Бауыржан Байсеркин микробқа қарсы тұрақтылыққа қарсы күреске арналған дөңгелек үстел жұмысына қатысты
17-18 қарашада Алматыда Дүниежүзілік денсаулық сақтау ұйымының (ДДСҰ) елдік кеңсесінің қолдауымен "Қазақстан Республикасындағы микробқа қарсы тұрақтылыққа қарсы күрес"тақырыбында дөңгелек үстел отырысы өтті.
Ведомствоаралық кеңесті құттықтау сөзбен ҚР ДСМ Медициналық және фармацевтикалық бақылау комитетінің төрағасы Бауыржан Байсеркин ашты.
Дөңгелек үстел жұмысына ҚР АШМ Ветеринариялық бақылау және қадағалау комитетінің төрағасы Асқар Жақыпбаев, ҚР ДСМ санитариялық-эпидемиологиялық бақылау комитетінің өкілдері, ҚР ДСМ бас штаттан тыс клиникалық фармакологы Лариса Макалкина, ДДСҰ сарапшылары, сондай-ақ «Қазақстан Республикасында микробқа қарсы препараттарға төзімділікті (резистенттілік) шектеу» Жол картасын іске асыру жөніндегі ведомствоаралық жұмыс тобының мүшелері қатысты.
Кеңес барысында Б. Байсеркин қоғамдық денсаулық сақтау саласындағы жаңа қауіп-қатерлерге ден қою жағдайында микробқа қарсы препараттарды пайдалануды бақылау ерекше өзектілікке ие болып отырғанын атап өтті.
Сондай-ақ, медициналық бақылау комитетінің төрағасы бүгінгі таңда еліміздің медицина саласында да, ветеринария секторында да антибиотиктерді дұрыс және ақылға қонымды қолдану мен тағайындау бағытында қайта бағдарлау қажет екенін айтты.
ДДСҰ мәліметтері бойынша жыл сайын емделмейтін инфекциялардан 700 мың адам қайтыс болады. ДДСҰ сарапшылары төзімді микробтардан туындаған инфекциялардың өсуін халықтың денсаулығына ең жаһандық қауіптердің бірі деп атайды.
Микробқа қарсы резистенттілікті қадағалаудың ұлттық жүйесін құру мақсатында 2019 жылдан бастап Қазақстанда медициналық ұйымдарда микробқа қарсы резистенттілікке күзет эпидемиологиялық қадағалау енгізу жүргізілуде.
«COVID-19 пандемиясы бүкіл әлемде антибиотиктерді тұтынудың артқанын көрсетті және бактериялардың антибиотиктерге төзімділігінің артуына қауіп төндірді. Микробқа қарсы препараттарға төзімділік саласында тиімді салааралық үйлестіруді құру үшін 2023-2027 жылдарға арналған Жол картасының жобасы дайындалды», - деді Бауыржан Байсеркин.
Дөңгелек үстел қорытындысы бойынша кеңеске қатысушылар Қазақстан Республикасында микробқа қарсы препараттарға төзімділікті тежеу жөніндегі Жол картасын іске асыру бойынша одан әрі басым қадамдарды айқындады.