АСТАНАДА МЕДИЦИНАЛЫҚ ЖӘНЕ ФАРМАЦЕВТИКАЛЫҚ ЖҰРТШЫЛЫҚТЫҢ ҚАТЫСУЫМЕН ДЕНСАУЛЫҚ САҚТАУДЫҢ ӨЗЕКТІ МӘСЕЛЕЛЕРІ БОЙЫНША КЕҢЕС ӨТТІ

2023 жылғы 21 маусымда ҚР ДСМ Медициналық және фармацевтикалық бақылау комитеті Астана қаласы бойынша департаментінің бастамасымен елорданың медициналық және фармацевтикалық жұртшылығымен кездесу өтті.

Кездесудің мақсаты медициналық қызметті лицензиялау, фармацевтикалық мамандарды сертификаттау, тиісті дәріхана практикасы стандартын (GPP) енгізу мәселелерін талқылау, сондай-ақ мемлекеттік бақылау нәтижелері қаралды.

Кеңеске Астана қаласы Қоғамдық кеңесінің мүшесі Дәулетхан Есімов, «AQNIET» Қазақстандық салалық денсаулық сақтау қызметкерлері кәсіподағының төрағасы Бақытжан Тәжібай, «Еуразиялық медициналық қауымдастық» қауымдастығы нысанындағы заңды тұлғалар бірлестігінің президенті Ермек Ясылов, Астана қаласы «Атамекен» өңірлік кәсіпкерлер палатасының мүшесі А.С. Әбішев және қаланың медициналық және фармацевтикалық ұйымдарының басқа да өкілдері қатысты.

Кездесу барысында ҚР ДСМ Медициналық және фармацевтикалық бақылау комитетінің Астана қаласы бойынша департаментінің басшысы Дархан Тұрлыбеков баяндама жасады.

Өз сөзінде Д.Тұрлыбеков Денсаулық сақтау жүйесі қызметінің басты өлшемдерінің бірі көрсетілетін қызметтердің сапасын бақылауды қамтамасыз ету болып табылатынын атап өтті.

Ол сондай-ақ медициналық ұйымдардағы пациенттерді қолдау және ішкі бақылау қызметтерінің жұмысын күшейту қажет екенін айтты.

Сонымен қатар, баяндамашы 2022 жылдың қорытындысы бойынша Медициналық қызметті сертификаттау және лицензиялау саласында мемлекеттік қызметтер көрсетудің артқанын атап өтті.

2022 жылы 16 539 Мемлекеттік қызмет көрсетілді, динамикада өтініштердің 8% - ға артқаны байқалады.

Сонымен қатар, департамент басшысы бірқатар проблемалық мәселелерді көтеріп, оларды шешу жолдарын ұсынды.

Кеңес соңында қатысушылар сұрақтар қоюға және толық жауаптар алуға, сондай-ақ жоғарыда аталған мәселелер бойынша пікір алмасуға мүмкіндік алды.