ҚАЗАҚСТАНДА БӨЛШЕК ЖӘНЕ КӨТЕРМЕ САУДАДА ӨТКІЗУ ҮШІН ДӘРІЛІК ЗАТТАРДЫҢ ЖАҢА ШЕКТІ БАҒАЛАРЫ БЕКІТІЛДІ

Қазақстан Республикасы Денсаулық сақтау министрінің 2023 жылғы 7 тамыздағы № 465 бұйрығымен «Дәрілік заттың саудалық атауына өндірушінің шекті бағаларын, бөлшек және көтерме саудада өткізу үшін дәрілік заттың саудалық атауына шекті бағаларды бекіту туралы» Қазақстан Республикасының Денсаулық сақтау министрі міндетін атқарушының 2021 жылғы 27 тамыздағы №ҚР ДСМ-94 бұйрығына өзгерістер енгізілді.

Шекті бағалар 6890 дәрілік затқа белгіленген. Оның ішінде 5706 дәрі-дәрмектің бөлшек сегментінде бағалар өзгеріссіз қалды, 668 дәрі-дәрмектің бағасы өсті (орташа 38% - ға өсті) және 71 дәрі-дәрмектің бағасы төмендеді (орташа 19% - ға төмендеді), сонымен қатар тізімде 445 жаңа позиция бар.

Құжат 11 тамызда жарияланды және 10 күнтізбелік күн өткеннен кейін күшіне енеді.

Айта кетейік, дәрілік заттарға белгіленген шекті бағаны арттырғаны үшін ҚР «Әкімшілік құқық бұзушылық туралы» Кодексінің 426-бабы бойынша әкімшілік жауапкершілік қарастырылған. Сізге керек препараттың шекті бағасын DariKZ қосымшасы арқылы біле аласыз (Google Play Market және AppStore дүкендерінде қол жетімді). Сондай-ақ, бұл мобильді қосымша, егер дәрілік заттың құны шекті рұқсат етілген бағадан асып кетсе, дәріханаға шағым беруге мүмкіндік береді.

Сондықтан, егер сіз осы бұзушылықты дәріханадан тапсаңыз, онда сіз DariKZ мобильді қосымшасын қолдана аласыз және сол жерде шағым жасай аласыз. Ол үшін DariKZ мобильді қосымшасында шекті бағасы бар препаратты табу керек, содан кейін шағым беру түймесін басып, қажетті өрістерді толтырып, «жіберу» түймесін басыңыз. Осыдан кейін пайдаланушы оның хабарламасы жіберілгені туралы хабарлама алады, ал шағымның өзі тексеру үшін автоматты түрде Медициналық және фармацевтикалық бақылау комитетінің аумақтық департаментіне тексеруге жіберіледі.

Естеріңізге сала кетейік, шағымды орналасқан жері бойынша Медициналық және фармацевтикалық бақылау комитетінің департаментіне немесе «Электрондық үкімет» порталы арқылы дәрі-дәрмек сатып алу туралы шағым мен чекті тіркеу арқылы беруге болады.

Дәрілік заттарға белгіленген шекті бағалардың толық тізімімен сілтеме бойынша танысуға болады:
https://zan.gov.kz/client/#!/doc/184840/kaz