ДҮНИЕЖҮЗІЛІК МИКРОБҚА ҚАРСЫ ПРЕПАРАТТАРҒА ТӨЗІМДІЛІК МӘСЕЛЕСІ ТУРАЛЫ ХАБАРДАРЛЫҚТЫ АРТТЫРУ АПТАЛЫҒЫ

Жыл сайын, 18-24 қараша аралығында Дүниежүзілік денсаулық сақтау ұйымы Дүниежүзілік микробқа қарсы тұрақтылық мәселесі туралы хабардарлықты арттыру апталығын өткізеді. 2015 жылы ДДСҰ жыл сайын қараша айының ортасында Дүниежүзілік антибиотиктерді дұрыс қолдану апталығын бастады. 2020 жылы ол Дүниежүзілік микробқа қарсы препараттарды дұрыс қолдану апталығы болып өзгертілді және 2023 жылдан бастап «Дүниежүзілік микробқа қарсы препараттарға төзімділік туралы хабардарлықты арттыру апталығы»деген атпен өтуде.

Дүниежүзілік аптаның мақсаты-микробқа қарсы препараттарға төзімділік мәселесі туралы бүкіл әлем бойынша жұртшылықтың хабардарлығын арттыру және жұртшылық, Денсаулық сақтау қызметкерлері және саясатты әзірлеуге жауапты адамдар арасында осы саладағы озық тәжірибені насихаттау.

Науқанның тақырыбы 2022 жылдағыдай - «микробқа қарсы препаратқа тұрақтылыққа қарсы тұру үшін күш біріктірейік».

Микробқа қарсы препараттарға тұрақтылық адам денсаулығына, жануарларға, өсімдіктерге және қоршаған ортаға ең үлкен қауіптердің бірі болып табылады. Тек еуропалық аймақта осы себептен 130 мың адам қайтыс болады. Бұл әрқайсымызға қатысты бүкіләлемдік мәселе.

Сондықтан биылғы тақырыпта микробқа қарсы препараттардың тиімділігін сақтау мақсатында жалпыға бірдей ынтымақтастыққа шақыру бар. Микробқа қарсы препараттарға тұрақтылықты нақты төмендету үшін барлығы микробқа қарсы препараттарды ұтымды және тиісті түрде қолдануы керек, жұқпалы аурулардың жиілігін азайту үшін алдын-алу шараларын қабылдауы керек, құрамында микробқа қарсы препараттар бар қалдықтарды дұрыс жою керек.

Медициналық және фармацевтикалық бақылау комитеті сізді антибиотиктерді бақылаусыз қолданудан бас тартуға, оларды дәрігерлердің нұсқауы бойынша ішуге және өзін-өзі емдемеуге шақырады.