Амангелді ауданы әкімі аппаратының кадрлар бөлімі туралы ЕРЕЖЕ

Амангелді ауданы әкімі аппаратының кадрлар  бөлімі туралы

ЕРЕЖЕ

 

 

1. Жалпы ережелер

 

1. Амангелді ауданы әкімі аппаратының кадрлар бөлімі (бұдан әрі – Бөлім) «Амангелді ауданы әкімі аппараты» мемлекттік мекемесінің құрылымдық бөлімшесі болып табылады.
2. Бөлім өз қызметінде Қазақстан Республикасының Конституциясын, Қазақстан Республикасының заңдарын, Қазақстан Республикасы Президенті және Үкіметінің актілерін, Қазақстан Республикасы мемлекеттік органдарының заң қызметі туралы үлгі ережесін, Қазақстан Республикасының өзге де нормативтік құқықтық актілерін, аудан әкімі аппараты туралы ережені, аудан әкімі аппаратының жұмыс регламентін, сондай-ақ осы Ережені басшылыққа алады.
3. Бөлімнің құрылымы және штаттық санын Қазақстан Республикасының заңнамасында белгіленген тәртіппен аудан әкімдігі бекітеді.

 

 

2. Бөлімнің негізгі міндеттері, функциялары,

құқықтары және міндеттері

 

4. Кадр бөлімінің  міндеттері:

1) мемлекеттiк органда мемлекеттік қызмет және еңбек қатынастары саласындағы заңнамалардың орындалуын үйлестіреді;

2) мемлекеттік органдағы кадр қажеттілігіне ағымдағы және келешекті жоспарлауды енгізе отырып, оның персоналды басқару стратегиясын әзірлейді және оны іске асырады;

3) мемлекеттік органның кадрлық құрамын қалыптастырады, персоналдың кәсіби дамуын және мемлекеттік қызметті сапалы өткеруін қамтамасыз етеді;

4) аудандық деңгейде кадр­лық жұмысты басқарудың құры­лымын оңтайландырады;

5) мемле­кеттік органдардағы кадрлық қызметтерінің Қазақстан Республикасы Мемлекеттік қызмет істері агенттігінің аумақтық бөлімшелерімен әрекет ету жүйесін жетілдіреді;

6) қызметкерлердің алдына корпоративтік мәдениетті қалыптастыады және мемлекеттік органда әлеуметтік психологиялық еңбек ахуалын дамытады.

        

Функциялары:

1) мемлекеттік органдарда мемлекеттік қызметшілердің кәсіби дамуына мониторинг жүргізу, мемлекеттік қызметшілердің оқуын, қайта даярлау және біліктілігін көтеру курстарынан өтуін ұйымдастырады;

2) мемлекеттік органдарда  мемлекеттік қызметшілердің қызметінің тиімділігін бағалауға бақылау жүргізу, нәтижелерін жинақтау және талдау жасайды;

3) мемлекеттік органдарда мемлекеттік әкімшілік лауазымдарға арналған біліктілік талаптарын дайындау және уәкілетті органмен келістіру және бекіту;

4) мемлекеттік қызметшілердің жеке істерін  жүргізу, еңбек кітапшаларына тиісті жазбалар енгізеді;

5) мемлекеттiк қызметшiлердiң заңда белгiленген шектеулердi қабылдауы туралы келiсiмін жазбаша нысанда белгiлейдi (өзiне қабылдаған шектеулердi бұзған жағдайда құқықтық салдарлар туралы хабардар етедi);

6) мемлекеттiк қызметшiлерге олардың құқықтық жағдайының мәселелерi жөнiнде ақыл-кеңес бередi, мемлекеттiк қызметте болумен байланысты шектеулердiң сақталуын бақылайды;

7) мемлекеттік органда  бос әкімшілік орындарға конкурс жариялайды;

8) бірыңғай конкурстық комиссия жұмысын ұйымдастырады және оның шешімі бойынша тиісті меммлекеттік органдарға ұсыныс енгізеді;

9) мемлекеттік қызметшілерді ауыстыру тәртібімен тағайындауға құжаттар дайындайды және оларды келісуге уәкілетті органға жолдайды;

10) аттестациялауға жататын мемлекеттік қызметшілерді анықтайды, бірыңғай аттестациялық комиссия жұмысын ұйымдастырады және оның шешімі бойынша тиісті мемлекеттік органдарға ұсыныс енгізеді;

11) мемлекеттік органдарда мемлекеттік қызметшілер туралы мәліметтердің бірыңғай базасын қалыптастырады;

12) уәкілетті органға ұсыну үшін есептер мен басқа да ақпараттарды дайындайды;

13) мемлекеттік органдарда мемлекеттік қызметшілерді тәртіптік жауапкершілікке тартуда қызметтік тексеру жүргізеді, бірыңғай тәртіптік комиссия жұмысын ұйымдастырады және қаралған тәртіптік істер бойынша тиісті мемлекеттік органдарға ұсыныс енгізеді;

14) мемлекеттік органда дайындалатын лауазымдық нұсқаулықтарды келіседі;

15) Қазақстан Республикасының заңдары, Қазақстан Республикасы Президентінің және Қазақстан Республикасы Үкіметінің, облыс әкімі мен әкімдігінің, аудан әкімі мен әкімдігінің актілері қарастырған өзге де функцияларды жүзеге асырады;

16) уәкiлеттi органға ұсыну үшiн бос лауазымдар тiзiмiн, бос лауазымдарды толтыру жөнiнде өтiнiмдер және өзге де қажеттi ақпараттар дайындайды.

 

 

5. Құқықтары мен міндеттері:

1) өзінің құзыретінің шегінде мәселелер қарауға және солар бойынша шешімдер қабылдауға қатынасады, олардың орындалуын тиісті органдар мен лауазымды тұлғалардан талап етеді;

         2) лауазымдық міндеттерін орындау үшін қажетті ақпараттар мен материалдарды, сондай-ақ басшылардың тапсырмаларын орындауды кешіктіру себептері туралы түсініктемені белгіленген тәртіппен сұратады және алады;

         3) қолданыстағы заңнамаға және оларға сәйкес қабылданған аудан әкімі аппаратының ішкі құжаттарына сәйкес атқарушылық және еңбек тәртібін қатаң сақтайды.

 

3. Бөлімнің қызметін ұйымдастыру

 

6. Бөлім заңнамалық актілерге, Қазақстан Республикасы Президентінің актілеріне, Қазақстан Республикасының өзге де нормативтік құқықтық актілеріне сәйкес өзінің негізгі міндеттері мен функцияларын іске асыруға қажетті өкілеттікке ие.
7. Аудан әкімі аппаратының кадрлар бөлімін аудан әкімінің өкімімен тағайындайтын және лауазымынан босататын басшы басқарады.
8. Бөлім басшысы Бөлімнің қызметіне жалпы басшылықты жүзеге асырады және Бөлімге жүктелген міндеттердің орындалуына және оның  өз функцияларын жүзеге асыруына жеке жауап береді.
9. Бөлім басшысы аудан әкімі аппаратының басшысына Бөлімнің құрылымы мен штаттық кестесі жөнінде ұсыныс енгізеді.
10. Осы мақсатта Бөлім басшысы:

         1) бөлім қызметкерлерінің лауазымдық міндеттерін анықтайды;

         2) бөлімнің жұмысын жоспарлауды жүзеге асырады;

         3) аудан әкімі аппаратының басқа құрылымдық бөлімшелерімен өзара             іс-қимылды жүзеге асырады;

         4) Бөлімнің қызметкерлеріне көтермелеу және жаза қолдану туралы ұсыныс енгізеді;

5) Қазақстан Республикасы Президентінің актілеріне және заңдарға сәйкес өзге де өкілеттіліктеті жүзеге асырады.

11. Бөлімнің құзыретіне жататын мәселелер бойынша Бөлімнің атынан басқа құрылымдық бөлімшелерге жіберілетін құжаттарға бөлім басшысы қол қояды, ол болмаған жағдайда – оны ауыстыратын тұлға қол қояды.

 

 

____________________________

 

 

 

 

Дата публикации

27 сентября 2023