ҚР Көлік министрлігінің Көлік комитеті, «Кәсіптік біліктілік туралы» ҚР Заңын іске асыру шеңберінде Теміржол көлігі саласындағы кәсіптік біліктілік жөніндегі салалық кеңестің (бұдан әрі – Салалық кеңес) құрамын бекітуді жоспарлауда, ол консультативтік-кеңесші орган ретінде салалық біліктілік шеңберлерін бекітетін болады, кәсіптік стандарттарды және кәсіптер тізіліміне өзгерістер мен толықтырулар енгізу бойынша ұсыныстарды, сондай-ақ кәсіптік біліктілікті тану шарттары бойынша ұсыныстарды келісетін болады.
Жоғарыда жазылғанның негізінде, Салалық кеңестің құрамын қалыптастыру және бекіту үшін мыналады ұсынуды сұраймыз:
1) жазбаша өтініш (қосымшадағы нысанға сәйкес);
2) Теміржол көлігі саласындағы жұмыс тәжірибесін растайтын құжат (ҚР Еңбек кодексінің 35-бабына сәйкес).
Бұл ретте Салалық кеңестің құрамына:
- мемлекеттік органның;
- ҚР Ұлттық кәсіпкерлер палатасының;
- Кәсіптік біліктілік жөніндегі ұлттық органның;
- жұмыс берушілердің;
- салалық кәсіптік одақтардың;
- жұмыс берушілердің салалық бірлестіктерінің (қауымдастықтардың, одақтардың);
- Теміржол көлігі саласындағы білім беру бағдарламаларын іске асыратын оқу орындарының екеуден аспайтын өкілі іріктелетін болады.
Салалық кеңестің құрамына енгізу үшін кандидатуралар бойынша ұсыныстарыңызды 2023 жылғы 20 қазанға дейін a.sharip@miid.gov.kz электрондық адреске немесе 010000, Астана қ., Қабанбай батыр даңғылы 32/1 пошталық мекенжайға жолдауды сұраймыз.