызметкерлер үшін өткізілетін арттыру курстары туралы хабардар ету;

             2) есеп жүргізетін қызметкерлерді аттестаттауға қатысу;

             3) жоспарлау саласында бюджеттік заңнама мәселелері бойынша кеңес алу.

  1. Міндет: облыс әкімдігімен және облыстық мекемелермен байланысты жүзеге асыру.

            Функциялар:

            Бюджеттік жоспарлау бойынша ақпарат ұсыну.

  1. Құқықтар мен міндеттер:

            1) жоғары тұрған мемлекеттік органдар мен лауазымды тұлғаларға, Басқарманың басшылығына мемлекеттік қызметті жетілдіру, мекеме қызметінің тиімділігі бойынша ұсыныстар енгізу;

             2) Облыстық білім беру ұйымдарынан, аудандық және қалалық білім бөлімдерінен, Білім басқармасының бөлімдерінен юөлімге жүктелген міндеттер мен функцияларды жүзеге асыру үшін қажетті мәліметтерді, құжаттарды белгіленген тәртіппен алу;

   3) Білім басқармасы басшылығының шешімдер жобаларымен, бөлім міндеттерін орындау үшін қажетті материалдармен танысу;

             4) білім беру ұйымдарының басшыларына тәртіптік жаза қолдану туралы ұсыныстарды Білім басқармасы басшысының қарауына енгізу;

             5) облыстық білім беру ұйымдарының, аудандық және қалалық білім бөлімдері басшылары мен қаржы қызметкерлері үшін жазбаша ұсынымдарды өз құзыреті шегінде шығару;

            6) тиісті бюджет қаражаты есебінен қайта даярлау (қайта мамандану) және біліктілікті арттыру;

            7) еңбекті, денсаулықты қорғауға, қауіпсіз және жоғары өнімді жұмыс үшін қажетті еңбек жағдайлары;

            8) өз құзыреті шегінде құжаттарға қол қою және бұрыштама қою; бөлімнің құзыретіне жататын мәселелер бойынша әртүрлі деңгейдегі комиссиялардың мүшесі болу;

    9) бөлімнің міндеттері мен функцияларын іске асыру мақсатында облыстық атқарушы органдармен, ҚР Оқу-ағарту министрлігімен, ведомстволық бағынысты ұйымдардың басшыларымен өзара іс-қимыл жасау.

    10) ұйымдастыру техникасымен, қаржылық компьютерлік бағдарламалармен, кеңсе керек-жарақтарымен қамтамасыз ету.

 

  1. Бөлім қызметін ұйымдастыру
  2. Бөлім Қазақстан Республикасының Конституциясына, «Мемлекеттік қызмет туралы», «Сыбайлас жемқорлыққа қарсы іс-қимыл туралы» Қазақстан Республикасының заңдарына, бөлімнің функциялары мен міндеттеріне тиісті салаларда қарым-қатынасты реттейтін Қазақстан Республикасының нормативтік құқықтық актілеріне сәйкес өзінің негізгі міндеттері мен функцияларын іске асыруға қажетті өкілеттіктерге ие.
  3. Бөлімді Білім басқармасы басшысының бұйрығымен лауазымға тағайындалатын және лауазымнан босатылатын басшы басқарады. Лауазымға тағайындау конкурстық негізде жүргізіледі.
  4. Бөлім басшысы бөлімге жалпы басшылықты жүзеге асырады және бөлімге жүктелген міндеттер мен функцияларды орындауға дербес жауапты болады.
  5. Бөлім басшысы бөлім қызметінің тиімділігі бойынша ұсыныстарды Білім басқармасының басшылығына ұсынады.
  6. Осы мақсатта бөлім басшысы:
  • Бөлім қызметкерлерінің міндеттері мен өкілеттіктерін айқындайды;
  • Қазақстан Республикасының заңдарына және актілеріне сәйкес өзге өкілеттіктерді жүзеге асырады.
  1. Бөлімнің құзыретіне кіретін мәселелер бойынша бөлімнен басқа мемлекеттік органдарға жіберілетін құжаттарға Білім басқармасының басшысы, бөлімге жетекшілік ететін басшының орынбасары қол қояды.

____________________________________________

Дата публикации
13 сентября 2022