«Дабыл-Антитеррор-2018» жедел-тактикалық оқу-жаттығуы өткізілді

2018 жылғы 17 қарашада Қазақстан Республикасы Терроризмге қарсы орталығының бастауымен Алматы қаласының Халықаралық әуежайының аумағында «Дабыл-Антитеррор - 2018» республикалық жедел-тактикалық оқу-жаттығуы өткізілді.

Міндеттерді пысықтау шеңберінде Алматы қалалық терроризмге қарсы күрес жөніндегі жедел штабының бөлінген жедел топтарының дайындығы, сондай-ақ олардың өзара іс-қимыл жасау деңгейі тексерілді.

Әуежай қызметтерімен бірлесіп, көлік объектілерінде кепілдегілерді босату және террористерді залалсыздандыру бойынша арнайы операция жүргізу кезіндегі іс-қимыл алгоритмі қосымша пысықталды.

 

ҚР ҰҚК баспасөз қызметі