НҰРЛАН ЫСҚАҚОВ «GLOBAL PHARM» ХАЛЫҚАРАЛЫҚ ФАРМАЦЕВТИКАЛЫҚ ФОРУМЫНДА БАЯНДАМА ЖАСАДЫ
Бүгін, 26 қазанда Астанада «Global Pharm» III Халықаралық фармацевтикалық форумы басталды.
Форум отандық фармацевтика саласын дамытуға мемлекеттік және жеке инвестицияларды тарту мақсатында өткізіледі, оған орталық мемлекеттік органдардың, ұлттық компаниялардың, ірі фармацевтикалық өндірушілердің, фармацевтика бойынша сарапшылар мен ғалымдардың өкілдері, сондай-ақ 20-дан астам елден келген қазақстандық және шетелдік кәсіпкерлер қатысады.
Форум аясында дәрілік заттар нарығының жұмысын нормативтік реттеуге және Қазақстанда инновациялық препараттарды оқшаулауды ынталандыру шараларына арналған пленарлық сессиялардың бірінде ҚР ДСМ Медициналық және фармацевтикалық бақылау комитетінің төрағасы Нұрлан Ысқақов баяндама жасады.
Өз сөзінде Комитет Төрағасы отандық фармацевтикалық өндірістің үлесін 2029 жылға қарай 50% - ға дейін жеткізу бойынша жүргізіліп жатқан жұмыстар туралы айтты.
Қазақстандық фармацевтикалық нарықтың әлеуеті мен проблемалық мәселелері туралы айта келе, Нұрлан Ысқақов бүгінде отандық өндірушілер үшін қолданылып жүрген мемлекеттік қолдауға назар аударды.
«Қазақстан Республикасының «Халық денсаулығы және денсаулық сақтау жүйесі туралы» Кодексі шеңберінде дәрілік заттар мен медициналық бұйымдарды 3 жылға дейін ұзарту мүмкіндігімен он жылға дейінгі мерзімге берудің ұзақ мерзімді шарттарын жасасу көзделеді. Бұдан басқа, кедендік баждар мен импортқа қосылған құн салығын салудан босату, мемлекеттік заттай гранттар, сондай - ақ салықтар бойынша преференциялар сияқты инвестициялық преференциялардың түрлері ұсынылады», - деп атап өтті Нұрлан Ысқақов.
Ол сондай-ақ бүгінгі күні ұлттық рәсім бойынша стратегиялық маңызды дәрілік заттар мен медициналық бұйымдарды тіркеу рәсімі көзделгенін, ал отандық өңделген тауарларды экспортқа жылжытуға және ішкі нарықта қолдау үшін шығындарды мемлекет өтейтінін айтты.
Сонымен қатар, Комитет басшысы қазіргі заманғы талаптарды ескере отырып, фармацевтикалық өндіріс үшін жоғары білікті кадрларды даярлау мәселесіне жеке тоқталды.
Өз баяндамасының соңында Н. Ысқақов мүдделі мемлекеттік органдармен және басқа да бейінді ұйымдармен бірлескен күштер фармацевтика саласын одан әрі дамыту бойынша барлық күш-жігерін жұмсайтынына сендірді.