ДӘРІ-ДӘРМЕКТЕР ЦИФРЛАРДА: ҚАЗАҚСТАНДА ПАРАЦЕТАМОЛ ҚАНША
Жақында біздің азаматтар бізге елдің бөлшек сауда сегментіндегі парацетамолдың болуы мен мөлшері туралы жиі жүгінеді.
Бүгін біздің «Дәрі-дәрмектер цифрларда» айдарында біз республика бойынша парацетамолдың қанша қаптамасы бар екеніне және Қазақстанда парацетамолдың қандай түрде сатылатынына егжей-тегжейлі тоқталамыз.
Естеріңізге сала кетейік, ҚР ДСМ Медициналық және фармацевтикалық бақылау комитетінің аумақтық департаменттері апта сайын көтерме және бөлшек сауда желісінде антибиотиктердің, антикоагулянттардың, антипиретиктердің, вирусқа қарсы, қабынуға қарсы және гормоналды препараттардың болуына мониторинг жүргізеді.
Бүгінгі күні фармацевтикалық қызмет субъектілерінің ақпараты бойынша бөлшек және көтерме желіде парацетамол дәрілік заты әртүрлі дозаларда және шығарылым нысандарында 710 652 қаптамада бар.
Парацетамолмен біріктірілген дәрілік формалардың саны 573 409 қаптаманы құрайды. Сондай-ақ дәріханаларда жеткілікті мөлшерде антипиретиктер тобынан басқа да препараттар бар (ацетилсалицил қышқылы, ибупрофен, нимесулид және т.б.).
Айта кетейік, Қазақстан Республикасында парацетамол таблеткаларда, капсулаларда және суппозиторий түрінде өндіріледі және шығарылады.
80 мг, 150 мг және 300 мг дозада суппозиторий (шамдар) түріндегі дәрілік түрдегі парацетамолды «ВИВА ФАРМ» ЖШС өндіреді. Республикада бұл препарат бөлшек және көтерме желіде жеткілікті мөлшерде бар.
2022 жылдың қараша айынан бастап Қазақстандық фармацевтикалық өндіруші «ТК ФАРМ АҚТӨБЕ» капсулада 9920 парацетамол қаптамасын шығарды, оның 240 қаптамасы Ақтөбе облысының дәріхана желісінде бар. Қазіргі уақытта өндіріс сатысында тағы 10 000 қаптама бар.
Сондай-ақ, Қазақстанда тіркелген парацетамолды шет елдерден жеткізу күтілуде.
Антипиретикалық дәрі ретінде парацетамолмен емдеу ұзақтығы 3 күннен аспайтынын және ауырсынуды басатын дәрі ретінде 5 күннен аспайтынын білу маңызды. Препаратпен емдеуді жалғастыру дәрігермен кеңескеннен кейін ғана мүмкін болады.
Тек ресми ақпарат көздеріне сеніңіз. Сау болыңыз!