Ауыл шаруашылығы жұмыстарына мұнай өнімдерін бөлудің өңірлік операторларын айқындау қағидаларын, сондай-ақ Көктемгі егіс және егін жинау жұмыстары кезеңінде ауыл шаруашылығы өнімдерін өндірушілер үшін мұнай өнімдерінің көлемдерін қалыптастыру және бөлу қағидаларын бекіту туралы

Ауыл шаруашылығы жұмыстарына мұнай өнімдерін бөлудің өңірлік операторларын айқындау қағидаларын, сондай-ақ Көктемгі егіс және егін жинау жұмыстары кезеңінде ауыл шаруашылығы өнімдерін өндірушілер үшін мұнай өнімдерінің көлемдерін қалыптастыру және бөлу қағидаларын бекіту туралы

Қазақстан Республикасы Ауыл шаруашылығы министрінің м.а. 2023 жылғы 13 сәуірдегі № 137 бұйрығы. Қазақстан Республикасының Әділет министрлігінде 2023 жылғы 13 сәуірде № 32300 болып тіркелді

 

       "Мұнай өнімдерінің жекелеген түрлерінің өндірісі мен айналымын мемлекеттік реттеу туралы" Қазақстан Республикасы Заңының 9-бабы 4-тармағының 3-1) тармақшасына сәйкес БҰЙЫРАМЫН:

1. Мыналар:

 

       1) осы бұйрыққа 1-қосымшаға сәйкес Ауыл шаруашылығы жұмыстарына мұнай өнімдерін бөлудің өңірлік операторларын айқындау қағидалары;

 

       2) осы бұйрыққа 2-қосымшаға сәйкес Көктемгі егіс және егін жинау жұмыстары кезеңінде ауыл шаруашылығы өнімін өндірушілер үшін мұнай өнімдерінің көлемін қалыптастыру және бөлу қағидалары бекітілсін.

2. Қазақстан Республикасы Ауыл шаруашылығы министрлігінің Егіншілік департаменті заңнамада белгіленген тәртіппен:

      1) осы бұйрықтың Қазақстан Республикасының Әділет министрлігінде мемлекеттік тіркелуін;

      2) осы бұйрықтың Қазақстан Республикасы Ауыл шаруашылығы министрлігінің интернет-ресурсында орналастырылуын қамтамасыз етсін.

3. Осы бұйрықтың орындалуын бақылау жетекшілік ететін Қазақстан Республикасының ауыл шаруашылығы вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасы   Ауыл шаруашылығы министрінің міндетін атқарушы

Ә. Тамабек

       "КЕЛІСІЛДІ"

      Қазақстан Республикасы

      Қаржы министрлігі

       "КЕЛІСІЛДІ"

      Қазақстан Республикасы

      Ұлттық экономика министрлігі

       "КЕЛІСІЛДІ"

      Қазақстан Республикасының

      Цифрлық даму, инновациялар және

      аэроғарыш өнеркәсібі министрлігі

       "КЕЛІСІЛДІ"

      Қазақстан Республикасы

      Энергетика министрлігі

Қазақстан Республикасы Ауыл шаруашылығы министрінің міндетін атқарушы 2023 жылғы 13 сәуірдегі № 137 бұйрығына 1-қосымша

 Ауыл шаруашылығы жұмыстарына мұнай өнімдерін бөлудің өңірлік операторларын айқындау қағидалары

 1-тарау. Жалпы ережелер

 

1. Осы Ауыл шаруашылығы жұмыстарына мұнай өнімдерін бөлудің өңірлік операторларын айқындау қағидалары (бұдан әрі – Қағидалар) "Мұнай өнімдерінің жекелеген түрлерінің өндірісін және айналымын мемлекеттік реттеу туралы" Қазақстан Республикасы Заңының (бұдан әрі – Заң) 9-бабы 4-тармағының 3-1) тармақшасына сәйкес әзірленді және ауыл шаруашылығы жұмыстарына мұнай өнімдерін бөлудің өңірлік операторларын айқындау тәртібін айқындайды.
2. Осы Қағидаларда мынадай негізгі ұғымдар пайдаланылады:

      1) ауыл шаруашылығы өнімін өндіруші – ауыл шаруашылығы өнімін өндірумен айналысатын және көктемгі егіс және егін жинау жұмыстарын жүргізу үшін дизель отынын одан әрі өткізу құқығынсыз сатып алатын, сондай-ақ ресурс ұстаушылардан дизель отынын өз бетінше сатып алу туралы шешім қабылдаған жеке немесе заңды тұлға;

      2) виртуалды қойма – Қазақстан Республикасы ратификациялаған халықаралық шартқа сәйкес тауарларды қадағалау тетігінің автоматты режимде жұмыс істеуін қамтамасыз етуге арналған электрондық шот-фактуралар ақпараттық жүйесінің модулі;

      3) дизель отынын бөлудің ақпараттық жүйесі (бұдан әрі – АЖ) – ауыл шаруашылығы өнімін өндірушілер үшін дизель отынының көлемін қалыптастыру және бөлу процестерін орындау бойынша қызметтер көрсетуге арналған ақпараттық-коммуникациялық технологиялардың, қызмет көрсететін персоналдың және техникалық құжаттаманың ұйымдастырылып реттелген жиынтығы;

      4) дизель отынын жеткізу жөніндегі өңірлік оператор (бұдан әрі – оператор) – ауыл шаруашылығы өнімін өндірушілерге арналған дизель отынын сатып алу, жеткізу, сақтау және жеткізу жөніндегі қызметтерді көрсететін, өңірлік операторларды айқындау жөніндегі комиссия айқындайтын жеке немесе заңды тұлға;

      5) дизель отыны – мұнай өнімдерін өндіру саласындағы уәкілетті орган мұнайды қайта өңдеу жоспарларында, ауыл шаруашылығы өнімін өндірушілерге жеткізу үшін қажетті көлемде ескеретін мұнай өнімінің жекелеген түрі;

      6) субсидиялаудың мемлекеттік ақпараттық жүйесінің веб-порталы (бұдан әрі – веб-портал) – ауыл шаруашылығы өнімін өндірушілер арасында дизель отынын қалыптастыру және бөлу жөніндегі деректерге бірыңғай қол жеткізу нүктесін беретін Интернет желісінде орналастырылған интернет-ресурс;

      7) электрондық цифрлық қолтаңба (бұдан әрі – ЭЦҚ) – электрондық цифрлық қолтаңба құралдарымен жасалған және электрондық құжаттың дұрыстығын, оның тиесілілігін және мазмұнының өзгермейтіндігін растайтын электрондық цифрлық нышандар жиынтығы.

 2-тарау. Ауыл шаруашылығы жұмыстарына мұнай өнімдерін бөлудің өңірлік операторларын айқындау тәртібі

 1-параграф. Өңірлік операторларды айқындау жөніндегі комиссияның жұмыс тәртібі

3. Облыстардың жергілікті атқарушы органдары (бұдан әрі – ЖАО) жанынан операторларды айқындау үшін өңірлік операторларды айқындау жөніндегі комиссиялар (бұдан әрі – Комиссия) құрылады. Комиссия мүшелерінің жалпы саны тақ санды құрайды, кемінде жеті адам.
4. Ауыл шаруашылығы саласындағы функцияларды жүзеге асыратын ЖАО-ның құрылымдық бөлімшелері (бұдан әрі – Жұмыс органы) Комиссияның жұмыс органы болып табылады.
5. Комиссия төрағасы және төрағаның орынбасары Комиссия мүшелері қатарынан Комиссия мүшелерінің көпшілік даусымен сайланады. Комиссия хатшысы Жұмыс органының қызметкерлері қатарынан айқындалады. Комиссия хатшысы оның мүшесі болып табылмайды.

      Комиссия құрамына ЖАО, прокуратура органдарының (келісу бойынша), сыбайлас жемқорлыққа қарсы іс-қимыл органдарының (келісу бойынша), қоғамдық ұйымдардың, "Атамекен" Қазақстан Республикасы Ұлттық Кәсіпкерлер палатасының өңірлік кәсіпкерлер палатасының, агроөнеркәсіптік кешен саласындағы жеке кәсіпкерлік субъектілері бірлестіктерінің өкілдері кіреді.

6. Комиссия төрағасы отырыстарға төрағалық етеді, оның қызметін жоспарлайды және басқарады, оның шешімдерінің іске асырылуына жалпы бақылауды жүзеге асырады. Комиссия төрағасы болмаған кезде, төрағаның функциялары Комиссия төрағасының орынбасарына жүктеледі.
7. Комиссия отырысы, егер оған Комиссия мүшелерінің жалпы санының жартысынан астамы қатысса, заңды болып табылады. Комиссия мүшелері дауыс беруге ауыстыру құқығынсыз қатысады.
8. Комиссия хатшысы Комиссия отырысының күн тәртібін қалыптастырады, қажетті құжаттармен қамтамасыз етеді, Комиссия отырысын ұйымдастырады.
9. Комиссияның отырысын оның төрағасы Қазақстан Республикасы Ауыл шаруашылығы министрлігінен көктемгі егіс және егін жинау жұмыстарын жүргізуге әр облыс үшін дизель отынының бөлінген көлемі бар мұнай өңдеу зауыттарына облыстарды бекіту графигін (бұдан әрі – бекіту графигі), сондай-ақ Қазақстан Республикасы Энергетика министрлігінің ауыл шаруашылығы өнімдерін өндірушілерге дизель отынын өткізуге ұсынылатын бағаны бекіту туралы ай сайынғы хаттамасын алған күннен бастап он бес жұмыс күні ішінде шақырады.
10. Комиссияның әрбір отырысы барысында ЖАО-ның ресми интернет-ресурстарында онлайн трансляция режимінде Комиссия отырысының аудио-, бейнежазбасы жүргізіледі.
11. Комиссия отырысының залдарында Комиссия отырысының аудио-, бейнежазбасын жүзеге асыру үшін қажетті жабдықты орналастыруға арналған аппараттық үй-жай болады.
12. Комиссия отырысы барысының аудио-, бейнежазбасы үздіксіз жүзеге асырылады.

      Комиссия отырысының аудио-, бейнежазбасын рұқсатсыз тоқтата тұруға немесе түзетуге жол берілмейді.

13. Комиссия отырыстарының барысын тіркеуді қамтамасыз ететін аудио-, бейнежазба құралдарын қолдануды ЖАО-ның ақпараттық технологиялар жөніндегі маманы (бұдан әрі – ЖАО-ның АТ жөніндегі маманы) жүзеге асырады.
14. Комиссия отырысы басталар алдында ЖАО-ның АТ жөніндегі маманы Комиссия отырысының барысын тіркеуді қамтамасыз ететін аудио-, бейнежазба құралдарының жұмысқа қабілеттілігін тексереді.

      Аудио-, бейнежазба құралдарын пайдалану мүмкін болмаған кезде, ЖАО-ның АТ жөніндегі маманы бұл туралы Комиссия төрағасына баяндайды, ол Комиссия отырысын ауыстырады.

15. Аудио-, бейнежазбаның техникалық құралдарының көмегімен тіркелген материалдар ЖАО-да хаттама жасалған сәттен бастап кемінде бір жыл сақталады.

 2-параграф. Операторларды анықтау шарттары

 

16. Заңның 19-бабының 2-тармағында көрсетілген кәсіпкерлік субъектілері қатарынан операторларды іріктеу жүзеге асырылады.
17. Дизель отынын ресурс ұстаушыдан өз бетінше сатып алу туралы шешім қабылдаған ауыл шаруашылығы өнімінің әлеуетті операторы мен өндірушісі мынадай құжаттарды ұсынады:

 

       1) осы Қағидаларға 1-қосымшаға сәйкес нысан бойынша дизель отынын жеткізу жөніндегі өңірлік операторларды айқындауға қатысуға арналған өтінім (бұдан әрі – өтінім);

      2) ауыл шаруашылығы өнімін өндірушілер үшін дизель отынын сатып алу, жеткізіп беру, сақтау және жеткізу жөніндегі қызметтер үшін үстеме бағаның жалпы сомасын көрсетілген баға ұсынысы;

      3) кемінде екі жыл Қазақстан Республикасының ішкі нарығында мұнай өнімдерін өткізу тәжірибесінің болуын растайтын құжаттардың көшірмелері;

      4) дизель отынының қажетті көлемін сатып алу үшін әлеуетті оператордың шотында ақшалай қаражаттың не кредиттік қаражаттың болуы туралы банктен анықтама;

      5) әлеуетті операторға қызмет көрсетілетін банктің уәкілетті тұлғаның қолы қойылған және анықтама берілген күннің алдындағы үш айдан астам уақытқа созылатын әлеуетті оператордың міндеттемелерінің барлық түрлері бойынша банк алдындағы мерзімі өткен берешегінің жоқтығы туралы мөрі бар (бар болса) анықтамасы (егер әлеуетті оператор бірнеше екінші деңгейдегі банктердің клиенті болып табылған жағдайда, мұндай анықтама өтінім берілетін күннің алдындағы бір айдан кейін берілген осындай банктердің әрқайсысынан ұсынылады);

      6) өтінім берілген күнге дейін күнтізбелік бес күннен кейін берілген салық берешегінің жоқтығын куәландыратын құжат;

      7) мұнай өнімдері базасына немесе резервуарға тіркелген құқықтар (ауыртпалықтар) туралы анықтама не мұнай өнімдері базасын немесе резервуарды жалдау шартының көшірмесі;

      8) мұнай өнімдерінің немесе резервуардың базасы бойынша ұсынылатын құжаттар (әлеуетті операторда меншік құқығында немесе өзге де заңды негіздерде бар):

      мұнай өнімдері базасының жай-күйі және техникалық жарақтандырылуы туралы ақпарат:

      техникалық паспорттың көшірмесі;

      цистернасы бар автомашина (бензовоз) үшін таразының болуы;

       "Мұнай өнімдері базаларының өндірістік объектілерін бақылау есептеу аспаптарымен жарақтандыру жөніндегі қағидалар мен талаптарды бекіту туралы" Қазақстан Республикасы Энергетика министрінің 2022 жылғы 26 желтоқсандағы № 435 бұйрығына (Нормативтік құқықтық актілерді мемлекеттік тіркеу тізілімінде № 31279 болып тіркелген) сәйкес мұнай өнімдері базасында есепке алатын бақылау аспаптарының болуын және орнатылуын растайтын құжат;

      9) көктемгі егіс және егін жинау жұмыстарын жүргізу кезеңінде демалыс және мереке күндері дизель отынын босату туралы келісім-хат;

      10) меншік құқығында немесе өзге де заңды негіздерде дизель отынын ауыл шаруашылығы техникасын өндірушілерге жеткізуге арналған цистернасы бар автомашинаның (бензин тасығыштың) болуын растайтын құжаттың көшірмесі;

      11) мұнай базаларының орналасу схемасы.

      12) тауарларға арналған ілеспе жүкқұжатқа сәйкес дизель отынын тасымалдау үшін электрондық шот-фактуралардың ақпараттық жүйесінің "Виртуалды қойма" модулін қолдану туралы растау.

      Осы тармақтың бірінші бөлігіндегі 2), 3), 4), 5), 6) тармақшаларда көзделген талаптар ресурс ұстаушыдан дизель отынын өз бетінше сатып алу туралы шешім қабылдаған ауыл шаруашылығы өнімін өндірушілерге қолданылмайды.

      Дизель отынын ресурс ұстаушыдан өз бетінше сатып алу туралы шешім қабылдаған ауыл шаруашылығы өнімін өндіруші Комиссия хаттамасына автоматты түрде енгізіледі.

18. ЖАО бекіту графигін алған күннен бастап бір жұмыс күні ішінде ЖАО-ның ресми интернет-ресурсында және АЖ-да операторларды айқындау туралы хабарландыруды орналастырады.

      Хабарландыру мынадай мәліметтерді қамтиды:

      1) орналасқан жері, почталық мекенжайы, телефон нөмірлері, электрондық почтасының мекенжайы көрсетілген ЖАО-ның атауы;

      2) құжаттарды қабылдаудың басталған және аяқталған күні мен уақыты;

 

       3) осы Қағидалардың 17-тармағында көрсетілген қажетті құжаттардың тізбесі;

      4) Комиссия отырысының өткізілетін күні, уақыты және орны.

19. Әлеуетті оператордың бірінші басшысы не уәкілетті тұлға өкілеттігін растайтын тиісті құжаттың негізінде қол қойған өтінім және өтінімге қоса берілетін құжаттар ЖАО-ның кеңсесі арқылы қолма-қол немесе электрондық түрде ЖАО кеңсесінің электрондық мекенжайына ұсынылады.

      Өтінім және өтінімге қоса берілетін құжаттар ЖАО кеңсесінде олар келіп түскен күні тіркеу нөмірі мен күнін бере отырып қабылданады және тіркеледі және Жұмыс органына жіберіледі.

      Әлеуетті оператор жұмыс уақыты аяқталғаннан кейін, Қазақстан Республикасының еңбек заңнамасына сәйкес демалыс және мереке күндері жүгінген кезде құжаттарды қабылдау одан кейінгі жақын жұмыс күні жүзеге асырылады.

20. Жұмыс органы құжаттарды алған күннен бастап 2 (екі) жұмыс күні ішінде оларды қарайды және толықтығы мен осы Қағидалардың талаптарына сәйкестігі тұрғысынан тексереді.

      Ұсынылған мәліметтердің толық еместігі және (немесе) құжаттардың осы Қағидалардың талаптарына сәйкес келмеуі анықталған кезде, Жұмыс органы осы тармақтың бірінші бөлігінде көрсетілген мерзімде әлеуетті операторға ұсынылған құжаттардың қандай талаптарға сәйкес келмейтінін көрсететін хабарлама жібереді. Хабарлама әлеуетті оператор өтінімде көрсеткен электрондық мекенжайға жіберіледі.

      Құжаттарды осы Қағидалардың талаптарына сәйкес келтіру мерзімі 2 (екі) жұмыс күнін құрайды.

      2 (екі) жұмыс күні ішінде әлеуетті оператор құжаттарды осы Қағидалардың талаптарына сәйкес келтірмеген жағдайда, Жұмыс органы құжаттарды одан әрі қараудан бас тартудың нақты себептерін көрсете отырып, өтінімде көрсетілген әлеуетті оператордың электрондық мекенжайына уәжді бас тартуды жібереді.

 

21. Осы Қағидалардың 20-тармағында көрсетілген құжаттарды қарау мерзімдері аяқталғаннан кейін Жұмыс органы бір жұмыс күні ішінде әлеуетті операторлардың құжаттарын Комиссияның қарауына береді.
22. Жұмыс органынан құжаттар келіп түскен күннен бастап 5 (бес) жұмыс күні ішінде Комиссия ұсынылған құжаттар негізінде операторларды іріктеуді жүзеге асырады.

 

23. Әлеуетті операторларды бағалау нәтижелерін Комиссияның әрбір мүшесі осы Қағидаларға 2-қосымшаға сәйкес нысан бойынша дизель отынын жеткізу жөніндегі әлеуетті операторды бағалау парағына (бұдан әрі – бағалау парағы) енгізеді.

      Комиссия шешімі бағалау парақтарында қойылған балдар негізінде қабылданады.

      Ресурс ұстаушыдан дизель отынын өз бетінше сатып алу туралы шешім қабылдаған ауыл шаруашылығы өнімін өндіруші Комиссия хаттамасына оң шешіммен автоматты түрде енгізіледі.

24. Комиссияның оң қорытындысын барлық әлеуетті операторларды тыңдағаннан кейін ең көп ұпай сомаларын жинаған әлеуетті операторлар алады.

      Ұпай сомаларын есептеуді Комиссия хатшысы жүзеге асырады.

25. Талқылау барысы мен Комиссия қабылдаған шешім хаттама түрінде еркін нысанда ресімделеді, оған конкурстық комиссияның төрағасы мен мүшелері, сондай-ақ хаттамалауды жүзеге асыратын хатшы қол қояды.
26. Комиссия шешімі қабылданғаннан кейін екі жұмыс күні ішінде ЖАО-ның интернет-ресурсында және АЖ-да Комиссияның хаттамасы орналастырылады.

 3-тарау. Операторларды жосықсыз операторлар тізбесіне енгізу шарттары

27. Жұмыс органы операторлардың ауыл шаруашылығы өнімін өндірушілерге дизель отынының бекітілген көлемін жеткізу шарттарын сақтауына, сондай-ақ операторлардың Комиссия хаттамасымен бекітілген ауыл шаруашылығы өнімін өндірушілерге дизель отынын өткізуге арналған баға ұсынысын сақтауына мониторинг жүргізеді.

       Мониторингті Жұмыс органы осы бұйрыққа 2-қосымшаға сәйкес бекітілген Көктемгі егіс және егін жинау жұмыстары кезеңінде ауыл шаруашылығы өнімін өндірушілер үшін мұнай өнімдерінің көлемін қалыптастыру және бөлу қағидаларының 23-тармағына сәйкес оператор АЖ веб-порталында орналастырған ақпаратты талдау негізінде апта сайын жүргізеді.

28. Оператор ауыл шаруашылығы өнімін өндірушілерге дизель отынының бекітілген көлемін жеткізу шарттарын орындамау, сондай-ақ ауыл шаруашылығы өнімін өндірушілерге Комиссияның хаттамасымен бекітілген дизель отынын өткізуге арналған баға ұсынысын сақтамау жағдайлары анықталған кезде Жұмыс органы екі жұмыс күні ішінде осы операторды жосықсыз операторлар тізбесіне енгізу бойынша Комиссия отырысын өткізуге бастамашылық жасайды.

      Комиссия отырысы Жұмыс органы жүгінген күннен бастап он жұмыс күні ішінде өткізіледі.

      Бұл ретте Комиссия отырысы өкілеттігін растайтын тиісті құжат негізінде әрекет ететін оператордың не оның өкілінің қатысуымен өткізіледі.

      Комиссия хатшысы Комиссия отырысы өткізілгенге дейін екі жұмыс күні бұрын операторға Комиссия отырысының өтетін орны, күні мен уақыты туралы хабарлама жібереді.

29. Комиссия оператордың қатысуымен ұсынылған құжаттарды жан-жақты және объективті қарайды.

      Ауыл шаруашылығы өнімін өндірушілерге дизель отынының бекітілген көлемін жеткізу шарттарын орындамауға және ауыл шаруашылығы өнімін өндірушілерге дизель отынын өткізуге Комиссия хаттамасымен бекітілген баға ұсынысын сақтамауға алып келетін, тиісті құжаттармен расталатын еңсерілмейтін күш мән-жайлары операторды жосықсыз операторлар тізбесіне енгізбеу үшін негіз болып табылады.

      Комиссия ұсынылған құжаттарды қарау нәтижелері бойынша мынадай шешімдердің бірін шығарады:

      1) операторды жосықсыз операторлар тізбесіне енгізу туралы;

      2) операторды жосықсыз операторлар тізбесіне енгізуден бас тарту туралы.

30. Комиссия шешімінің негізінде Жұмыс органы операторды жосықсыз операторлар тізбесіне енгізеді.

       Жосықсыз операторлардың тізбесін жүргізу осы Қағидаларға 3-қосымшаға сәйкес нысан бойынша жүзеге асырылады.

31. Жұмыс органы жосықсыз операторлардың тізбесін ЖАО-ның ресми интернет-ресурсында және АЖ-да орналастырады.
32. Жосықсыз операторлар тізбесіне енгізілген операторлар Комиссия шешім шығарған күннен бастап жиырма төрт ай ішінде ауыл шаруашылығы жұмыстарына мұнай өнімдерін бөлудің өңірлік операторларын айқындауға қатысуға жіберілмейді.

 

33. Оператор осы Қағидалардың 32-тармағында белгіленген мерзім өткеннен кейін жосықсыз операторлар тізбесінен шығарылады.
34. Оператор жосықсыз операторлар тізбесіне енгізілгеннен кейін Жұмыс органы екі жұмыс күні ішінде ЖАО-ның ресми интернет-ресурсында және АЖ-да жаңа операторды айқындау туралы хабарландыруды орналастырады.

       Операторды айқындау осы Қағидалардың 2-тарауының 2-параграфында белгіленген тәртіппен жүзеге асырылады.

Ауыл шаруашылығы жұмыстарына мұнай өнімдерін бөлудің өңірлік операторларын айқындау қағидалары 1-қосымша

      Нысан

 Дизель отынын жеткізу жөніндегі өңірлік операторларды айқындауға қатысуға өтінім

1. __________________________________________________________________

      (заңды тұлғаның атауы немесе жеке тұлғаның аты, әкесінің аты (бар болса), тегі)

       атынан ___________________________________________________________________

       (бірінші басшының не өкілеттігін растайтын тиісті құжаттың негізінде уәкілетті

      тұлғаның лауазымы, аты, әкесінің аты (бар болса), тегі)

       атынан дизель отынын жеткізу жөніндегі өңірлік операторды айқындау жөніндегі

      рәсімдерге қатысуға жіберуді сұраймын.

2. Өтініш беруші туралы мәліметтер.

      Заңды тұлға үшін:

      атауы ___________________________________________________

      бизнес сәйкестендіру нөмірі _________________________________

      басшының аты, әкесінің аты (бар болса), тегі _______________

      мекенжайы: ________________________________________________________

      телефон нөмірі (факс), электрондық почта: __________________________

      Жеке тұлға үшін:

      аты, әкесінің аты (бар болса), тегі ___________________________

      жеке сәйкестендіру нөмірі _________________________________

      жеке басын куәландыратын құжат:

      нөмірі _________________________________________________________

      кім берді _____________________________________________________

      берілген күні _____________________________________________________

      мекенжайы:________________________________________________________

      телефон нөмірі (факс), электрондық почта: __________________________

      Жеке кәсіпкер ретінде қызметтің басталуы туралы хабарлама – жеке тұлға үшін:

      орналасқан жері ________________________________________________

      хабарлама күні ________________________________________________

      Өтінімге қоса берілетін құжаттардың атауы:

      ___________________________________________________________________

      ___________________________________________________________________

      ___________________________________________________________________

      Ұсынылған ақпараттың дұрыстығын растаймын, Қазақстан Республикасының заңнамасына сәйкес анық емес мәліметтерді ұсынғаны үшін жауапкершілік туралы хабардармын және заңмен қорғалатын құпияны құрайтын мәліметтерді пайдалануға, сондай-ақ дербес деректерді жинауға, өңдеуге, сақтауға, түсіруге және пайдалануға келісім беремін.

      Өтініш берушінің немесе оның өкілінің қолы

      ___________________________________________________________________

      Өтінім берілген күн: 20__ жылғы __________________

Ауыл шаруашылығы жұмыстарына мұнай өнімдерін бөлудің өңірлік операторларын айқындау қағидалары 2-қосымша

      Нысан

 Дизель отынын жеткізу жөніндегі әлеуетті операторларды бағалау парағы

№	Бағалау өлшемшарттары	Көрсеткіштер		Ұпайлар
Заңды тұлғаның атауы немесе жеке тұлғаның аты, әкесінің аты (бар болса), тегі
1	ауыл шаруашылығы өнімін өндірушілер үшін дизель отынын сатып алу, жеткізіп беру, сақтау және жеткізу жөніндегі қызметтер үшін үстеме бағаның жалпы сомасын көрсетілген баға ұсынысы	1 ұпай - максималды баға 2 ұпай - төмендету тәртібімен ұсынылатын бағалар 3 ұпай - төмендету тәртібімен ұсынылатын бағалар 4 ұпай - төмендету тәртібімен ұсынылатын бағалар 5 ұпай - ең төменгі баға
2	кемінде екі жыл Қазақстан Республикасының ішкі нарығында мұнай өнімдерін өткізу тәжірибесінің болуы	1 ұпай - екі жылдан үш жылға дейінгі тиісті тәжірибе 2 ұпай - үш жылдан төрт жылға дейінгі тиісті тәжірибе 3 ұпай - төрт жылдан бес жылға дейінгі тиісті тәжірибе 4 ұпай - бес жылдан алты жылға дейінгі тиісті тәжірибе 5 ұпай - алты немесе одан да көп жылдық тиісті тәжірибе
3	анықтама берілген күннің алдындағы үш айдан астам уақытқа созылатын әлеуетті оператор міндеттемелерінің барлық түрлері бойынша банк алдында мерзімі өткен берешектің болмауы	3 ұпай
4	салық берешегінің болмауы	3 ұпай
5	меншік құқығында немесе өзге де заңды негіздерде мұнай өнімдері базасының немесе резервуардың болуы; цистернасы бар автомашина (бензовоз) үшін таразының болуы; мұнай өнімдері базасында есепке алатын бақылау аспаптарының болуы	5 ұпай
6	ауыл шаруашылығы өнімдерін өндірушілерге дизель отынын жеткізу үшін меншік құқығында немесе өзге де заңды негіздерде цистернасы бар автомашинаның (бензовоздың) болуы	3 ұпай
7	тауарлардың ілеспе жүкқұжатына сәйкес дизель отынын тасымалдау үшін электрондық шот-фактуралардың ақпараттық жүйесінің "Виртуалды қойма" модулін қолдану	3 ұпай
			Ауыл шаруашылығы жұмыстарына мұнай өнімдерін бөлудің өңірлік операторларын айқындау қағидалары 3-қосымша

      Нысан

 Жосықсыз операторлардың тізбесі

Жосықсыз оператор туралы ақпарат			Комиссия хаттамасының нөмірі мен күні		Операторды жосықсыз операторлар тізбесіне енгізу үшін негіздеме
атауы	орналасқан жері / заңды мекенжайы	жеке сәйкестендіру нөмірі / бизнес сәйкестендіру нөмірі
1	2	3	4		5
				Қазақстан Республикасы Ауыл шаруашылығы министрінің міндетін атқарушы 2023 жылғы 13 сәуірдегі № 137 бұйрығына 2-қосымша

 Көктемгі егіс және егін жинау жұмыстары кезеңінде ауыл шаруашылығы өнімін өндірушілер үшін мұнай өнімдерінің көлемін қалыптастыру және бөлу қағидалары

 1-тарау. Жалпы ережелер

 

1. Осы Көктемгі егіс және егін жинау жұмыстары кезеңінде ауыл шаруашылығы өнімдерін өндірушілер үшін мұнай өнімдерінің көлемін қалыптастыру және бөлу қағидалары (бұдан әрі – Қағидалар) "Мұнай өнімдерінің жекелеген түрлерінің өндірілуі мен айналымын мемлекеттік реттеу туралы" Қазақстан Республикасы Заңының (бұдан әрі – Заң) 9-бабы 4-тармағының 3-1) тармақшасына сәйкес әзірленді және көктемгі егіс және егін жинау жұмыстары кезеңінде ауыл шаруашылығы өнімдерін өндірушілер үшін мұнай өнімдерінің көлемдерін қалыптастыру мен бөлу тәртібін айқындайды.
2. Осы Қағидаларда мынадай негізгі ұғымдар пайдаланылады:

      1) 1 гектарға арналған дизель отыны шығысының нормативі – ауыл шаруашылығы дақылдарының түрлері бойынша егістіктің бір гектарын (бұдан әрі – га) егу/жинау үшін қажетті дизель отынының орташа оңтайлы көлемі;

      2) ауыл шаруашылығы өнімін өндіруші – ауыл шаруашылығы өнімін өндірумен айналысатын және көктемгі егіс және егін жинау жұмыстарын жүргізу үшін дизель отынын одан әрі өткізу құқығынсыз сатып алатын, сондай-ақ ресурс ұстаушылардан дизель отынын сатып алу туралы дербес шешім қабылдаған жеке немесе заңды тұлға;

       3) ауыл шаруашылығы өнімін өндірушіге арналған дизель отынының көлемі – дизель отыны шығысының нормативін ауыл шаруашылығы өнімін өндірушінің ауыл шаруашылығы дақылдарының мәлімделген егіс (жинау) алаңына 1 гектарға көбейту жолымен дизель отынын бөлудің ақпараттық жүйесінде автоматты түрде есептелетін дизель отынының көлемі;

      4) дизель отыны – мұнай өнімдерін өндіру саласындағы уәкілетті орган мұнайды қайта өңдеу жоспарларында, ауыл шаруашылығы өнімін өндірушілерге жеткізу үшін қажетті көлемде ескеретін мұнай өнімінің жекелеген түрі;

      5) дизель отынын бөлудің ақпараттық жүйесі (бұдан әрі – АЖ) – ауыл шаруашылығы өнімін өндірушілер үшін дизель отынының көлемін қалыптастыру және бөлу процестерін орындау бойынша қызметтер көрсетуге арналған ақпараттық-коммуникациялық технологиялардың, қызмет көрсететін персоналдың және техникалық құжаттаманың ұйымдырылып реттелген жиынтығы;

      6) дизель отынын бөлудің ақпараттық жүйесінің веб-порталы (бұдан әрі – веб-портал) – ауыл шаруашылығы өнімін өндірушілер арасында дизель отынын қалыптастыру және бөлу жөніндегі деректерге бірыңғай қол жеткізу нүктесін беретін Интернет желісінде орналастырылған интернет-ресурс;

      7) дизель отынын жеткізу жөніндегі өңірлік оператор (бұдан әрі – оператор) – ауыл шаруашылығы өнімін өндірушілерге арналған дизель отынын сатып алу, жеткізіп беру, сақтау және жеткізу жөніндегі қызметтерді көрсететін, өңірлік операторларды айқындау жөніндегі комиссия айқындайтын жеке немесе заңды тұлға;

      8) көрсетілетін қызметтерді жеткізуші – АЖ-ға қолжетімділікті және оны сүйемелдеуді қамтамасыз ететін тұлға, оны мемлекеттік сатып алу туралы заңнамаға сәйкес ауыл шаруашылығы саласындағы функцияларды жүзеге асыратын облыстардың жергілікті атқарушы органының құрылымдық бөлімшесі (бұдан әрі – Басқарма) айқындайды;

       9) танаптың кадастрлық нөмірі – танаптың орналасқан жерін анықтауға (сәйкестендіруге) арналған оның бірегей коды;

      10) электрондық цифрлық қолтаңба (бұдан әрі – ЭЦҚ) – электрондық цифрлық қолтаңба құралдарымен жасалған және электрондық құжаттың дұрыстығын, оның тиесілілігін және мазмұнының өзгермейтіндігін растайтын электрондық цифрлық нышандар жиынтығы.

 2-тарау. Көктемгі егіс және егін жинау жұмыстары кезеңінде ауыл шаруашылығы өнімін өндірушілер үшін мұнай өнімдерінің көлемін қалыптастыру және бөлу тәртібі

3. Ауыл шаруашылығы өнімін өндірушілер үшін дизель отынының көлемін қалыптастыруға өтінімдерді қабылдау туралы хабарландыру көктемгі егіс жұмыстарын жүргізуге өткен жылдың 30 қарашасынан кешіктірмей, ал егін жинау жұмыстарын жүргізуге – тиісті жылдың 30 сәуірінен кешіктірмей облыстардың тиісті жергілікті атқарушы органының (бұдан әрі – ЖАО) АЖ және интернет-ресурсында орналастырылады.
4. Көктемгі егіс жұмыстарын жүргізуге дизель отынының көлемін қалыптастыруға ауыл шаруашылығы өнімін өндірушілерден өтінімдерді қабылдау АЖ-да өткен жылдың 1-20 желтоқсаны аралығында, ал егін жинау жұмыстарын жүргізуге ‒ тиісті жылдың 1-20 мамыры аралығында жүзеге асырылады.
5. Ауыл шаруашылығы өнімін өндірушілер үшін көктемгі егіс және егін жинау жұмыстарын жүргізуге арналған дизель отынының көлемін қалыптастыру АЖ-да автоматты түрде жүзеге асырылады.

      Жеке кабинет ашу үшін веб-порталда тіркелу кезінде ауыл шаруашылығы өнімін өндіруші мынадай мәліметтерді көрсетеді:

      1) жеке тұлғалар мен дара кәсіпкерлер үшін: жеке сәйкестендіру нөмірі (бұдан әрі – ЖСН), аты, әкесінің аты (бар болса) және тегі;

      2) бірлескен кәсіпкерлік нысанындағы заңды тұлғалар мен дара кәсіпкерлер үшін: бизнес-сәйкестендіру нөмірі (бұдан әрі – БСН), толық атауы; бірінші басшының аты, әкесінің аты (бар болса) және тегі және ЖСН-сы;

      3) байланыс деректері (почта мекенжайы, телефон, электрондық почта мекенжайы);

      4) екінші деңгейдегі банктің немесе ұлттық почта операторының ағымдағы шотының деректемелері.

      Жоғарыда көрсетілген деректер өзгерген кезде ауыл шаруашылығы өнімін өндіруші бір жұмыс күні ішінде веб-порталдағы жеке кабинетке енгізілген дербес шоттың деректерін өзгертеді.

 

6. Ауыл шаруашылығы өнімін өндіруші АЖ-да осы Қағидаларға 1-қосымшаға сәйкес нысан бойынша ауыл шаруашылығы өнімін өндірушінің ЭЦҚ-сы қойылған электрондық құжат нысанында дизель отынының көлемін алуға арналған өтінімді (бұдан әрі – өтінім) қалыптастырады.

      Танаптың бір кадастрлық нөмірі бойынша қайта-қайта өтінім жіберуге жол берілмейді.

      Мүшелеріне жер учаскелері тіркелген ауыл шаруашылығы кооперативі (бұдан әрі – ауылшаркооперативі) ауылшаркооперативіне өтінім береді.

      Мүшелеріне жер учаскелері тіркелген бірлескен кәсіпкерлік нысанында ұйымдастырылған шаруа немесе фермер қожалығы шаруа немесе фермер қожалығына өтінім береді.

      Бұл ретте дизель отынының көлемін алушы ауылшаркооперативі не шаруа немесе фермер қожалығы болып табылады.

      Өтінімнің "қаралуда/бекітілді/бас тартылды" деген мәртебесі веб-порталдағы ауыл шаруашылығы өнімін өндірушінің жеке кабинетінде көрсетіледі.

7. Ауыл шаруашылығы өнімін өндірушінің деректері, сондай-ақ тиісті алаңдағы жер пайдалану және (немесе) жеке меншік құқығында (оның ішінде ауылшаркооперативінің не шаруа немесе фермер қожалығы мүшелерінің) ауыл шаруашылығы мақсатындағы жер учаскелерінің болуы АЖ-ның "Заңды тұлғалар" немесе "Жеке тұлғалар" мемлекеттік дерекқорларымен және автоматтандырылған мемлекеттік жер кадастры жүйесі және "Жылжымайтын мүлік тіркелімі" мемлекеттік дерекқорымен ақпараттық өзара іс-қимылы нәтижесінде автоматты түрде расталады.
8. Дизель отынының көлемін есептеу үшін ауыл шаруашылығы өнімін өндіруші өтінімде танаптың кадастрлық нөмірі мен жер учаскесінің ауданын, сондай-ақ егілетін/жиналатын ауыл шаруашылығы дақылының түрін көрсетеді. Ауыл шаруашылығы өнімін өндіруші үшін дизель отынының көлемін есептеу АЖ-да 1 га арналған дизель отыны шығысының нормативін ескере отырып, автоматты түрде жүргізіледі.

       Көктемгі егіс және егін жинау жұмыстарын жүргізуге арналған дизель отыны шығысының базалық нормативтері осы Қағидаларға 2-қосымшада көрсетілген.

9. Ауыл шаруашылығы өнімін өндірушіге арналған дизель отынының өтінімі мен көлемін есептеу Басқарманың уәкілетті қызметкерінің жеке кабинетінде қолжетімді болады.

       Басқарма АЖ-да өтінім қалыптастырылған сәттен бастап үш жұмыс күні ішінде өтінімге бірегей код бере отырып, дизель отынының алдын ала көлемін бекіту туралы не дизель отынының алдын ала көлемін бекітуден бас тарту туралы шешім қабылдайды және ауыл шаруашылығы өнімін өндірушіге осы Қағидаларға 3-қосымшаға сәйкес нысан бойынша хабарлама жібереді.

10. Хабарлама ауыл шаруашылығы өнімін өндірушінің жеке кабинетінде көрсетілген электрондық мекенжайына жіберіледі және веб-порталдағы ауыл шаруашылығы өнімін өндірушінің жеке кабинетінде көрсетіледі.
11. Ауыл шаруашылығы өнімін өндірушілер үшін дизель отыны көлемін есептеу негізінде АЖ-да дизель отынының алдын ала көлемі бар аудандар мен облыстар бөлінісінде ауыл шаруашылығы өнімін өндірушілердің жиынтық тізбесі (бұдан әрі – жиынтық тізбе) қалыптастырылады. Жиынтық тізбе веб-порталда көрсетіледі.

 

12. Басқарма АЖ-да жиынтық тізбе қалыптастырылған күннен бастап үш жұмыс күні ішінде осы Қағидаларға 4-қосымшаға сәйкес нысан бойынша облыс бойынша дизель отынының қажеттілігі мен көлемдерін бөлу тізілімін (бұдан әрі – облыс бойынша тізілім) жасайды және оны АЖ арқылы Қазақстан Республикасы Ауыл шаруашылығы министрлігіне (бұдан әрі – Ауыл шаруашылығы министрлігі) жібереді.

 

13. Ауыл шаруашылығы министрлігі облыс бойынша тізілім келіп түскен күннен бастап екі жұмыс күні ішінде осы Қағидаларға 5-қосымшаға сәйкес нысан бойынша республика бойынша дизель отынының қажеттілігі мен көлемдерін бөлу тізілімін (бұдан әрі – республика бойынша тізілім) жасайды және оны АЖ арқылы мұнай өнімдерін өндіру саласындағы уәкілетті органға (бұдан әрі – Энергетика министрлігі) жібереді.
14. Республика бойынша тізілім негізінде Энергетика министрлігі Ауыл шаруашылығы министрлігімен бірлесіп:

      өткен жылдың 30 желтоқсанынан кешіктірмей көктемгі егіс жұмыстарын жүргізуге әр облыс үшін дизель отынының көлемі бөлінген облыстарды мұнай өңдеу зауыттарына бекіту графигін (бұдан әрі – график);

      тиісті жылдың 30 мамырынан кешіктірмей егін жинау жұмыстарын жүргізуге арналған графикті бекітеді.

       Энергетика министрлігі ауыл шаруашылығы өнімін өндірушілерге дизель отынын өткізуге ұсынылатын бағаны белгілеу туралы ай сайынғы хаттаманы (бұдан әрі – ай сайынғы хаттама) бекітеді.

15. Ауыл шаруашылығы министрлігі график және ай сайынғы хаттама бекітілген күннен бастап екі жұмыс күні ішінде оларды веб-порталға орналастырады.
16. Ауыл шаруашылығы өнімін өндірушілерге жеткізу үшін қажетті көлемде дизель отыны болмаған кезде, әрбір ауыл шаруашылығы өнімін өндіруші үшін дизель отынының көлемі АЖ-ға сұратылған көлемге барабар азайтылған көлемде бөлінеді.

      Ауыл шаруашылығы өнімін өндірушіге арналған дизель отынының түпкілікті көлемдері веб-порталда және ауыл шаруашылығы өнімін өндірушінің жеке кабинетінде қолжетімді болады.

17. ЖАО АЖ-ға дизель отынын босату жүзеге асырылатын операторлардың тізбесін және олардың мұнай өнімдерін (мұнай өнімдері базасын) сақтауға арналған сыйымдылықтарын, сондай-ақ ресурс ұстаушылардан өз бетінше дизель отынын сатып алу туралы шешім қабылдаған ауыл шаруашылығы өнімін өндірушілердің тізбесін орналастырады.
18. Оператор және ресурс ұстаушылардан дизель отынын өз бетінше сатып алу туралы шешім қабылдаған ауыл шаруашылығы өнімін өндіруші веб-порталда жеке кабинет ашады.
19. Операторлар үшін бекітілетін дизель отынының көлемі ауыл шаруашылығы өнімін өндірушілерден оператордың жеке кабинетіне келіп түскен дизель отынын тиеп-жөнелтуге арналған өтінімдер негізінде қалыптастырылады.

       Ресурс ұстаушылардан дизель отынын өз бетінше сатып алу туралы шешім қабылдаған ауыл шаруашылығы өнімін өндірушілер үшін бекітілетін дизель отынының көлемі дизель отынының нақты мәлімделген көлеміне сүйене отырып қалыптастырылады.

 

20. Ауыл шаруашылығы өнімін өндіруші АЖ арқылы операторға осы Қағидаларға 6-қосымшаға сәйкес нысан бойынша жеңілдікті дизель отынын тиеп-жөнелтуге өтінім береді.
21. Дизель отыны тиеп-жөнелтілген күні оператор ауыл шаруашылығы өнімін өндірушінің өтінімін ЭЦҚ-мен куәландыру жолымен жеке кабинеті арқылы өтеуді жүзеге асырады.

       Бұл ретте ауыл шаруашылығы өнімін өндірушінің өзінің жеке кабинетінде көрсетілген электрондық мекенжайына осы Қағидаларға 7-қосымшаға сәйкес нысан бойынша дизель отынын тиеп-жөнелту туралы хабарлама жіберіледі.

22. Ресурс ұстаушылардан дизель отынын өз бетінше сатып алу туралы шешім қабылдаған ауыл шаруашылығы өнімдерін өндірушілер апта сайынғы негізде веб-порталда мынадай ақпаратты орналастырады:

      1) жеткізу шарты бойынша сатып алынған дизель отынының көлемі;

      2) жарияланған күнге дизель отынының қалған көлемі.

23. Оператор апта сайынғы негізде веб-порталда мынадай ақпаратты орналастырады:

      1) берілген дизель отыны көлемінің саны;

      2) жарияланған күнге дизель отынының қолжетімді көлемі.

24. Дизель отынының өткізілмеген көлемі болған кезде оператор ауыл шаруашылығы өнімін өндірушілерге (ЖАО-мен келісу бойынша) осы көлемдердің ауыл шаруашылығы жұмыстарының мынадай түрлері бойынша өткізілуін қамтамасыз етеді:

      1) егін жинау жұмыстары;

      2) жемшөп дайындау;

      3) дәнді және майлы дақылдардың тұқымдарын кептіру.

       Бұл ретте ЖАО АЖ-ға өтінімдерді қабылдау мерзімдерін көрсете отырып, дизель отынының қалдықтарын өткізуге арналған өтінімдерді қабылдау туралы қосымша хабарландыру жариялайды.

 

25. ЖАО ауыл шаруашылығы және энергетика министрліктеріне дизель отынының өткізілмеген көлемі туралы және осы Қағидалардың 24-тармағына сәйкес ауыл шаруашылығы жұмыстарына қайта жіберілген дизель отынының көлемі туралы хабарлайды.
26. АЖ жұмысы істен шыққан жағдайда, ЖАО туындаған жағдай және оларды жою жөніндегі шаралар туралы көрсетілетін қызметтерді жеткізушіні дереу хабардар етеді.

      Көрсетілетін қызметтерді жеткізуші ЖАО-дан хабарлама алғаннан кейін АЖ жұмысының бұзылуын жоюға және ЖАО АЖ-ға қол жеткізуді ұсынуға кіріседі.

      Бұл ретте, туындаған іркілісті жою бойынша жұмыстар жүргізілгеннен кейін көрсетілетін қызметтерді жеткізуші 1 (бір) жұмыс күні ішінде техникалық проблема туралы хаттама жасайды және оған ЖАО қол қояды.

Көктемгі егіс және егін жинау жұмыстары кезеңінде ауыл шаруашылығы өнімін өндірушілер үшін мұнай өнімдерінің көлемін қалыптастыру және бөлу қағидаларына 1-қосымша

      Нысан

       Облыстың ауыл шаруашылығы басқармасы

       ________________ облыстар

 Дизель отыны көлемдерін алуға арналған өтінім

1. __________________________________________________________________

      (заңды немесе жеке тұлғаның атауы)

       атынан __________________________________________________________________

                        (лауазымы, аты, әкесінің аты (бар болса), тегі)

       көктемгі егіс/егін жинау жұмыстарын жүргізу үшін _________ (______________) тонна

       (қажеттісін таңдау)

      көлемінде дизель отынын бөлуді сұраймын.

2. _____ жылға арналған ауыл шаруашылығы дақылдары егістіктерінің жалпы алаңы ____________ га.
3. Ауыл шаруашылығы өнімін өндіруші туралы мәліметтер.

      Заңды тұлға үшін:

      атауы ______________________________________________________________

      бизнес-сейкестендіру нөмірі (бұдан әрі – БСН) ___________________________

      басшының аты, әкесінің аты (бар болса), тегі _____________________________

      мекенжайы: ________________________________________________________

      телефон (факс) нөмері: _______________________________________________

      Жеке тұлға үшін:

      аты, әкесінің аты (бар болса), тегі ______________________________________

      жеке сейкестендіру нөмірі (бұдан әрі – ЖСН) ____________________________

      Жеке басын куәландыратын құжат:

      нөмірі _____________________________________________________________

      кім берді ___________________________________________________________

      берілген күні ________________________________________________________

      мекенжайы: _________________________________________________________

      телефон (факс) нөмері: ________________________________________________

      Дара кәсіпкер ретінде қызметінің басталғаны туралы хабарлама – жеке тұлға үшін:

      орналасқан жері _____________________________________________________

      хабарланған күні ____________________________________________________

4. Ауыл шаруашылығы кооперативінің (шаруа қожалығының) мүшелері туралы мәліметтер өтінім ауыл шаруашылығы кооперативінен немесе шаруа қожалығынан (мүшелері бар болса) берілген жағдайда толтырылады:

№	Ауыл шаруашылығы кооперативі (шаруа қожалығы) мүшесінің атауы	Ауыл шаруашылығы кооперативі (шаруа қожалығы) мүшесінің БСН / ЖСН

5. Ауыл шаруашылығы өнімін өндірушінің екінші деңгейдегі банктегі немесе ұлттық почта операторындағы ағымдағы шотының мәліметтері:

      ЖСН/БСН _________________________________________________________

      бенефициар коды (бұдан әрі – БеК)_____________________________________

      банктің немесе почта операторының деректемелері: ______________________

      банктің немесе почта операторының атауы: _____________________________

      банктің сәйкестендіру коды ___________________________________________

      жеке сәйкестендіру коды _____________________________________________

      БСН ______________________________________________________________

      БеК _______________________________________________________________

6. Ауыл шаруашылығы өнімін өндіруші үшін дизель отынының көлемін есептеу

№	Ауыл шаруашылығы дақылының атауы	Танаптың кадастрлық нөмірі және оның алаңы, гектар	1 гектарға арналған (килограмға) дизель отыны шығысының нормасы	Ауыл шаруашылығы өнімін өндіруші үшін дизель отынының көлемі (тонна, килограмм)
1	2	3	4	5

      Ұсынылған ақпараттың дұрыстығын растаймын, Қазақстан Республикасының заңнамасына сәйкес анық емес мәліметтерді ұсынғаным үшін жауапкершілік туралы хабардармын және заңмен қорғалатын құпияны құрайтын мәліметтерді пайдалануға, сондай-ақ дербес деректерді және өзге де ақпаратты жинауға, өңдеуге, сақтауға, түсіруге және пайдалануға келісім беремін.

       Көктемгі егіс және егін жинау жұмыстарын жүргізуге сатып алынған дизель отыны көлемдерінің пайдаланылуын қамтамасыз ететінімді растаймын.

       Өтініш беруші 20__ жылғы "____" ______ сағат _____ қол қойып, жіберді:

       Электрондық цифрлық қолтаңбадан (бұдан әрі – ЭЦҚ) алынған деректер

      ЭЦҚ-ға қол қою күні мен уақыты

       Өтінімді қабылдау туралы хабарлама:

      Өтінім 20__ жылғы "____" ______ сағат _____ қарауға қабылданды:

      ЭЦҚ деректері

      ЭЦҚ-ға қол қою күні мен уақыты

Көктемгі егіс және егін жинау жұмыстары кезеңінде ауыл шаруашылығы өнімін өндірушілер үшін мұнай өнімдерінің көлемін қалыптастыру және бөлу қағидаларына 2-қосымша

      Нысан

 Көктемгі егіс және егін жинау жұмыстарын жүргізуге арналған дизель отыны шығысының базалық нормативтері

№	Дақылдың атауы	1 га (килограмм) арналған дизель отыны шығысының нормативі
		көктемгі егіс жұмыстарына		егін жинау жұмыстарына
1	Дәнді және бұршақты дақылдар	15,46		15,60
2	Картоп	51,52		140,71
3	Көкөністер	15,91		125,61
4	Майлы дақылдар	14,45		18,24
5	Сүрлем (жүгері)	11,74		85,84
6	Бау-бақша дақылдары	16,00		5,05
7	Біржылдық шөптер	14,36		10,83
8	Көпжылдық шөптер	11,48		-
			Көктемгі егіс және егін жинау жұмыстары кезеңінде ауыл шаруашылығы өнімін өндірушілер үшін мұнай өнімдерінің көлемін қалыптастыру және бөлу қағидаларына 3-қосымша

      Нысан

 Хабарлама

       Құрметті ____________________________________________________________

      (заңды тұлғаның атауы немесе жеке тұлғаның аты, әкесінің аты (бар болса), тегі)

       Сізге _______ жылғы "____" ___________ берілген № _______ өтінімге сәйкес

       ____________ тонна көлемінде дизель отынын бөлу/бас тарту туралы Басқарманың

      шешімі туралы хабарлаймыз.

      Бас тарту себебі: _____________________________________________________

      _________________________________________________________________________

      _________________________________________________________________________

      Сұрақтар туындаған жағдайда _________________________________________

       _______________________________________________ хабарласуыңызды сұраймыз.

                  (Басқарма)

       Орындаушы: _______________________________________ _______________

      (аты, әкесінің аты (бар болса), тегі)             (қолы)

      Байланыс телефондары: ______________________________________________

Көктемгі егіс және егін жинау жұмыстары кезеңінде ауыл шаруашылығы өнімін өндірушілер үшін мұнай өнімдерінің көлемін қалыптастыру және бөлу қағидаларына 4-қосымша

      Нысан

 Облыс бойынша дизель отыны көлемдерінің қажеттілігі және бөлу тізілімі  20 ___ жыл

Р/с №	Аудандардың атауы	Көктемгі егіс немесе егін жинау жұмыстары (қажеттісін таңдау)	Айлар (қажеттісін таңдау)
			қаңтар	ақпан	наурыз	сәуір	мамыр	маусым	шілде		тамыз	қыркүйек	қазан	қараша	желтоқсан
1	2	3	4	5	6	7	8	9	10		11	12	13	14	15
Барлығы:
										Көктемгі егіс және егін жинау жұмыстары кезеңінде ауыл шаруашылығы өнімін өндірушілер үшін мұнай өнімдерінің көлемін қалыптастыру және бөлу қағидаларына 5-қосымша

      Нысан

 Республика бойынша дизель отыны көлемдерінің қажеттілігі және бөлу тізілімі

Р/с №	Облыстардың атауы	Көктемгі егіс немесе егін жинау жұмыстары (қажеттісін таңдау)	Айлар (қажеттісін таңдау)
			қаңтар	ақпан	наурыз	сәуір	мамыр	маусым	шілде		тамыз	қыркүйек	қазан	қараша	желтоқсан
1	2	3	4	5	6	7	8	9	10		11	12	13	14	15
Барлығы:
										Көктемгі егіс және егін жинау жұмыстары кезеңінде ауыл шаруашылығы өнімін өндірушілер үшін мұнай өнімдерінің көлемін қалыптастыру және бөлу қағидаларына 6-қосымша

      Нысан

      ______________ облысының дизель отынын жеткізу

      жөніндегі өңірлік операторға

      __________________________

      (оператордың атауы)

 Жеңілдікті дизель отынын тиеп-жөнелтуге арналған өтінім

1. __________________________________________________________________

      (заңды немесе жеке тұлғаның атауы)

       атынан __________________________________________________________________

      (басшының лауазымы, аты, әкесінің аты (бар болса), тегі)

       көктемгі егіс/егіс жинау жұмыстарын жүргізуге _____________ (___________) тонна

                  (қажеттісін таңдау)

      көлемінде дизель отынын тиеп-жөнелтуді сұраймын.

2. Дизель отынын тиеп-жөнелту орны ______________________________________;
3. Дизель отынын тиеп-жөнелту күні мен уақыты – 20____ жылғы "___" __________ сағат _______.

      Өтінішке ауыл шаруашылығы тауарын өндіруші 20___ жылғы "___" ___________ сағат _______ қол қойып, жіберді:

      Ауыл шаруашылығы өнімін өндірушінің электрондық цифрлық қолтаңбасынан (бұдан әрі – ЭЦҚ) алынған деректер;

      Ауыл шаруашылығы өнімін өндірушінің ЭЦҚ-ны қою күні мен уақыты.

4. Өтінімді өтеу мәртебесі:

      дизель отынын нақты тиеп-жөнелтілген күні – 20____ жылғы "____" _____________;

      дизель отынын жеткізу жөніндегі өңірлік оператордың ЭЦҚ-дан алынған деректері;

      дизель отынын жеткізу жөніндегі өңірлік оператордың ЭЦҚ-ны қою күні мен уақыты.

Көктемгі егіс және егін жинау жұмыстары кезеңінде ауыл шаруашылығы өнімін өндірушілер үшін мұнай өнімдерінің көлемін қалыптастыру және бөлу қағидаларына 7-қосымша

      Нысан

 Дизель отынының тиеп-жөнелтілгені туралы хабарлама

       Құрметті ____________________________________________________________

      (заңды тұлғаның атауы немесе жеке тұлғаның аты, әкесінің аты (бар болса), тегі)

      Сізге _______ жылғы "____" ___________ берген № _______ өтініміңізге сәйкес ____________ (_________________) тонна көлемінде дизель отынының тиеп-жөнелтілгені туралы хабарлаймыз.

      Дизель отынын жеткізу жөніндегі өңірлік оператордың электрондық цифрлық қолтаңбасынан (бұдан әрі – ЭЦҚ) алынған деректер;

      Дизель отынын жеткізу жөніндегі өңірлік оператордың ЭЦҚ-сын қою күні мен уақыты.

© 2012. Қазақстан Республикасы Әділет министрлігінің «Қазақстан Республикасының Заңнама және құқықтық ақпарат институты» ШЖҚ РМК

Ауыл шаруашылығы жұмыстарына мұнай өнімдерін бөлудің өңірлік операторларын айқындау қағидаларын, сондай-ақ Көктемгі егіс және егін жинау жұмыстары кезеңінде ауыл шаруашылығы өнімдерін өндірушілер үшін мұнай өнімдерінің көлемдерін қалыптастыру және бөлу қағидаларын бекіту туралы

Қазақстан Республикасы Ауыл шаруашылығы министрінің м.а. 2023 жылғы 13 сәуірдегі № 137 бұйрығы. Қазақстан Республикасының Әділет министрлігінде 2023 жылғы 13 сәуірде № 32300 болып тіркелді

 

       "Мұнай өнімдерінің жекелеген түрлерінің өндірісі мен айналымын мемлекеттік реттеу туралы" Қазақстан Республикасы Заңының 9-бабы 4-тармағының 3-1) тармақшасына сәйкес БҰЙЫРАМЫН:

1. Мыналар:

 

       1) осы бұйрыққа 1-қосымшаға сәйкес Ауыл шаруашылығы жұмыстарына мұнай өнімдерін бөлудің өңірлік операторларын айқындау қағидалары;

 

       2) осы бұйрыққа 2-қосымшаға сәйкес Көктемгі егіс және егін жинау жұмыстары кезеңінде ауыл шаруашылығы өнімін өндірушілер үшін мұнай өнімдерінің көлемін қалыптастыру және бөлу қағидалары бекітілсін.

2. Қазақстан Республикасы Ауыл шаруашылығы министрлігінің Егіншілік департаменті заңнамада белгіленген тәртіппен:

      1) осы бұйрықтың Қазақстан Республикасының Әділет министрлігінде мемлекеттік тіркелуін;

      2) осы бұйрықтың Қазақстан Республикасы Ауыл шаруашылығы министрлігінің интернет-ресурсында орналастырылуын қамтамасыз етсін.

3. Осы бұйрықтың орындалуын бақылау жетекшілік ететін Қазақстан Республикасының ауыл шаруашылығы вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасы   Ауыл шаруашылығы министрінің міндетін атқарушы

Ә. Тамабек

       "КЕЛІСІЛДІ"

      Қазақстан Республикасы

      Қаржы министрлігі

       "КЕЛІСІЛДІ"

      Қазақстан Республикасы

      Ұлттық экономика министрлігі

       "КЕЛІСІЛДІ"

      Қазақстан Республикасының

      Цифрлық даму, инновациялар және

      аэроғарыш өнеркәсібі министрлігі

       "КЕЛІСІЛДІ"

      Қазақстан Республикасы

      Энергетика министрлігі

Қазақстан Республикасы Ауыл шаруашылығы министрінің міндетін атқарушы 2023 жылғы 13 сәуірдегі № 137 бұйрығына 1-қосымша

 Ауыл шаруашылығы жұмыстарына мұнай өнімдерін бөлудің өңірлік операторларын айқындау қағидалары

 1-тарау. Жалпы ережелер

 

1. Осы Ауыл шаруашылығы жұмыстарына мұнай өнімдерін бөлудің өңірлік операторларын айқындау қағидалары (бұдан әрі – Қағидалар) "Мұнай өнімдерінің жекелеген түрлерінің өндірісін және айналымын мемлекеттік реттеу туралы" Қазақстан Республикасы Заңының (бұдан әрі – Заң) 9-бабы 4-тармағының 3-1) тармақшасына сәйкес әзірленді және ауыл шаруашылығы жұмыстарына мұнай өнімдерін бөлудің өңірлік операторларын айқындау тәртібін айқындайды.
2. Осы Қағидаларда мынадай негізгі ұғымдар пайдаланылады:

      1) ауыл шаруашылығы өнімін өндіруші – ауыл шаруашылығы өнімін өндірумен айналысатын және көктемгі егіс және егін жинау жұмыстарын жүргізу үшін дизель отынын одан әрі өткізу құқығынсыз сатып алатын, сондай-ақ ресурс ұстаушылардан дизель отынын өз бетінше сатып алу туралы шешім қабылдаған жеке немесе заңды тұлға;

      2) виртуалды қойма – Қазақстан Республикасы ратификациялаған халықаралық шартқа сәйкес тауарларды қадағалау тетігінің автоматты режимде жұмыс істеуін қамтамасыз етуге арналған электрондық шот-фактуралар ақпараттық жүйесінің модулі;

      3) дизель отынын бөлудің ақпараттық жүйесі (бұдан әрі – АЖ) – ауыл шаруашылығы өнімін өндірушілер үшін дизель отынының көлемін қалыптастыру және бөлу процестерін орындау бойынша қызметтер көрсетуге арналған ақпараттық-коммуникациялық технологиялардың, қызмет көрсететін персоналдың және техникалық құжаттаманың ұйымдастырылып реттелген жиынтығы;

      4) дизель отынын жеткізу жөніндегі өңірлік оператор (бұдан әрі – оператор) – ауыл шаруашылығы өнімін өндірушілерге арналған дизель отынын сатып алу, жеткізу, сақтау және жеткізу жөніндегі қызметтерді көрсететін, өңірлік операторларды айқындау жөніндегі комиссия айқындайтын жеке немесе заңды тұлға;

      5) дизель отыны – мұнай өнімдерін өндіру саласындағы уәкілетті орган мұнайды қайта өңдеу жоспарларында, ауыл шаруашылығы өнімін өндірушілерге жеткізу үшін қажетті көлемде ескеретін мұнай өнімінің жекелеген түрі;

      6) субсидиялаудың мемлекеттік ақпараттық жүйесінің веб-порталы (бұдан әрі – веб-портал) – ауыл шаруашылығы өнімін өндірушілер арасында дизель отынын қалыптастыру және бөлу жөніндегі деректерге бірыңғай қол жеткізу нүктесін беретін Интернет желісінде орналастырылған интернет-ресурс;

      7) электрондық цифрлық қолтаңба (бұдан әрі – ЭЦҚ) – электрондық цифрлық қолтаңба құралдарымен жасалған және электрондық құжаттың дұрыстығын, оның тиесілілігін және мазмұнының өзгермейтіндігін растайтын электрондық цифрлық нышандар жиынтығы.

 2-тарау. Ауыл шаруашылығы жұмыстарына мұнай өнімдерін бөлудің өңірлік операторларын айқындау тәртібі

 1-параграф. Өңірлік операторларды айқындау жөніндегі комиссияның жұмыс тәртібі

3. Облыстардың жергілікті атқарушы органдары (бұдан әрі – ЖАО) жанынан операторларды айқындау үшін өңірлік операторларды айқындау жөніндегі комиссиялар (бұдан әрі – Комиссия) құрылады. Комиссия мүшелерінің жалпы саны тақ санды құрайды, кемінде жеті адам.
4. Ауыл шаруашылығы саласындағы функцияларды жүзеге асыратын ЖАО-ның құрылымдық бөлімшелері (бұдан әрі – Жұмыс органы) Комиссияның жұмыс органы болып табылады.
5. Комиссия төрағасы және төрағаның орынбасары Комиссия мүшелері қатарынан Комиссия мүшелерінің көпшілік даусымен сайланады. Комиссия хатшысы Жұмыс органының қызметкерлері қатарынан айқындалады. Комиссия хатшысы оның мүшесі болып табылмайды.

      Комиссия құрамына ЖАО, прокуратура органдарының (келісу бойынша), сыбайлас жемқорлыққа қарсы іс-қимыл органдарының (келісу бойынша), қоғамдық ұйымдардың, "Атамекен" Қазақстан Республикасы Ұлттық Кәсіпкерлер палатасының өңірлік кәсіпкерлер палатасының, агроөнеркәсіптік кешен саласындағы жеке кәсіпкерлік субъектілері бірлестіктерінің өкілдері кіреді.

6. Комиссия төрағасы отырыстарға төрағалық етеді, оның қызметін жоспарлайды және басқарады, оның шешімдерінің іске асырылуына жалпы бақылауды жүзеге асырады. Комиссия төрағасы болмаған кезде, төрағаның функциялары Комиссия төрағасының орынбасарына жүктеледі.
7. Комиссия отырысы, егер оған Комиссия мүшелерінің жалпы санының жартысынан астамы қатысса, заңды болып табылады. Комиссия мүшелері дауыс беруге ауыстыру құқығынсыз қатысады.
8. Комиссия хатшысы Комиссия отырысының күн тәртібін қалыптастырады, қажетті құжаттармен қамтамасыз етеді, Комиссия отырысын ұйымдастырады.
9. Комиссияның отырысын оның төрағасы Қазақстан Республикасы Ауыл шаруашылығы министрлігінен көктемгі егіс және егін жинау жұмыстарын жүргізуге әр облыс үшін дизель отынының бөлінген көлемі бар мұнай өңдеу зауыттарына облыстарды бекіту графигін (бұдан әрі – бекіту графигі), сондай-ақ Қазақстан Республикасы Энергетика министрлігінің ауыл шаруашылығы өнімдерін өндірушілерге дизель отынын өткізуге ұсынылатын бағаны бекіту туралы ай сайынғы хаттамасын алған күннен бастап он бес жұмыс күні ішінде шақырады.
10. Комиссияның әрбір отырысы барысында ЖАО-ның ресми интернет-ресурстарында онлайн трансляция режимінде Комиссия отырысының аудио-, бейнежазбасы жүргізіледі.
11. Комиссия отырысының залдарында Комиссия отырысының аудио-, бейнежазбасын жүзеге асыру үшін қажетті жабдықты орналастыруға арналған аппараттық үй-жай болады.
12. Комиссия отырысы барысының аудио-, бейнежазбасы үздіксіз жүзеге асырылады.

      Комиссия отырысының аудио-, бейнежазбасын рұқсатсыз тоқтата тұруға немесе түзетуге жол берілмейді.

13. Комиссия отырыстарының барысын тіркеуді қамтамасыз ететін аудио-, бейнежазба құралдарын қолдануды ЖАО-ның ақпараттық технологиялар жөніндегі маманы (бұдан әрі – ЖАО-ның АТ жөніндегі маманы) жүзеге асырады.
14. Комиссия отырысы басталар алдында ЖАО-ның АТ жөніндегі маманы Комиссия отырысының барысын тіркеуді қамтамасыз ететін аудио-, бейнежазба құралдарының жұмысқа қабілеттілігін тексереді.

      Аудио-, бейнежазба құралдарын пайдалану мүмкін болмаған кезде, ЖАО-ның АТ жөніндегі маманы бұл туралы Комиссия төрағасына баяндайды, ол Комиссия отырысын ауыстырады.

15. Аудио-, бейнежазбаның техникалық құралдарының көмегімен тіркелген материалдар ЖАО-да хаттама жасалған сәттен бастап кемінде бір жыл сақталады.

 2-параграф. Операторларды анықтау шарттары

 

16. Заңның 19-бабының 2-тармағында көрсетілген кәсіпкерлік субъектілері қатарынан операторларды іріктеу жүзеге асырылады.
17. Дизель отынын ресурс ұстаушыдан өз бетінше сатып алу туралы шешім қабылдаған ауыл шаруашылығы өнімінің әлеуетті операторы мен өндірушісі мынадай құжаттарды ұсынады:

 

       1) осы Қағидаларға 1-қосымшаға сәйкес нысан бойынша дизель отынын жеткізу жөніндегі өңірлік операторларды айқындауға қатысуға арналған өтінім (бұдан әрі – өтінім);

      2) ауыл шаруашылығы өнімін өндірушілер үшін дизель отынын сатып алу, жеткізіп беру, сақтау және жеткізу жөніндегі қызметтер үшін үстеме бағаның жалпы сомасын көрсетілген баға ұсынысы;

      3) кемінде екі жыл Қазақстан Республикасының ішкі нарығында мұнай өнімдерін өткізу тәжірибесінің болуын растайтын құжаттардың көшірмелері;

      4) дизель отынының қажетті көлемін сатып алу үшін әлеуетті оператордың шотында ақшалай қаражаттың не кредиттік қаражаттың болуы туралы банктен анықтама;

      5) әлеуетті операторға қызмет көрсетілетін банктің уәкілетті тұлғаның қолы қойылған және анықтама берілген күннің алдындағы үш айдан астам уақытқа созылатын әлеуетті оператордың міндеттемелерінің барлық түрлері бойынша банк алдындағы мерзімі өткен берешегінің жоқтығы туралы мөрі бар (бар болса) анықтамасы (егер әлеуетті оператор бірнеше екінші деңгейдегі банктердің клиенті болып табылған жағдайда, мұндай анықтама өтінім берілетін күннің алдындағы бір айдан кейін берілген осындай банктердің әрқайсысынан ұсынылады);

      6) өтінім берілген күнге дейін күнтізбелік бес күннен кейін берілген салық берешегінің жоқтығын куәландыратын құжат;

      7) мұнай өнімдері базасына немесе резервуарға тіркелген құқықтар (ауыртпалықтар) туралы анықтама не мұнай өнімдері базасын немесе резервуарды жалдау шартының көшірмесі;

      8) мұнай өнімдерінің немесе резервуардың базасы бойынша ұсынылатын құжаттар (әлеуетті операторда меншік құқығында немесе өзге де заңды негіздерде бар):

      мұнай өнімдері базасының жай-күйі және техникалық жарақтандырылуы туралы ақпарат:

      техникалық паспорттың көшірмесі;

      цистернасы бар автомашина (бензовоз) үшін таразының болуы;

       "Мұнай өнімдері базаларының өндірістік объектілерін бақылау есептеу аспаптарымен жарақтандыру жөніндегі қағидалар мен талаптарды бекіту туралы" Қазақстан Республикасы Энергетика министрінің 2022 жылғы 26 желтоқсандағы № 435 бұйрығына (Нормативтік құқықтық актілерді мемлекеттік тіркеу тізілімінде № 31279 болып тіркелген) сәйкес мұнай өнімдері базасында есепке алатын бақылау аспаптарының болуын және орнатылуын растайтын құжат;

      9) көктемгі егіс және егін жинау жұмыстарын жүргізу кезеңінде демалыс және мереке күндері дизель отынын босату туралы келісім-хат;

      10) меншік құқығында немесе өзге де заңды негіздерде дизель отынын ауыл шаруашылығы техникасын өндірушілерге жеткізуге арналған цистернасы бар автомашинаның (бензин тасығыштың) болуын растайтын құжаттың көшірмесі;

      11) мұнай базаларының орналасу схемасы.

      12) тауарларға арналған ілеспе жүкқұжатқа сәйкес дизель отынын тасымалдау үшін электрондық шот-фактуралардың ақпараттық жүйесінің "Виртуалды қойма" модулін қолдану туралы растау.

      Осы тармақтың бірінші бөлігіндегі 2), 3), 4), 5), 6) тармақшаларда көзделген талаптар ресурс ұстаушыдан дизель отынын өз бетінше сатып алу туралы шешім қабылдаған ауыл шаруашылығы өнімін өндірушілерге қолданылмайды.

      Дизель отынын ресурс ұстаушыдан өз бетінше сатып алу туралы шешім қабылдаған ауыл шаруашылығы өнімін өндіруші Комиссия хаттамасына автоматты түрде енгізіледі.

18. ЖАО бекіту графигін алған күннен бастап бір жұмыс күні ішінде ЖАО-ның ресми интернет-ресурсында және АЖ-да операторларды айқындау туралы хабарландыруды орналастырады.

      Хабарландыру мынадай мәліметтерді қамтиды:

      1) орналасқан жері, почталық мекенжайы, телефон нөмірлері, электрондық почтасының мекенжайы көрсетілген ЖАО-ның атауы;

      2) құжаттарды қабылдаудың басталған және аяқталған күні мен уақыты;

 

       3) осы Қағидалардың 17-тармағында көрсетілген қажетті құжаттардың тізбесі;

      4) Комиссия отырысының өткізілетін күні, уақыты және орны.

19. Әлеуетті оператордың бірінші басшысы не уәкілетті тұлға өкілеттігін растайтын тиісті құжаттың негізінде қол қойған өтінім және өтінімге қоса берілетін құжаттар ЖАО-ның кеңсесі арқылы қолма-қол немесе электрондық түрде ЖАО кеңсесінің электрондық мекенжайына ұсынылады.

      Өтінім және өтінімге қоса берілетін құжаттар ЖАО кеңсесінде олар келіп түскен күні тіркеу нөмірі мен күнін бере отырып қабылданады және тіркеледі және Жұмыс органына жіберіледі.

      Әлеуетті оператор жұмыс уақыты аяқталғаннан кейін, Қазақстан Республикасының еңбек заңнамасына сәйкес демалыс және мереке күндері жүгінген кезде құжаттарды қабылдау одан кейінгі жақын жұмыс күні жүзеге асырылады.

20. Жұмыс органы құжаттарды алған күннен бастап 2 (екі) жұмыс күні ішінде оларды қарайды және толықтығы мен осы Қағидалардың талаптарына сәйкестігі тұрғысынан тексереді.

      Ұсынылған мәліметтердің толық еместігі және (немесе) құжаттардың осы Қағидалардың талаптарына сәйкес келмеуі анықталған кезде, Жұмыс органы осы тармақтың бірінші бөлігінде көрсетілген мерзімде әлеуетті операторға ұсынылған құжаттардың қандай талаптарға сәйкес келмейтінін көрсететін хабарлама жібереді. Хабарлама әлеуетті оператор өтінімде көрсеткен электрондық мекенжайға жіберіледі.

      Құжаттарды осы Қағидалардың талаптарына сәйкес келтіру мерзімі 2 (екі) жұмыс күнін құрайды.

      2 (екі) жұмыс күні ішінде әлеуетті оператор құжаттарды осы Қағидалардың талаптарына сәйкес келтірмеген жағдайда, Жұмыс органы құжаттарды одан әрі қараудан бас тартудың нақты себептерін көрсете отырып, өтінімде көрсетілген әлеуетті оператордың электрондық мекенжайына уәжді бас тартуды жібереді.

 

21. Осы Қағидалардың 20-тармағында көрсетілген құжаттарды қарау мерзімдері аяқталғаннан кейін Жұмыс органы бір жұмыс күні ішінде әлеуетті операторлардың құжаттарын Комиссияның қарауына береді.
22. Жұмыс органынан құжаттар келіп түскен күннен бастап 5 (бес) жұмыс күні ішінде Комиссия ұсынылған құжаттар негізінде операторларды іріктеуді жүзеге асырады.

 

23. Әлеуетті операторларды бағалау нәтижелерін Комиссияның әрбір мүшесі осы Қағидаларға 2-қосымшаға сәйкес нысан бойынша дизель отынын жеткізу жөніндегі әлеуетті операторды бағалау парағына (бұдан әрі – бағалау парағы) енгізеді.

      Комиссия шешімі бағалау парақтарында қойылған балдар негізінде қабылданады.

      Ресурс ұстаушыдан дизель отынын өз бетінше сатып алу туралы шешім қабылдаған ауыл шаруашылығы өнімін өндіруші Комиссия хаттамасына оң шешіммен автоматты түрде енгізіледі.

24. Комиссияның оң қорытындысын барлық әлеуетті операторларды тыңдағаннан кейін ең көп ұпай сомаларын жинаған әлеуетті операторлар алады.

      Ұпай сомаларын есептеуді Комиссия хатшысы жүзеге асырады.

25. Талқылау барысы мен Комиссия қабылдаған шешім хаттама түрінде еркін нысанда ресімделеді, оған конкурстық комиссияның төрағасы мен мүшелері, сондай-ақ хаттамалауды жүзеге асыратын хатшы қол қояды.
26. Комиссия шешімі қабылданғаннан кейін екі жұмыс күні ішінде ЖАО-ның интернет-ресурсында және АЖ-да Комиссияның хаттамасы орналастырылады.

 3-тарау. Операторларды жосықсыз операторлар тізбесіне енгізу шарттары

27. Жұмыс органы операторлардың ауыл шаруашылығы өнімін өндірушілерге дизель отынының бекітілген көлемін жеткізу шарттарын сақтауына, сондай-ақ операторлардың Комиссия хаттамасымен бекітілген ауыл шаруашылығы өнімін өндірушілерге дизель отынын өткізуге арналған баға ұсынысын сақтауына мониторинг жүргізеді.

       Мониторингті Жұмыс органы осы бұйрыққа 2-қосымшаға сәйкес бекітілген Көктемгі егіс және егін жинау жұмыстары кезеңінде ауыл шаруашылығы өнімін өндірушілер үшін мұнай өнімдерінің көлемін қалыптастыру және бөлу қағидаларының 23-тармағына сәйкес оператор АЖ веб-порталында орналастырған ақпаратты талдау негізінде апта сайын жүргізеді.

28. Оператор ауыл шаруашылығы өнімін өндірушілерге дизель отынының бекітілген көлемін жеткізу шарттарын орындамау, сондай-ақ ауыл шаруашылығы өнімін өндірушілерге Комиссияның хаттамасымен бекітілген дизель отынын өткізуге арналған баға ұсынысын сақтамау жағдайлары анықталған кезде Жұмыс органы екі жұмыс күні ішінде осы операторды жосықсыз операторлар тізбесіне енгізу бойынша Комиссия отырысын өткізуге бастамашылық жасайды.

      Комиссия отырысы Жұмыс органы жүгінген күннен бастап он жұмыс күні ішінде өткізіледі.

      Бұл ретте Комиссия отырысы өкілеттігін растайтын тиісті құжат негізінде әрекет ететін оператордың не оның өкілінің қатысуымен өткізіледі.

      Комиссия хатшысы Комиссия отырысы өткізілгенге дейін екі жұмыс күні бұрын операторға Комиссия отырысының өтетін орны, күні мен уақыты туралы хабарлама жібереді.

29. Комиссия оператордың қатысуымен ұсынылған құжаттарды жан-жақты және объективті қарайды.

      Ауыл шаруашылығы өнімін өндірушілерге дизель отынының бекітілген көлемін жеткізу шарттарын орындамауға және ауыл шаруашылығы өнімін өндірушілерге дизель отынын өткізуге Комиссия хаттамасымен бекітілген баға ұсынысын сақтамауға алып келетін, тиісті құжаттармен расталатын еңсерілмейтін күш мән-жайлары операторды жосықсыз операторлар тізбесіне енгізбеу үшін негіз болып табылады.

      Комиссия ұсынылған құжаттарды қарау нәтижелері бойынша мынадай шешімдердің бірін шығарады:

      1) операторды жосықсыз операторлар тізбесіне енгізу туралы;

      2) операторды жосықсыз операторлар тізбесіне енгізуден бас тарту туралы.

30. Комиссия шешімінің негізінде Жұмыс органы операторды жосықсыз операторлар тізбесіне енгізеді.

       Жосықсыз операторлардың тізбесін жүргізу осы Қағидаларға 3-қосымшаға сәйкес нысан бойынша жүзеге асырылады.

31. Жұмыс органы жосықсыз операторлардың тізбесін ЖАО-ның ресми интернет-ресурсында және АЖ-да орналастырады.
32. Жосықсыз операторлар тізбесіне енгізілген операторлар Комиссия шешім шығарған күннен бастап жиырма төрт ай ішінде ауыл шаруашылығы жұмыстарына мұнай өнімдерін бөлудің өңірлік операторларын айқындауға қатысуға жіберілмейді.

 

33. Оператор осы Қағидалардың 32-тармағында белгіленген мерзім өткеннен кейін жосықсыз операторлар тізбесінен шығарылады.
34. Оператор жосықсыз операторлар тізбесіне енгізілгеннен кейін Жұмыс органы екі жұмыс күні ішінде ЖАО-ның ресми интернет-ресурсында және АЖ-да жаңа операторды айқындау туралы хабарландыруды орналастырады.

       Операторды айқындау осы Қағидалардың 2-тарауының 2-параграфында белгіленген тәртіппен жүзеге асырылады.

Ауыл шаруашылығы жұмыстарына мұнай өнімдерін бөлудің өңірлік операторларын айқындау қағидалары 1-қосымша

      Нысан

 Дизель отынын жеткізу жөніндегі өңірлік операторларды айқындауға қатысуға өтінім

1. __________________________________________________________________

      (заңды тұлғаның атауы немесе жеке тұлғаның аты, әкесінің аты (бар болса), тегі)

       атынан ___________________________________________________________________

       (бірінші басшының не өкілеттігін растайтын тиісті құжаттың негізінде уәкілетті

      тұлғаның лауазымы, аты, әкесінің аты (бар болса), тегі)

       атынан дизель отынын жеткізу жөніндегі өңірлік операторды айқындау жөніндегі

      рәсімдерге қатысуға жіберуді сұраймын.

2. Өтініш беруші туралы мәліметтер.

      Заңды тұлға үшін:

      атауы ___________________________________________________

      бизнес сәйкестендіру нөмірі _________________________________

      басшының аты, әкесінің аты (бар болса), тегі _______________

      мекенжайы: ________________________________________________________

      телефон нөмірі (факс), электрондық почта: __________________________

      Жеке тұлға үшін:

      аты, әкесінің аты (бар болса), тегі ___________________________

      жеке сәйкестендіру нөмірі _________________________________

      жеке басын куәландыратын құжат:

      нөмірі _________________________________________________________

      кім берді _____________________________________________________

      берілген күні _____________________________________________________

      мекенжайы:________________________________________________________

      телефон нөмірі (факс), электрондық почта: __________________________

      Жеке кәсіпкер ретінде қызметтің басталуы туралы хабарлама – жеке тұлға үшін:

      орналасқан жері ________________________________________________

      хабарлама күні ________________________________________________

      Өтінімге қоса берілетін құжаттардың атауы:

      ___________________________________________________________________

      ___________________________________________________________________

      ___________________________________________________________________

      Ұсынылған ақпараттың дұрыстығын растаймын, Қазақстан Республикасының заңнамасына сәйкес анық емес мәліметтерді ұсынғаны үшін жауапкершілік туралы хабардармын және заңмен қорғалатын құпияны құрайтын мәліметтерді пайдалануға, сондай-ақ дербес деректерді жинауға, өңдеуге, сақтауға, түсіруге және пайдалануға келісім беремін.

      Өтініш берушінің немесе оның өкілінің қолы

      ___________________________________________________________________

      Өтінім берілген күн: 20__ жылғы __________________

Ауыл шаруашылығы жұмыстарына мұнай өнімдерін бөлудің өңірлік операторларын айқындау қағидалары 2-қосымша

      Нысан

 Дизель отынын жеткізу жөніндегі әлеуетті операторларды бағалау парағы

№	Бағалау өлшемшарттары	Көрсеткіштер		Ұпайлар
Заңды тұлғаның атауы немесе жеке тұлғаның аты, әкесінің аты (бар болса), тегі
1	ауыл шаруашылығы өнімін өндірушілер үшін дизель отынын сатып алу, жеткізіп беру, сақтау және жеткізу жөніндегі қызметтер үшін үстеме бағаның жалпы сомасын көрсетілген баға ұсынысы	1 ұпай - максималды баға 2 ұпай - төмендету тәртібімен ұсынылатын бағалар 3 ұпай - төмендету тәртібімен ұсынылатын бағалар 4 ұпай - төмендету тәртібімен ұсынылатын бағалар 5 ұпай - ең төменгі баға
2	кемінде екі жыл Қазақстан Республикасының ішкі нарығында мұнай өнімдерін өткізу тәжірибесінің болуы	1 ұпай - екі жылдан үш жылға дейінгі тиісті тәжірибе 2 ұпай - үш жылдан төрт жылға дейінгі тиісті тәжірибе 3 ұпай - төрт жылдан бес жылға дейінгі тиісті тәжірибе 4 ұпай - бес жылдан алты жылға дейінгі тиісті тәжірибе 5 ұпай - алты немесе одан да көп жылдық тиісті тәжірибе
3	анықтама берілген күннің алдындағы үш айдан астам уақытқа созылатын әлеуетті оператор міндеттемелерінің барлық түрлері бойынша банк алдында мерзімі өткен берешектің болмауы	3 ұпай
4	салық берешегінің болмауы	3 ұпай
5	меншік құқығында немесе өзге де заңды негіздерде мұнай өнімдері базасының немесе резервуардың болуы; цистернасы бар автомашина (бензовоз) үшін таразының болуы; мұнай өнімдері базасында есепке алатын бақылау аспаптарының болуы	5 ұпай
6	ауыл шаруашылығы өнімдерін өндірушілерге дизель отынын жеткізу үшін меншік құқығында немесе өзге де заңды негіздерде цистернасы бар автомашинаның (бензовоздың) болуы	3 ұпай
7	тауарлардың ілеспе жүкқұжатына сәйкес дизель отынын тасымалдау үшін электрондық шот-фактуралардың ақпараттық жүйесінің "Виртуалды қойма" модулін қолдану	3 ұпай
			Ауыл шаруашылығы жұмыстарына мұнай өнімдерін бөлудің өңірлік операторларын айқындау қағидалары 3-қосымша

      Нысан

 Жосықсыз операторлардың тізбесі

Жосықсыз оператор туралы ақпарат			Комиссия хаттамасының нөмірі мен күні		Операторды жосықсыз операторлар тізбесіне енгізу үшін негіздеме
атауы	орналасқан жері / заңды мекенжайы	жеке сәйкестендіру нөмірі / бизнес сәйкестендіру нөмірі
1	2	3	4		5
				Қазақстан Республикасы Ауыл шаруашылығы министрінің міндетін атқарушы 2023 жылғы 13 сәуірдегі № 137 бұйрығына 2-қосымша

 Көктемгі егіс және егін жинау жұмыстары кезеңінде ауыл шаруашылығы өнімін өндірушілер үшін мұнай өнімдерінің көлемін қалыптастыру және бөлу қағидалары

 1-тарау. Жалпы ережелер

 

1. Осы Көктемгі егіс және егін жинау жұмыстары кезеңінде ауыл шаруашылығы өнімдерін өндірушілер үшін мұнай өнімдерінің көлемін қалыптастыру және бөлу қағидалары (бұдан әрі – Қағидалар) "Мұнай өнімдерінің жекелеген түрлерінің өндірілуі мен айналымын мемлекеттік реттеу туралы" Қазақстан Республикасы Заңының (бұдан әрі – Заң) 9-бабы 4-тармағының 3-1) тармақшасына сәйкес әзірленді және көктемгі егіс және егін жинау жұмыстары кезеңінде ауыл шаруашылығы өнімдерін өндірушілер үшін мұнай өнімдерінің көлемдерін қалыптастыру мен бөлу тәртібін айқындайды.
2. Осы Қағидаларда мынадай негізгі ұғымдар пайдаланылады:

      1) 1 гектарға арналған дизель отыны шығысының нормативі – ауыл шаруашылығы дақылдарының түрлері бойынша егістіктің бір гектарын (бұдан әрі – га) егу/жинау үшін қажетті дизель отынының орташа оңтайлы көлемі;

      2) ауыл шаруашылығы өнімін өндіруші – ауыл шаруашылығы өнімін өндірумен айналысатын және көктемгі егіс және егін жинау жұмыстарын жүргізу үшін дизель отынын одан әрі өткізу құқығынсыз сатып алатын, сондай-ақ ресурс ұстаушылардан дизель отынын сатып алу туралы дербес шешім қабылдаған жеке немесе заңды тұлға;

       3) ауыл шаруашылығы өнімін өндірушіге арналған дизель отынының көлемі – дизель отыны шығысының нормативін ауыл шаруашылығы өнімін өндірушінің ауыл шаруашылығы дақылдарының мәлімделген егіс (жинау) алаңына 1 гектарға көбейту жолымен дизель отынын бөлудің ақпараттық жүйесінде автоматты түрде есептелетін дизель отынының көлемі;

      4) дизель отыны – мұнай өнімдерін өндіру саласындағы уәкілетті орган мұнайды қайта өңдеу жоспарларында, ауыл шаруашылығы өнімін өндірушілерге жеткізу үшін қажетті көлемде ескеретін мұнай өнімінің жекелеген түрі;

      5) дизель отынын бөлудің ақпараттық жүйесі (бұдан әрі – АЖ) – ауыл шаруашылығы өнімін өндірушілер үшін дизель отынының көлемін қалыптастыру және бөлу процестерін орындау бойынша қызметтер көрсетуге арналған ақпараттық-коммуникациялық технологиялардың, қызмет көрсететін персоналдың және техникалық құжаттаманың ұйымдырылып реттелген жиынтығы;

      6) дизель отынын бөлудің ақпараттық жүйесінің веб-порталы (бұдан әрі – веб-портал) – ауыл шаруашылығы өнімін өндірушілер арасында дизель отынын қалыптастыру және бөлу жөніндегі деректерге бірыңғай қол жеткізу нүктесін беретін Интернет желісінде орналастырылған интернет-ресурс;

      7) дизель отынын жеткізу жөніндегі өңірлік оператор (бұдан әрі – оператор) – ауыл шаруашылығы өнімін өндірушілерге арналған дизель отынын сатып алу, жеткізіп беру, сақтау және жеткізу жөніндегі қызметтерді көрсететін, өңірлік операторларды айқындау жөніндегі комиссия айқындайтын жеке немесе заңды тұлға;

      8) көрсетілетін қызметтерді жеткізуші – АЖ-ға қолжетімділікті және оны сүйемелдеуді қамтамасыз ететін тұлға, оны мемлекеттік сатып алу туралы заңнамаға сәйкес ауыл шаруашылығы саласындағы функцияларды жүзеге асыратын облыстардың жергілікті атқарушы органының құрылымдық бөлімшесі (бұдан әрі – Басқарма) айқындайды;

       9) танаптың кадастрлық нөмірі – танаптың орналасқан жерін анықтауға (сәйкестендіруге) арналған оның бірегей коды;

      10) электрондық цифрлық қолтаңба (бұдан әрі – ЭЦҚ) – электрондық цифрлық қолтаңба құралдарымен жасалған және электрондық құжаттың дұрыстығын, оның тиесілілігін және мазмұнының өзгермейтіндігін растайтын электрондық цифрлық нышандар жиынтығы.

 2-тарау. Көктемгі егіс және егін жинау жұмыстары кезеңінде ауыл шаруашылығы өнімін өндірушілер үшін мұнай өнімдерінің көлемін қалыптастыру және бөлу тәртібі

3. Ауыл шаруашылығы өнімін өндірушілер үшін дизель отынының көлемін қалыптастыруға өтінімдерді қабылдау туралы хабарландыру көктемгі егіс жұмыстарын жүргізуге өткен жылдың 30 қарашасынан кешіктірмей, ал егін жинау жұмыстарын жүргізуге – тиісті жылдың 30 сәуірінен кешіктірмей облыстардың тиісті жергілікті атқарушы органының (бұдан әрі – ЖАО) АЖ және интернет-ресурсында орналастырылады.
4. Көктемгі егіс жұмыстарын жүргізуге дизель отынының көлемін қалыптастыруға ауыл шаруашылығы өнімін өндірушілерден өтінімдерді қабылдау АЖ-да өткен жылдың 1-20 желтоқсаны аралығында, ал егін жинау жұмыстарын жүргізуге ‒ тиісті жылдың 1-20 мамыры аралығында жүзеге асырылады.
5. Ауыл шаруашылығы өнімін өндірушілер үшін көктемгі егіс және егін жинау жұмыстарын жүргізуге арналған дизель отынының көлемін қалыптастыру АЖ-да автоматты түрде жүзеге асырылады.

      Жеке кабинет ашу үшін веб-порталда тіркелу кезінде ауыл шаруашылығы өнімін өндіруші мынадай мәліметтерді көрсетеді:

      1) жеке тұлғалар мен дара кәсіпкерлер үшін: жеке сәйкестендіру нөмірі (бұдан әрі – ЖСН), аты, әкесінің аты (бар болса) және тегі;

      2) бірлескен кәсіпкерлік нысанындағы заңды тұлғалар мен дара кәсіпкерлер үшін: бизнес-сәйкестендіру нөмірі (бұдан әрі – БСН), толық атауы; бірінші басшының аты, әкесінің аты (бар болса) және тегі және ЖСН-сы;

      3) байланыс деректері (почта мекенжайы, телефон, электрондық почта мекенжайы);

      4) екінші деңгейдегі банктің немесе ұлттық почта операторының ағымдағы шотының деректемелері.

      Жоғарыда көрсетілген деректер өзгерген кезде ауыл шаруашылығы өнімін өндіруші бір жұмыс күні ішінде веб-порталдағы жеке кабинетке енгізілген дербес шоттың деректерін өзгертеді.

 

6. Ауыл шаруашылығы өнімін өндіруші АЖ-да осы Қағидаларға 1-қосымшаға сәйкес нысан бойынша ауыл шаруашылығы өнімін өндірушінің ЭЦҚ-сы қойылған электрондық құжат нысанында дизель отынының көлемін алуға арналған өтінімді (бұдан әрі – өтінім) қалыптастырады.

      Танаптың бір кадастрлық нөмірі бойынша қайта-қайта өтінім жіберуге жол берілмейді.

      Мүшелеріне жер учаскелері тіркелген ауыл шаруашылығы кооперативі (бұдан әрі – ауылшаркооперативі) ауылшаркооперативіне өтінім береді.

      Мүшелеріне жер учаскелері тіркелген бірлескен кәсіпкерлік нысанында ұйымдастырылған шаруа немесе фермер қожалығы шаруа немесе фермер қожалығына өтінім береді.

      Бұл ретте дизель отынының көлемін алушы ауылшаркооперативі не шаруа немесе фермер қожалығы болып табылады.

      Өтінімнің "қаралуда/бекітілді/бас тартылды" деген мәртебесі веб-порталдағы ауыл шаруашылығы өнімін өндірушінің жеке кабинетінде көрсетіледі.

7. Ауыл шаруашылығы өнімін өндірушінің деректері, сондай-ақ тиісті алаңдағы жер пайдалану және (немесе) жеке меншік құқығында (оның ішінде ауылшаркооперативінің не шаруа немесе фермер қожалығы мүшелерінің) ауыл шаруашылығы мақсатындағы жер учаскелерінің болуы АЖ-ның "Заңды тұлғалар" немесе "Жеке тұлғалар" мемлекеттік дерекқорларымен және автоматтандырылған мемлекеттік жер кадастры жүйесі және "Жылжымайтын мүлік тіркелімі" мемлекеттік дерекқорымен ақпараттық өзара іс-қимылы нәтижесінде автоматты түрде расталады.
8. Дизель отынының көлемін есептеу үшін ауыл шаруашылығы өнімін өндіруші өтінімде танаптың кадастрлық нөмірі мен жер учаскесінің ауданын, сондай-ақ егілетін/жиналатын ауыл шаруашылығы дақылының түрін көрсетеді. Ауыл шаруашылығы өнімін өндіруші үшін дизель отынының көлемін есептеу АЖ-да 1 га арналған дизель отыны шығысының нормативін ескере отырып, автоматты түрде жүргізіледі.

       Көктемгі егіс және егін жинау жұмыстарын жүргізуге арналған дизель отыны шығысының базалық нормативтері осы Қағидаларға 2-қосымшада көрсетілген.

9. Ауыл шаруашылығы өнімін өндірушіге арналған дизель отынының өтінімі мен көлемін есептеу Басқарманың уәкілетті қызметкерінің жеке кабинетінде қолжетімді болады.

       Басқарма АЖ-да өтінім қалыптастырылған сәттен бастап үш жұмыс күні ішінде өтінімге бірегей код бере отырып, дизель отынының алдын ала көлемін бекіту туралы не дизель отынының алдын ала көлемін бекітуден бас тарту туралы шешім қабылдайды және ауыл шаруашылығы өнімін өндірушіге осы Қағидаларға 3-қосымшаға сәйкес нысан бойынша хабарлама жібереді.

10. Хабарлама ауыл шаруашылығы өнімін өндірушінің жеке кабинетінде көрсетілген электрондық мекенжайына жіберіледі және веб-порталдағы ауыл шаруашылығы өнімін өндірушінің жеке кабинетінде көрсетіледі.
11. Ауыл шаруашылығы өнімін өндірушілер үшін дизель отыны көлемін есептеу негізінде АЖ-да дизель отынының алдын ала көлемі бар аудандар мен облыстар бөлінісінде ауыл шаруашылығы өнімін өндірушілердің жиынтық тізбесі (бұдан әрі – жиынтық тізбе) қалыптастырылады. Жиынтық тізбе веб-порталда көрсетіледі.

 

12. Басқарма АЖ-да жиынтық тізбе қалыптастырылған күннен бастап үш жұмыс күні ішінде осы Қағидаларға 4-қосымшаға сәйкес нысан бойынша облыс бойынша дизель отынының қажеттілігі мен көлемдерін бөлу тізілімін (бұдан әрі – облыс бойынша тізілім) жасайды және оны АЖ арқылы Қазақстан Республикасы Ауыл шаруашылығы министрлігіне (бұдан әрі – Ауыл шаруашылығы министрлігі) жібереді.

 

13. Ауыл шаруашылығы министрлігі облыс бойынша тізілім келіп түскен күннен бастап екі жұмыс күні ішінде осы Қағидаларға 5-қосымшаға сәйкес нысан бойынша республика бойынша дизель отынының қажеттілігі мен көлемдерін бөлу тізілімін (бұдан әрі – республика бойынша тізілім) жасайды және оны АЖ арқылы мұнай өнімдерін өндіру саласындағы уәкілетті органға (бұдан әрі – Энергетика министрлігі) жібереді.
14. Республика бойынша тізілім негізінде Энергетика министрлігі Ауыл шаруашылығы министрлігімен бірлесіп:

      өткен жылдың 30 желтоқсанынан кешіктірмей көктемгі егіс жұмыстарын жүргізуге әр облыс үшін дизель отынының көлемі бөлінген облыстарды мұнай өңдеу зауыттарына бекіту графигін (бұдан әрі – график);

      тиісті жылдың 30 мамырынан кешіктірмей егін жинау жұмыстарын жүргізуге арналған графикті бекітеді.

       Энергетика министрлігі ауыл шаруашылығы өнімін өндірушілерге дизель отынын өткізуге ұсынылатын бағаны белгілеу туралы ай сайынғы хаттаманы (бұдан әрі – ай сайынғы хаттама) бекітеді.

15. Ауыл шаруашылығы министрлігі график және ай сайынғы хаттама бекітілген күннен бастап екі жұмыс күні ішінде оларды веб-порталға орналастырады.
16. Ауыл шаруашылығы өнімін өндірушілерге жеткізу үшін қажетті көлемде дизель отыны болмаған кезде, әрбір ауыл шаруашылығы өнімін өндіруші үшін дизель отынының көлемі АЖ-ға сұратылған көлемге барабар азайтылған көлемде бөлінеді.

      Ауыл шаруашылығы өнімін өндірушіге арналған дизель отынының түпкілікті көлемдері веб-порталда және ауыл шаруашылығы өнімін өндірушінің жеке кабинетінде қолжетімді болады.

17. ЖАО АЖ-ға дизель отынын босату жүзеге асырылатын операторлардың тізбесін және олардың мұнай өнімдерін (мұнай өнімдері базасын) сақтауға арналған сыйымдылықтарын, сондай-ақ ресурс ұстаушылардан өз бетінше дизель отынын сатып алу туралы шешім қабылдаған ауыл шаруашылығы өнімін өндірушілердің тізбесін орналастырады.
18. Оператор және ресурс ұстаушылардан дизель отынын өз бетінше сатып алу туралы шешім қабылдаған ауыл шаруашылығы өнімін өндіруші веб-порталда жеке кабинет ашады.
19. Операторлар үшін бекітілетін дизель отынының көлемі ауыл шаруашылығы өнімін өндірушілерден оператордың жеке кабинетіне келіп түскен дизель отынын тиеп-жөнелтуге арналған өтінімдер негізінде қалыптастырылады.

       Ресурс ұстаушылардан дизель отынын өз бетінше сатып алу туралы шешім қабылдаған ауыл шаруашылығы өнімін өндірушілер үшін бекітілетін дизель отынының көлемі дизель отынының нақты мәлімделген көлеміне сүйене отырып қалыптастырылады.

 

20. Ауыл шаруашылығы өнімін өндіруші АЖ арқылы операторға осы Қағидаларға 6-қосымшаға сәйкес нысан бойынша жеңілдікті дизель отынын тиеп-жөнелтуге өтінім береді.
21. Дизель отыны тиеп-жөнелтілген күні оператор ауыл шаруашылығы өнімін өндірушінің өтінімін ЭЦҚ-мен куәландыру жолымен жеке кабинеті арқылы өтеуді жүзеге асырады.

       Бұл ретте ауыл шаруашылығы өнімін өндірушінің өзінің жеке кабинетінде көрсетілген электрондық мекенжайына осы Қағидаларға 7-қосымшаға сәйкес нысан бойынша дизель отынын тиеп-жөнелту туралы хабарлама жіберіледі.

22. Ресурс ұстаушылардан дизель отынын өз бетінше сатып алу туралы шешім қабылдаған ауыл шаруашылығы өнімдерін өндірушілер апта сайынғы негізде веб-порталда мынадай ақпаратты орналастырады:

      1) жеткізу шарты бойынша сатып алынған дизель отынының көлемі;

      2) жарияланған күнге дизель отынының қалған көлемі.

23. Оператор апта сайынғы негізде веб-порталда мынадай ақпаратты орналастырады:

      1) берілген дизель отыны көлемінің саны;

      2) жарияланған күнге дизель отынының қолжетімді көлемі.

24. Дизель отынының өткізілмеген көлемі болған кезде оператор ауыл шаруашылығы өнімін өндірушілерге (ЖАО-мен келісу бойынша) осы көлемдердің ауыл шаруашылығы жұмыстарының мынадай түрлері бойынша өткізілуін қамтамасыз етеді:

      1) егін жинау жұмыстары;

      2) жемшөп дайындау;

      3) дәнді және майлы дақылдардың тұқымдарын кептіру.

       Бұл ретте ЖАО АЖ-ға өтінімдерді қабылдау мерзімдерін көрсете отырып, дизель отынының қалдықтарын өткізуге арналған өтінімдерді қабылдау туралы қосымша хабарландыру жариялайды.

 

25. ЖАО ауыл шаруашылығы және энергетика министрліктеріне дизель отынының өткізілмеген көлемі туралы және осы Қағидалардың 24-тармағына сәйкес ауыл шаруашылығы жұмыстарына қайта жіберілген дизель отынының көлемі туралы хабарлайды.
26. АЖ жұмысы істен шыққан жағдайда, ЖАО туындаған жағдай және оларды жою жөніндегі шаралар туралы көрсетілетін қызметтерді жеткізушіні дереу хабардар етеді.

      Көрсетілетін қызметтерді жеткізуші ЖАО-дан хабарлама алғаннан кейін АЖ жұмысының бұзылуын жоюға және ЖАО АЖ-ға қол жеткізуді ұсынуға кіріседі.

      Бұл ретте, туындаған іркілісті жою бойынша жұмыстар жүргізілгеннен кейін көрсетілетін қызметтерді жеткізуші 1 (бір) жұмыс күні ішінде техникалық проблема туралы хаттама жасайды және оған ЖАО қол қояды.

Көктемгі егіс және егін жинау жұмыстары кезеңінде ауыл шаруашылығы өнімін өндірушілер үшін мұнай өнімдерінің көлемін қалыптастыру және бөлу қағидаларына 1-қосымша

      Нысан

       Облыстың ауыл шаруашылығы басқармасы

       ________________ облыстар

 Дизель отыны көлемдерін алуға арналған өтінім

1. __________________________________________________________________

      (заңды немесе жеке тұлғаның атауы)

       атынан __________________________________________________________________

                        (лауазымы, аты, әкесінің аты (бар болса), тегі)

       көктемгі егіс/егін жинау жұмыстарын жүргізу үшін _________ (______________) тонна

       (қажеттісін таңдау)

      көлемінде дизель отынын бөлуді сұраймын.

2. _____ жылға арналған ауыл шаруашылығы дақылдары егістіктерінің жалпы алаңы ____________ га.
3. Ауыл шаруашылығы өнімін өндіруші туралы мәліметтер.

      Заңды тұлға үшін:

      атауы ______________________________________________________________

      бизнес-сейкестендіру нөмірі (бұдан әрі – БСН) ___________________________

      басшының аты, әкесінің аты (бар болса), тегі _____________________________

      мекенжайы: ________________________________________________________

      телефон (факс) нөмері: _______________________________________________

      Жеке тұлға үшін:

      аты, әкесінің аты (бар болса), тегі ______________________________________

      жеке сейкестендіру нөмірі (бұдан әрі – ЖСН) ____________________________

      Жеке басын куәландыратын құжат:

      нөмірі _____________________________________________________________

      кім берді ___________________________________________________________

      берілген күні ________________________________________________________

      мекенжайы: _________________________________________________________

      телефон (факс) нөмері: ________________________________________________

      Дара кәсіпкер ретінде қызметінің басталғаны туралы хабарлама – жеке тұлға үшін:

      орналасқан жері _____________________________________________________

      хабарланған күні ____________________________________________________

4. Ауыл шаруашылығы кооперативінің (шаруа қожалығының) мүшелері туралы мәліметтер өтінім ауыл шаруашылығы кооперативінен немесе шаруа қожалығынан (мүшелері бар болса) берілген жағдайда толтырылады:

№	Ауыл шаруашылығы кооперативі (шаруа қожалығы) мүшесінің атауы	Ауыл шаруашылығы кооперативі (шаруа қожалығы) мүшесінің БСН / ЖСН

5. Ауыл шаруашылығы өнімін өндірушінің екінші деңгейдегі банктегі немесе ұлттық почта операторындағы ағымдағы шотының мәліметтері:

      ЖСН/БСН _________________________________________________________

      бенефициар коды (бұдан әрі – БеК)_____________________________________

      банктің немесе почта операторының деректемелері: ______________________

      банктің немесе почта операторының атауы: _____________________________

      банктің сәйкестендіру коды ___________________________________________

      жеке сәйкестендіру коды _____________________________________________

      БСН ______________________________________________________________

      БеК _______________________________________________________________

6. Ауыл шаруашылығы өнімін өндіруші үшін дизель отынының көлемін есептеу

№	Ауыл шаруашылығы дақылының атауы	Танаптың кадастрлық нөмірі және оның алаңы, гектар	1 гектарға арналған (килограмға) дизель отыны шығысының нормасы	Ауыл шаруашылығы өнімін өндіруші үшін дизель отынының көлемі (тонна, килограмм)
1	2	3	4	5

      Ұсынылған ақпараттың дұрыстығын растаймын, Қазақстан Республикасының заңнамасына сәйкес анық емес мәліметтерді ұсынғаным үшін жауапкершілік туралы хабардармын және заңмен қорғалатын құпияны құрайтын мәліметтерді пайдалануға, сондай-ақ дербес деректерді және өзге де ақпаратты жинауға, өңдеуге, сақтауға, түсіруге және пайдалануға келісім беремін.

       Көктемгі егіс және егін жинау жұмыстарын жүргізуге сатып алынған дизель отыны көлемдерінің пайдаланылуын қамтамасыз ететінімді растаймын.

       Өтініш беруші 20__ жылғы "____" ______ сағат _____ қол қойып, жіберді:

       Электрондық цифрлық қолтаңбадан (бұдан әрі – ЭЦҚ) алынған деректер

      ЭЦҚ-ға қол қою күні мен уақыты

       Өтінімді қабылдау туралы хабарлама:

      Өтінім 20__ жылғы "____" ______ сағат _____ қарауға қабылданды:

      ЭЦҚ деректері

      ЭЦҚ-ға қол қою күні мен уақыты

Көктемгі егіс және егін жинау жұмыстары кезеңінде ауыл шаруашылығы өнімін өндірушілер үшін мұнай өнімдерінің көлемін қалыптастыру және бөлу қағидаларына 2-қосымша

      Нысан

 Көктемгі егіс және егін жинау жұмыстарын жүргізуге арналған дизель отыны шығысының базалық нормативтері

№	Дақылдың атауы	1 га (килограмм) арналған дизель отыны шығысының нормативі
		көктемгі егіс жұмыстарына		егін жинау жұмыстарына
1	Дәнді және бұршақты дақылдар	15,46		15,60
2	Картоп	51,52		140,71
3	Көкөністер	15,91		125,61
4	Майлы дақылдар	14,45		18,24
5	Сүрлем (жүгері)	11,74		85,84
6	Бау-бақша дақылдары	16,00		5,05
7	Біржылдық шөптер	14,36		10,83
8	Көпжылдық шөптер	11,48		-
			Көктемгі егіс және егін жинау жұмыстары кезеңінде ауыл шаруашылығы өнімін өндірушілер үшін мұнай өнімдерінің көлемін қалыптастыру және бөлу қағидаларына 3-қосымша

      Нысан

 Хабарлама

       Құрметті ____________________________________________________________

      (заңды тұлғаның атауы немесе жеке тұлғаның аты, әкесінің аты (бар болса), тегі)

       Сізге _______ жылғы "____" ___________ берілген № _______ өтінімге сәйкес

       ____________ тонна көлемінде дизель отынын бөлу/бас тарту туралы Басқарманың

      шешімі туралы хабарлаймыз.

      Бас тарту себебі: _____________________________________________________

      _________________________________________________________________________

      _________________________________________________________________________

      Сұрақтар туындаған жағдайда _________________________________________

       _______________________________________________ хабарласуыңызды сұраймыз.

                  (Басқарма)

       Орындаушы: _______________________________________ _______________

      (аты, әкесінің аты (бар болса), тегі)             (қолы)

      Байланыс телефондары: ______________________________________________

Көктемгі егіс және егін жинау жұмыстары кезеңінде ауыл шаруашылығы өнімін өндірушілер үшін мұнай өнімдерінің көлемін қалыптастыру және бөлу қағидаларына 4-қосымша

      Нысан

 Облыс бойынша дизель отыны көлемдерінің қажеттілігі және бөлу тізілімі  20 ___ жыл

Р/с №	Аудандардың атауы	Көктемгі егіс немесе егін жинау жұмыстары (қажеттісін таңдау)	Айлар (қажеттісін таңдау)
			қаңтар	ақпан	наурыз	сәуір	мамыр	маусым	шілде		тамыз	қыркүйек	қазан	қараша	желтоқсан
1	2	3	4	5	6	7	8	9	10		11	12	13	14	15
Барлығы:
										Көктемгі егіс және егін жинау жұмыстары кезеңінде ауыл шаруашылығы өнімін өндірушілер үшін мұнай өнімдерінің көлемін қалыптастыру және бөлу қағидаларына 5-қосымша

      Нысан

 Республика бойынша дизель отыны көлемдерінің қажеттілігі және бөлу тізілімі

Р/с №	Облыстардың атауы	Көктемгі егіс немесе егін жинау жұмыстары (қажеттісін таңдау)	Айлар (қажеттісін таңдау)
			қаңтар	ақпан	наурыз	сәуір	мамыр	маусым	шілде		тамыз	қыркүйек	қазан	қараша	желтоқсан
1	2	3	4	5	6	7	8	9	10		11	12	13	14	15
Барлығы:
										Көктемгі егіс және егін жинау жұмыстары кезеңінде ауыл шаруашылығы өнімін өндірушілер үшін мұнай өнімдерінің көлемін қалыптастыру және бөлу қағидаларына 6-қосымша

      Нысан

      ______________ облысының дизель отынын жеткізу

      жөніндегі өңірлік операторға

      __________________________

      (оператордың атауы)

 Жеңілдікті дизель отынын тиеп-жөнелтуге арналған өтінім

1. __________________________________________________________________

      (заңды немесе жеке тұлғаның атауы)

       атынан __________________________________________________________________

      (басшының лауазымы, аты, әкесінің аты (бар болса), тегі)

       көктемгі егіс/егіс жинау жұмыстарын жүргізуге _____________ (___________) тонна

                  (қажеттісін таңдау)

      көлемінде дизель отынын тиеп-жөнелтуді сұраймын.

2. Дизель отынын тиеп-жөнелту орны ______________________________________;
3. Дизель отынын тиеп-жөнелту күні мен уақыты – 20____ жылғы "___" __________ сағат _______.

      Өтінішке ауыл шаруашылығы тауарын өндіруші 20___ жылғы "___" ___________ сағат _______ қол қойып, жіберді:

      Ауыл шаруашылығы өнімін өндірушінің электрондық цифрлық қолтаңбасынан (бұдан әрі – ЭЦҚ) алынған деректер;

      Ауыл шаруашылығы өнімін өндірушінің ЭЦҚ-ны қою күні мен уақыты.

4. Өтінімді өтеу мәртебесі:

      дизель отынын нақты тиеп-жөнелтілген күні – 20____ жылғы "____" _____________;

      дизель отынын жеткізу жөніндегі өңірлік оператордың ЭЦҚ-дан алынған деректері;

      дизель отынын жеткізу жөніндегі өңірлік оператордың ЭЦҚ-ны қою күні мен уақыты.

Көктемгі егіс және егін жинау жұмыстары кезеңінде ауыл шаруашылығы өнімін өндірушілер үшін мұнай өнімдерінің көлемін қалыптастыру және бөлу қағидаларына 7-қосымша

      Нысан

 Дизель отынының тиеп-жөнелтілгені туралы хабарлама

       Құрметті ____________________________________________________________

      (заңды тұлғаның атауы немесе жеке тұлғаның аты, әкесінің аты (бар болса), тегі)

      Сізге _______ жылғы "____" ___________ берген № _______ өтініміңізге сәйкес ____________ (_________________) тонна көлемінде дизель отынының тиеп-жөнелтілгені туралы хабарлаймыз.

      Дизель отынын жеткізу жөніндегі өңірлік оператордың электрондық цифрлық қолтаңбасынан (бұдан әрі – ЭЦҚ) алынған деректер;

      Дизель отынын жеткізу жөніндегі өңірлік оператордың ЭЦҚ-сын қою күні мен уақыты.

© 2012. Қазақстан Республикасы Әділет министрлігінің «Қазақстан Республикасының Заңнама және құқықтық ақпарат институты» ШЖҚ РМК

Дата публикации

16 мая 2024