Ұлы Жеңістің 73 жылдығы мен Астана қаласының 20 жылдығына арналған бильярдтан халықаралық турнир туралы

2018 жылғы 20-21 сәуірде Астанада Белоруссия, Қазақстан, Қырғызстан, Ресей, Өзбекстан мен Украина қауіпсіздік органдары – арнайы қызметтері мен күштік құрылымдарының Ұлы Жеңістің 73 жылдығы мен Астана қаласының 20 жылдығына арналған бильярд спортынан халықаралық турнирі өтті.

Іс-шараға қатысушылар Ұлы Отан соғысында қаза тапқандарға тағзым етіп, Отан қорғаушылар монументіне гүл шоқтарын қойды.  

Турнир нәтижелері бойынша бірінші орынды ҚР МКҚ Ардагерлер одағының командасы, екінші орынды – ҚР ҰҚК ШҚ, үшінші орынды – РФ ФКҚ иеленді.   

Жеке біріншілікте ҚР ҰҚК өкілі жеңімпаз атанды. 

Іс-шара соңында Қазақстан арнайы қызметтері мен достастық елдері ардагерлері ұйымдарының басшылығы алдағы уақыттағы өзара іс-қимыл және ынтымақтастық мәселелерін талқылады.