Жарылғыш заттардың заңсыз айналымы арнасының жолын кесу туралы

ҚР ҰҚК Ақмола облысы бойынша департаменті өңірде жарылғыш заттарды ұрлаумен және оны заңсыз сатумен айналысқан қылмыстық топтың құқыққа қайшы әрекетінің жолын кесті.

Сонымен, 2019 жылғы 20 қарашада жедел-іздестіру іс-шаралары барысында аммонит шашкалары мен капсюль-тұтандырғыштарды өткізу кезінде қылмыстық топтың екі мүшесі ұсталды.

Көпкезеңді жедел зерттеу барысында, 2019 жылғы қазан-қарашада осы қылмыстық топқа қатысушылардан 809 аммонит шашкасы және жалпы салмағы 200 кг артық аммониті бар 2 пакет, сондай-ақ 442 капсюль-тұтандырғыш алынды.

Ұсталған адамдар Көкшетау қ. ІІБ УҰИ-ға қамалды. Сотқа дейінгі тергеу жүргізілуде.

 

ҚР ҰҚК баспасөз қызметі