Қазақстан Республикасы Үкіметінің «Қазақстан Республикасының арнаулы мемлекеттік органдарының қызметтік тұрғын жайларын құру және беру қағидаларын бекіту туралы» 2012 жылғы 14 желтоқсандағы №1602 және «Қазақстан Республикасы арнаулы мемлекеттік органдарының қызметкерлеріне тұрғын үй төлемдерінің мөлшерін есептеу, оларды тағайындау, қайта есептеу, жүзеге асыру, тоқтату, тоқтата тұру және қайта бастау қағидаларын бекiту туралы» 2012 жылғы 28 желтоқсандағы №1727 қаулыларына өзгерістер енгізу туралы

Қазақстан Республикасының Үкіметі ҚАУЛЫ ЕТЕДІ:

1. «Қазақстан Республикасының арнаулы мемлекеттік органдарының қызметтік тұрғын жайларын құру және беру қағидаларын бекіту туралы» Қазақстан Республикасы Үкіметінің 2012 жылғы 14 желтоқсандағы №1602қаулысына(Қазақстан Республикасының ПҮАЖ-ы, 2013ж., № 4, 68-құжат) мынадай өзгеріс енгізілсін:

аталған қаулымен бекітілген Қазақстан Республикасының арнаулы мемлекеттік органдарының қызметтік тұрғын жайларын құру және беру қағидаларында:

12-тармақтың 5) және 6) тармақшалары мынадай редакцияда жазылсын:

«5) баянатты (өтінішті) тіркеу күніне дейін күнтізбелік он күн ішінде отбасының құрамы бойынша мемлекеттік тұрғын үй қорының объектілерін жалдау шарттарының тізілімінен жалға алушы жөнінде ақпарат;

6) баянатты тіркеу күніне дейін бір ай ішінде, егер жұбайы (зайыбы) мемлекеттік мекеменің немесе мемлекеттік кәсіпорынның қызметкері болса, жұбайының (зайыбының) жұмыс орнынан алынған тұрғын үй берілгені туралы мәліметтер бар анықтама ұсынады.».

2. «Қазақстан Республикасы арнаулы мемлекеттік органдарының қызметкерлеріне тұрғын үй төлемдерінің мөлшерін есептеу, оларды тағайындау, қайта есептеу, жүзеге асыру, тоқтату, тоқтата тұру және қайта бастау қағидаларын бекiту туралы» Қазақстан Республикасы Үкіметінің
   2012 жылғы 28 желтоқсандағы №1727 қаулысына (Қазақстан Республикасының ПҮАЖ-ы, 2013ж., № 6, 137-құжат) мынадай өзгерістер енгізілсін:

аталған қаулымен бекітілген Қазақстан Республикасы арнаулы мемлекеттік органдарының қызметкерлеріне тұрғын үй төлемдерінің мөлшерін есептеу, оларды тағайындау, қайта есептеу, жүзеге асыру, тоқтату, тоқтата тұру және қайта бастау қағидаларында:

2-тармақта:

7) тармақша мынадай редакцияда жазылсын:

«7) тұрғын үй комиссиясы – қызметкерлерді тұрғын үйге мұқтаж деп тану және тұрғын үй төлемдерін тағайындау мәселелерін және тұрғын үй қатынастары бойынша басқа да мәселелерді қарау үшін осы Қағидаларда көзделген ерекшеліктерді ескере отырып, мекеме басшысының шешімімен құрылатын комиссия;»;

9) тармақша мынадай редакцияда жазылсын:

«9) жауапты құрылымдық бөлімше – тұрғын үйге мұқтаж деп танылған және тұрғын үй төлемдерін алатын қызметкерлерді есепке алу жөніндегі функциялар жүктелген мекеменің бөлімшесі.»;

22-тармақта:

3) тармақша мынадай редакцияда жазылсын:

«3) баянат тіркелген күнге дейін күнтізбелік он күн ішінде отбасы құрамы бойынша мемлекеттік тұрғын үй қорының объектілерін жалдау шарттарының тізілімінен жалға алушы жөнінде ақпарат;»;

5) тармақша мынадай редакцияда жазылсын:

«5) жұбайы (зайыбы) мемлекеттік мекеменің немесе мемлекеттік кәсіпорынның жұмыскері болып табылған жағдайда баянат тіркелген күнге дейін бір ай ішінде алынған тұрғын үй берілгені туралы мәліметтері бар жұбайының (зайыбының) жұмыс орнынан анықтама;».

2. Осы қаулы алғаш ресми жарияланған күнінен кейін күнтізбелік он күн өткен соң қолданысқа енгізіледі.

 

 

   Қазақстан Республикасының

          Премьер-Министрі                                                                          А. Мамин

 

Дата публикации

07 февраля 2020