ЕЭК ДӘРІ ДӘРМЕКТЕРДІ ТІРКЕУ ЖӘНЕ САРАПТАУ ҚАҒИДАЛАРЫНА ЖАҢА ӨЗГЕРІСТЕР ЕНГІЗУДІ ЖОСПАРЛАП ОТЫР

ЕАЭО құқықтық порталында реттеуші әсерді ағымдағы бағалау кезеңі ретінде жария талқылау үшін Еуразиялық экономикалық комиссия Кеңесінің «Медициналық қолдануға арналған дәрілік заттарды тіркеу және сараптау қағидаларына өзгерістер енгізу туралы» шешімінің жобасы жарияланды.

Жоба пациенттің өмірі мен денсаулығын қорғауға, құжат айналымының артық талаптарын оңтайландыру бөлігінде дәрілік препараттарды өндірушілер мен олар уәкілеттік берген адамдардың мүдделерін қорғауға, сондай-ақ дәрілік препараттың тіркеу деректерін бағалау рәсімін орындайтын ЕАЭО-қа мүше мемлекеттердің уәкілетті органдарының мүдделерін қорғауға бағытталған.

Ұсынылған реттеу шеңберінде тіркелген дәрілік препараттың дәрілік препараттардың тіркеу деректеріне өзгерістер енгізу рәсімі бойынша оларды құқық қолдану тәжірибесін ескере отырып, Қағидаларды өзектендіру, сараптама жұмыстарын жүргізуді талап етпейтін тіркеу деректеріне өзгерістер енгізу түрлерін нақтылау көзделеді.

Шешім жобасын қабылдау Еуразиялық экономикалық одаққа мүше мемлекеттердің заңнамасына сәйкес тіркелген Еуразиялық экономикалық одақ нарығында айналыстағы дәрілердің ағымдағы ассортименттік қолжетімділігін ұстауға ықпал ететін болады, сондай-ақ тіркеу ісінің материалдарын дайындау және фармацевтикалық өндірушілердің құжаттама материалдарын дайындау кезінде ЕАЭО-қа мүше мемлекеттердің уәкілетті органдарының әкімшілік рәсімдерді орындауын оңтайландыруға мүмкіндік береді.

Жобаны жария талқылау 13 қарашада басталып, ағымдағы жылдың 14 желтоқсанына дейін жалғасады.

Құжаттың толық мәтінімен мына сілтеме бойынша танысуға болады:
https://docs.eaeunion.org/ria/ru-ru/0106296/ria_01112023