Көкпекті аудандық мәслихатының 2024 жылғы 19 қыркүйектегі № 18-3/4 шешімі

Көкпекті аудандық мәслихатының 2023 жылғы 26 желтоқсандағы № 10-13/1 «Көкпекті ауданының аумақтық және учаскелік сайлау комиссияларын мүшелерін сайлау туралы» шешіміне өзгерістер енгізу туралы

 

            Қазақстан Республикасының «Қазақстан Республикасындағы сайлау туралы» Конституциялық заңының 10, 19-баптарына, Қазақстан Республикасының «Қазақстан Республикасындағы жергілікті басқару және өзін-өзі басқару туралы» Заңының 6-бабына, Көкпекті ауданы әкімінің «Көкпекті ауданы әкімінің 2020 жылғы 11 желтоқсандағы № 7 «Көкпекті ауданы бойынша сайлау учаскелерін құру туралы» шешіміне өзгеріс енгізу туралы» 2024 жылғы 25 шілдедегі № 3 шешіміне сәйкес, Көкпекті аудандық мәслихаты ШЕШТІ:

1. Көкпекті аудандық мәслихатының «Көкпекті ауданының аумақтық және учаскелік сайлау комиссияларын мүшелерін сайлау туралы» 2023 жылғы 26 желтоқсандағы № 10-13/1 шешіміне келесі өзгерістер енгізілсін:

1) Сайлау комиссиясының қызметін тоқтатуға байланысты № 389 сайлау комиссиясының мүшелері өз міндеттерінен босатылсын.

2) Учаскелік сайлау комиссияларының келесі мүшелері міндеттерінен босатылсын:

№ 377

Ғалымов Әділжан Ержанұлы – «Қазақстан Халық партиясы» Қоғамдық бірлестігінің Абай облысындағы филиалынан, ауданнан тыс жерге кетуіне байланысты.

№ 399

Алимбаева Сымбат Бейсенгазиновна - «Ақ Жол» Қазақстанның демократиялық партиясы» қоғамдық бірлестігінің Абай облысы бойынша филиалынан, ауданнан тыс жерге кетуіне байланысты.

2. Саяси партиялар шығып кеткендердің орнына Көкпекті ауданының учаскелік сайлау комиссияларының құрамына кандидатуралар бойынша ұсыныстарды 2024 жылдың 3 қазанды қоса алғанда мерзімге дейін енгізсін.
3. Аудандық мәслихат аппаратының басшысы (Н.Фахрутдинова) осы шешімнің орындалуы бойынша тиісті шаралар қабылдасын.
4. Осы шешім қабылданған күнінен бастап қолданысқа енгізіледі.

 

Көкпекті аудандық

мәслихатының төрағасы                                                                   Т. Сарманов

Дата публикации

19 сентября 2024