АҚТӨБЕДЕ МЕДИЦИНАЛЫҚ КӨМЕКТІҢ САПАСЫ МЕН ҚАУІПСІЗДІГІ БОЙЫНША ФОРУМ ӨТТІ
2024 жылғы 14 ақпанда Ақтөбе қаласында Ақтөбе, Атырау, Маңғыстау және Батыс Қазақстан облыстарының өкілдерін жинаған медициналық көмектің сапасы мен қауіпсіздігі жөніндегі форум өтті. Іс-шара Қазақстан Республикасындағы аккредиттеу жүйесінің 15 жылдығына және Ақтөбе медициналық орталығының 10 жылдығына орай ұйымдастырылды, бұл аталған ұйымдардың елдегі сапалы медициналық көмекті дамытуға қосқан елеулі үлестерін білдіреді.
Форумды Ақтөбе облысы әкімінің орынбасары Ғалымжан Елеуов ашып сөз сөйледі, ол медициналық қызметтердің сапасын арттыруға бағытталған бастамаларға тұрақты қолдау білдіріп, халықтың денсаулығын қамтамасыз ету үшін осындай жұмыстың маңыздылығын атап өтті.
Ақтөбе облысының Денсаулық сақтау басқармасы басшысының міндетін атқарушы Бақытжан Түлкібаева медициналық көмектің сапасын жақсарту саласында жүргізіліп жатқан ауқымды жұмыстар туралы айтып, бұл бағыт өңірдің атқарушы органдары үшін басым болып қалатындығын атап өтті.
Форумда ҚР ДСМ Медициналық және фармацевтикалық бақылау комитетінің Ақтөбе облысы бойынша департаменті және Әлеуметтік және медициналық сақтандыру қоры филиалы баяндама жасады. Оның ішінде, медициналық қызметтердің жоғары стандарттарын қамтамасыз етудің маңызды қадамына айналатын Әлеуметтік және медициналық сақтандыру қорының сапа мониторингі жөніндегі жаңа саясатына «Тәуекелдерді басқару жүйесіне» ерекше назар аударылды.
«Марат Оспанов атындағы Батыс Қазақстан медицина университеті» КЕАҚ қызметкерлері медициналық көмектің тиімділігін арттырудың маңыздылығын атап өтіп, дәрілік қателіктер, дәрілік заттарды ұтымды пайдалану және аккредиттеудің медициналық ұйымдардың жұмыс сапасына әсері туралы маңызды баяндамалар жасады.
Форумда дәрілік заттардың дербестендірілген есебі, триаж-жүйесі, хирургиялық қауіпсіздік, медициналық қателіктердің алдын алу және жедел медициналық бригадалардың өзара іс-қимылын жақсарту үшін заманауи технологияларды енгізу сияқты медицина саласындағы нақты міндеттерді шешуге бағытталған мастер-класстарға ерекше назар аударылды.
Іс-шара батыс өңірінің төрт облысынан 2023 жылға аккредиттелген клиникаларды және өз өңірлерінде аккредиттеу жүйесін дамытуға елеулі үлес қосқан ұлттық аккредиттеу жөніндегі сарапшыларды салтанатты марапаттаумен аяқталды.