ДДСҰ ҮНДІСТАНДА ӨНДІРІЛГЕН ТЕТРАЦИКЛИН ГИДРОХЛОРИДІ ПРЕПАРАТЫНЫҢ ЫҚТИМАЛ ҚАУПІ ТУРАЛЫ ЕСКЕРТТІ. ҚАЗАҚСТАНДА БҰЛ ПРЕПАРАТ ТІРКЕЛГЕН ЖОҚ

Дүниежүзілік денсаулық сақтау ұйымы жұртшылықты Тетрациклин гидрохлориді, офтальмологиялық, 1% жақпа майының (өндіруші «Galentic PharmaPvt. Ltd», Үндістан) ықтимал қауіптілігі туралы хабардар етті.

Қазіргі уақытта Қазақстан Республикасының дәрілік заттар мен медициналық бұйымдардың мемлекеттік тізілімінде бұл препарат тіркелмеген.

Айта кетейік, Дәрілік заттар мен медициналық бұйымдарды сараптаудың ұлттық орталығына өндірушіден осы офтальмологиялық жақпаны тіркеуге өтінімдер түскен жоқ.

ДДСҰ мәліметтері бойынша, бес халықаралық өнім жеткізушілері қолда бар қорлардың кездейсоқ үлгілерін тәуелсіз түрде визуалды тексеру жүргізді және бірқатар сапа мәселелерін анықтады, мысалы: әр түтіктің ішіндегі шүмектегі, қақпақтағы және жақпадағы әртүрлі түсті, өлшемдегі және пішіндегі бөлшектер, түтіктің фольгасының ішкі қабатындағы қара дақтар мен қоңыр дақтар және фазалық бөлу. Бұл мәселелер біркелкі болған жоқ және партиядан партияға, сондай-ақ жеткізушіден жеткізушіге дейін өзгерді. Өндіруші бірнеше партияны өз еркімен қайтарып алуға бастамашы болды.

Мақаланың түпнұсқа мәтінімен сілтеме арқылы танысуға болады:
https://www.who.int/news/item/22-02-2023-medical-product-alert-n-2-2023-tetracycline-hydrochloride-ophthalmic-ointment